المبــــــــــــــــــــــــــــــــــــــــــادرة
انا مبكرهش في حياتي قد كلمة المبادرة
خاصة لو كان بعديها كلمة الرئيس
كلمة غبية بتقتل تفكير وابداع وعمل سبعين مليون مصري
هو احنا منتحركش الا بمبادرة من الرئيس
منفكرش الابمبادرة من الرئيس
خلاص مصر مبقاش فيها عقول ولا فكر غير الرئيس
ليه نحصر تفكيرنا وتلقينا للاوامر لشخص واحد بس
دحنا مبنعملش كده مع ربنا
وبنخالف اوامره
لكن البلد كلها تقوم تسبح وتشكر وتهلل عشان مبادرة من الرئيس
علي العموم
الف مبروك علينا مبادرة النوووووي
وانشاء الله هنستخدم كلما امكانيتنا من بلح ومانجه عشان نحقق
طفرة نوووويه
تحت بند
يحدث في مصر
هناك ٨ تعليقات:
اولا مبروك على الخطوبة ولو انها متأخرة شوية
ثانيا متشغلش بالك قوى بالمبادرات بتاعة الريس حنتيرة لأن كل ده كلام فارغ للاستهلاك المحلى ضحك على عقول البشر وخلاص
نفسى اعرف مبادرة أيه اللى فى سنة 2007 بعد مايقارب 30 سنة فى الحكم لحسنى مبارك ده احنا كان عندنا مفاعل وبرنامج نووى فى الستينات يعنى من اكتر من اربعين سنه راح فين المفاعل والبرنامج وازاى بعد السنين دى بيسموها مبادرة
والله حاجة تحزن
تحياتى ليك يا ابوحنفى
سلام الله عليك
؟؟؟؟؟؟؟؟؟؟ انا سامعة و شامة اخبار حلووووووووة
خطوبة ؟؟؟؟؟؟؟
يا رب يوفقك يا رب يا محمود
اكلم اقول ايه بقا بعد موضوع الخطوبه ده
انت هتاخدني في دوكه ولا ايييييييه
فين الساقع
بادر بالزواج بقا
زيــزي
حبيبى
مبادرة
واول تعليق اسمه بدراوى
وخطبت
يابنى لسة بدرى
هتندم
ماعلينا
الف الله يكون فى عونك
بينى وبينك انا من اول لما اتولدت والريس بيبادر
وبياخد
خطى ايجابية
والحمد لله
كلها بتبوء بالفشل
بس يتحسبله انه بيبادر
المشكلة انه بيبادر لوحده محدش بيبادر معاه
فطبعا بيخسر
ياللا ربنا يوفقه
ويلاقى اللى يبادر معاه
سلاموووووز
ياجماعة محود مستنى بس مبادرة الرئيس علشان يتجوز
وانتم طبعا عارفين الريس مشغول اد ايه والمبادرات عنده بالكوم فادعوله بقي مبادرته تيجى سرعة
يارب
هههههههههههههه
محمود صحيح خطبت
لو حقيقى الف مبروك ويا رب تتهنوا
ويكتب لكم السعادة
يا بنى اللى حيجننى هو
برنامج السيد الرئيس الانتخابى
اللى كل شوية ينقطونا بيه عملنا
وسوينا ونفذنا منه كذا وكذا
وكأنها اول فترة يمسك فيها حكم
مصر وبينفذ وعوده
أمال اللى كان مسكنا الفترات السابقة
دى مين خياله ولا توائم روحه
عجبت للتزييف اللى بيضحكوا بيه علينا
تحياتى لك
يعنى هو ذنب الراجل ان هو الوحيد فى البلد اللى بيعرف يبادر
الاجل طول عمره مشهور بالمبادرات حتى لما كان بيلعب مع اصحابه وهو صغير كان بيقعد يعمل مبادرات ورق ومبادرات من الطين
وكان زمايله فى المدرسة بيستنوه لما يجيب مبادرة معاه علشان يلعبوا بها فى الفسحة
لولا مبادرات الرجل ده اكن فاتنا فى خبر كان
وبكرة ان شاء الله هتقول
فين مبادراتك يا ريس
لما جيمى يبدا يقدم مبادراته الخاصة واللوزعية
ههههههههههههه
سلام يا محمود
البدراوي
********
الله يبارك فيك ياباشا
لازم نشغل بالنا عشان كده حرام
كفاية ال بيحصل ده
تحياتي ليك ياباشا
مدونتك استاذه
MEEKNESS
*********
وعليكم السلام
مرسية
ومتخافيش علي الساقع
ساقع وجاتوك وسليزونات كمان
DOHA
*****
من ناحية هندم فاانا هندم
بس هيكون ندم لذيذ خاصة لو الي جنبك حد بيحبك
بالنسبة لموضوع المبادرة
انا عايز اخلي اسم الجيل بتاعنا جيل المبادرات
احنا شبعنا مبادرات
كفايه متبصتهاش اكتر من كده
سلام يا باشا
YASMINE
********
هو ده كلام الناس العاقلين
انا مستني مبادرته فعلا
ومبادره للعيال
ومبادرة للحضانة
ربنا يخليلنا مبادرته الكريمة
ESMAT
******
الحمد لله قريت فاتحة
وباذن اللة الشبكة قريب
الله يبارك فيكي
الرئيس بقاله خمس وعشرين سنة بيبادر
استفادنا ايه
بالعكس احنا بنخسر مش بنستفيد
تحياتي ليكي
ابو سويلم بااااااااشا
*********************
حياة ابوك بلاش جيمي
انا مستعد استحمل مباردات الرئيس
بس مقدرش ايتحمل مبادرات ابنه
ارحمنا يارب
سلام ياباشا
محمود
الخطوب تمت خلاص
كدا فين الحلاوة
دا انا يا عم كنت بادعيلك دعا اد كدا
ربنا يسعدكم يارب
وبعدين انت نسيت
الزيتون
اكيد هيكون دعامة رئيسية
في المبادرة النووية
انا نفسي الريس
يبادر
ويتنحى هو والعيلة الكريمة
دي تبقى مبادرة
العمر
يللا
هي دي مصر
وهي دي مبادرات
صاحب مصر
إرسال تعليق