مش باقى منى

مش باقى منى غير شوية ضى فى عينيا

، انا حاديهوملك و امشى بصبرى فى الملكوت

يمكن فى نورهم تلمحى خطوة تفرق معاكى بين الحياة و الموت

مش باقى منى غير شوية قوة فى ردى حسبى عليهم و انتى بتخطى

مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى

فى معركة ما فيهاش و لا طايرات و لا جيشو انتى فى طابور العيش

بتبوسى ايد الزمن ينولك لقمة

، من حقك المشروع

مش باقى منى غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لم يمر موكب سلاطينك

و مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى ، بلاش يتبعتروا فى البحر

مش باقى منى غير شوية لحم فى كتافى ، بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلمو مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم

، ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد حاحتاج يوميها الدم يمضى على شهادتى

بلدى

انا اوضاع مصر الحالية تتحرك من سئ الي اسوء

عندما يقول وزير الخارجيه ان ازمة الرهائن قد انتهت وهم لايزالوا مخطوفين فهي كارثه

انا يدفن اهل مصر تحت الانقاض ولا تستخرج جثثهم فهو ظلم

ان يقول وزير الدفاع ان امتلاك صواريخ طويلة المدي هو امر يجلب العدوه فهو ضعف

ان يفتخر وزير الدفاع ان المصانع الحربية من كبري منتجي السخانات وافران العيش فهو عبث

ان يقول وزير التموين ان انخفاض اسعار القمح العالمية تسمح لمصر بزياده الاستيراد فهو تواكل

حرائق منتشرة

ظلم من الشرطة

اعتداء علي المواطنين وقتلهم

قتل امراة حامل بسمالوط من الضرب والاهانة

تحرش مائة شاب بثلاثة بنات في واحد من اكبر شوارع مصر

ارتفاع رهيب في جميع انواع السلع الرئيسيه

الاعلانات المختلفة عن مرتفعات القطامية ودمالك وبجوارهم جثث متعفنه

لقد وصلت مصر الي حالة من الضعف والهوان والذل لم تصل اليها من قبل

المهانة والذل هنا ليست في الاوضاع فقط

انما هي تنبعث من موافقة الشعب علي ذلك الذل وعدم تغييره

يااااااااااااااااااااااااااااا

بقالي كتير مبكتبش

مابتكلمش

مش قادر اتكلم

في حاجة واقفه في زووووري منعاني من الكلام

مش عارف اصرخ ولا اعيط ولا اهبب ايه

يخرب بيوتكم

ايه البلد الي احنا عايشين فيها ديه

ايه المستوي الواطي ده

ده انتوا تستاهلوا اكتر من كده

تستاهلوا قانون مرور اقبح من كده

تستاهلوا تتشحنوا في عبارة وتولع بيكوا قبل ما تغرق

تستاهلوا تتسرقوا عيني عينك ومفيش فيكوا راجل يتكلم

تستاهلوا الي بيحصل فيكوا

يا معيييييييز

ده انتوا محصلتوش خرفان حتى

نيهاهاهاهاهاهاهاهاهاهاهاهاهاهاهاهاهاهاها

الصورة ديه انا كنت شفت اختها في العراق

الصورة من مدونة

http://www.sandmonkey.org/

اضراااااااااااااااااااااااااااااااااااااااب

هما فراحنين كده ليه

سامح فهمي وزير البترول مع وزير البنى التحتية الاسرائيلي بنيامين بن اليعازر اثناء توقيع اتفاقية تصدير الغاز المصري لإسرائيل

سكرة

الشعب المصرى ده شعب ظريف جدا والله
والله شعب زى العسل
انا مش عارف اقول ايه الصراحة
مش لاقي كلمات ممكن توصف الشعب بتاعنا
شعب عمال ياخد علي قفاه ليل ونهار وبياكل طوب وزلط ورمل ولا بحصله حاجه
شعب بياكل لحم حمير وكلاب ومستكيف واخر جمال
شعب بيضرب بالجذمة لو فكر يطلع مظاهرة ويتسحل بيه الارض خمس ست ايام في امن الدوله لحد ما يبانله صاحب
شعب مش لاقي يشغل عياله ولا يجوز بناته ولا يعلمهم من الاساس
شعب عياله بيتعالجوا في معهد ناصر بالكيماوي من الهباب الي بياكلوه ويشموه
شعب عياله بيموتوا في بحور اطاليا عشان يشتغلوا
شعب بيتسرق ليل ونهار من اول ما يصحي لحد ما ينام
شعب بيصدر موارده لاكتر دوله بتكره لا وكمان باسعار خارج المنافسة
شعب ممكن يقف في اشاره اكتر من ساعتين علشان الرئيس معدي
شعب بيستحمل ارتفاع اسعار سلع اساسيه باكتر من قيمتها الحقيقه وبمتواليه عددية مش هندسية

بعد كل ده
انا لاقيت وصف كويس للشعب بتاعنا

شعب

مغفل

بلالين

البلد احمرت وملاينه بلالين ودابديب وورد
هابي زلانتين
مش لازم نحصر الحب في يوم واحد عشان نحتفل بيه
السنه فيها ايام كتير
ومش لازم تكون الهدايا ورد وبلالين
ممكن نجيب طقم كوبيات او عدة حلاقة ولو احترت قوي خمسين جنيه في ظرف ومشى امورك

البدلة الزرقه ام خط مش فاكر لونه

عندي بدلة زرقه تحفه فيها خط مش فاكر لونه

غالبا لبني غالبا,,,,,,,,,,,,,, اصل انا مليش في الالوان نهائي

ممكن اقول علي الاحمر سماوي والفحلقي اقول عليه اصفر

مش عمي الوان بس هما تلات الوان الي اعرف اسمائهم

المهم مش ده موضوعنا

لبست البدلة والكرافته الازرق الي فيها خطين برضه مش فاكر الوانهم بس هما بيليقوا علي البدلة ديه

XS BLACK ولمعت الجزمة وضربت كريم علي شعري ورشيتين

ونزلت علي شغلي

اول لما وصلت محطة المترو صعقت من هول المنظر

ما يقرب من تسعين الف بني ادام وقفين علي المحطه

وقفت بين المتزاحمين احلم بمكان فاضي نسبيا متبهدلش فيه

والحمد لله المترو جه

شيلت المحفظه حضيتها في الجيب الجواني هي والموبيل مش طالبه اتسرق علي الصبح

وبقدر ما صعقت من منظر المحطه صعقت من منظر المترو

هما هما التسعين الف بس جوه المترو

وتسعين بره

يبقي 180 الف بالصلاة علي النبي

ولو

هركب مش طالبه تاخير او اذونات

احلي حاجه ان انا وقفت في مكاني وعلي الرغم من كده دخلت المترو برضه في موقف تعجز جميع قوانين الفيزياء عن تفسيره

اعتقد انها نظريه جديده اسمها الحركه السكانه

والنظرية ديه معناها انك تتحرك من مكان للتاني بدون ما جسمك يتحرك

المهم ركبت والي حصل حصل

وعينك ما تشوف الا النور

منظر مفزع,, كتل لحم بشريه هلامية مهلبيه متراصه بجوار بعضها البعض

ومفيش مجال نهائي انك تتنفس

بس الحمد لله المصريين قدروا يتجاوزا الموضوع ده بسهولة

بقي كل واحد ياخد شهيق يدي لاخوه الي واقف جنبه زفير

وهكذا لحد ما يوصل الزفير لحد اقرب شباك يخرجه ويستبدله بهواء صالح للتنفس

ونعم التعاون!!!!!!!!!!!!!!!!!!!!!!!!!!!!!!!!!!!!!

فجاة وانا واقف لقيت البدلة بتتحرك

يا نهار ازرق

في ايه

لاقيت شاب ظريف مكنش لاقي مكان يقف فيه

فختار المكان ما بين صدري وبطني عشان يريح فيه

وراجل تاني خد تعسيلة خفيفه علي كتفي

واخيرا وبعد طول سنين لاقيت فايدة لتمارين الرست الي كنت بعملها زمان

الاخوة الركاب قدروا يستخدموها كعمدان عشان ميقعوش علي بعض

اصل انا طويل حبتين والطول بينفع اوووي في الحلات ديه خاصه لو كنت بتلعب رست زمان

طبعا مش هحكيلكم علي الخنقات الي حصلت بين الركاب

عشان الناس الي قاعده تفتح الشبابيك عشان الناس الي واقفه تتنفس

واتفرج علي الحقد

واحد واقف بيقول : افتحووووووووووووا الشبابيك مش كفايه انك قاعدين

بس للامانة كان عندهم حق

انا اول ما دخلت المترو النظارة الشمس شبرت مرة واحدة

وده معناه ان الجو ملايان بخار مية (ارجع لموضوع الشهيق والزفير)

المهم وصلت للمحطه بتاعتي وبعون الله قدرت انزل عشان الاقي

البدلة الزرقه بقي لونا رمادي فاتح

الكرافتة بقت كوفية سوهاجي

البرفات بقي خمس خمسات

adidas الجزمه المتلمعة بقي كوتشي

عاااااااااااااااااااااااااااااااااااااااااااا

قعدت الملم شتات نفسي وخدت نفس عميق بعد ما اتاخرت علي شغلي ساعه الاربع كاملة

انا مش زعلان عشان الجزمة

او البرفان

انا زعلان علي التسعة جنيه الي كنت صارفهم علي البدلة غسيل ومكواة!!!!!!!!!!!!!!!!!!!!!!!!!

كل سنة وانتوا طيبين

الرجالة الحلوه

الرجالة الصح

الرجالة السهرانة

الرجالة التعبانة

الرجالة النضيفه

المرتشين لا

الي بيعذبوا الناس لا

الي بشتموا الناس لا

وسمعني نشيد الشرطة

تيت تيت

كل سنة ورجالة مصر الي لسه بخير "بخير"

كل سنة وهما لسة رجالة

عايزين تعملوا نوووووي في بلد بتغرق من ساعتين مطر؟؟؟؟؟؟؟

سؤال

امبارح قابلت بنت زميلتي

البنت ديه كانت اموره

شيك في هدومها

رفنتوعه

لقيتها لافحه عيل علي كتفها

ولابسة شوال جينز

وتخنت بتاع تسعين كيلو

هو ليه الستات في مصر بعد الجواز بيبقوا كده!!!!!!!!!!!!!!!!!!!!!!!!!!!!!!!!

بيات شتوى

اعتذر علي عدم الرد علي تعليقاتكم في البوست الاخير

واعتذر عن عدم نشر اي موضوعات جديده

انشغلت موخراً بترتيبات خطوبتي وتمت الحمد لله يوم الجمعة الماضية

انا حاليا في فترة بيات شتوى

أخزن الكثير من الاحداث في عقلي ولكني غير قادر علي تحويلها الي كلمات

لم اعد استطع ان اسخر من الاوضاع التي نحياها الان في مصر

فموت الناس وبيع ثروات البلد وانتشار الامراض والجهل والفقر لم تعد موضوعات تثير السخرية

انها تثير مرارة في الحلق وسواد في القلب ومرض في العقل

ان مصر الان تهرول مسرعة نحو طريق مظلم لا اعتقد ان هناك شخص في العالم يعلم نهايته

قد يكون نهايته ثورة وقد يكون نهايته نور وقد يظل أسود حتي النهايه

لا أعلم تحديدا نهاية الطريق ولا اريد ان اشغل بالي بنهايته لانني اكتشفت ان المصريين شعب اصم ابكم

لا يتكلم ولا يثور ولا يرفض

انه ينتظر فقط ما تفعله فيه حكومته

قد تظلمه ايام وقد تنصفه يوماً

هو فقط يجلس منتظرا

يهمس في السر عن كرهه للحكومه ومدي الفقر الذي يحيا فيه وارتفاع اسعار غذاء يومه

ويتحدث بصوت عالى عن الجنس وسب الدين والدنيا,,,,, ويكره لاخيه الخير

ولا ينسي ابدا ان يصلي الجمعه والاعياد!!!!!!!!ا

انا فقط حزين علي ما وصلت اليه بلدي

انها لاتستحق كل هذا الظلم

لا تستحق تعليم عقيم

لا تستحق علاج بلا مواد فعالة

لاتستحق بيع ثرواتها بالبخس

لاتستحق موت اولادها علي شواطئ بلاد اخري

لا تستحق بقاء بناتها حتي سن الاربعين بدون زواج

انها لا تستحق كل هذا الظلم

المبــــــــــــــــــــــــــــــــــــــــــادرة

انا مبكرهش في حياتي قد كلمة المبادرة

خاصة لو كان بعديها كلمة الرئيس



كلمة غبية بتقتل تفكير وابداع وعمل سبعين مليون مصري

هو احنا منتحركش الا بمبادرة من الرئيس

منفكرش الابمبادرة من الرئيس

خلاص مصر مبقاش فيها عقول ولا فكر غير الرئيس

ليه نحصر تفكيرنا وتلقينا للاوامر لشخص واحد بس

دحنا مبنعملش كده مع ربنا

وبنخالف اوامره

لكن البلد كلها تقوم تسبح وتشكر وتهلل عشان مبادرة من الرئيس

علي العموم

الف مبروك علينا مبادرة النوووووي

وانشاء الله هنستخدم كلما امكانيتنا من بلح ومانجه عشان نحقق

طفرة نوووويه

شعب فقد خصوبته

امبارح في العاشرة مساء كانوا بيناقشوا مشكله لبن الاطفال الصناعي

مهمنيش مشكلة اللبن قد ما همني مشكلة العدد الكبير من السيدات الي بيرضعوا اولادهم صناعي

ايه الي حصل لرجالة وستات مصر

ليه انتشرات مشاكل الذكورة بالمنظر ده وانتشرت اعلانات الضعف الجنسي والعقم

ليه الستات مبقوش عارفين يرضعوا عيالهم

وحتي لو عرفوا يرضعوهم بيبحثوا عن حاجه تساعد لان اللبن الطبيعي" مبيشبعش"ا

للاسف الاكل الفاسد

الهواء الملوث

المياة المعكرة

القمح المسرطن

خلانا نفقد اعز ما نملك

خلانا نفقد خصوبتنا

البوكسر باين يا كابتن

البوست ده من الارشيف كتبته في بداية افتتاح المدونة

انا اتكلمت كتير اوي عن حجات بتحصل بمناسبه اقتراب الصيف زي البنات والكهرباء بس النهارده هتكلم عن شباب بلدنا

او بمعني ادق شريحه كبيره من شباب بلدنا الامامير

ايام ما كنت في الجامعه كنت بروح زي اي طالب محترم كل سنه يعرف عليه كام علي اساس اني مدفعتش مصاريفي خلال تلات سنين فاتوا

الي يعرف كليه تجاره جامعه عين شمس يعرف ان شبابيك شؤون الطلابه نازله لتحت شويه علي اساس انهم يكسروا عين الطالب ويخلوه ينزل بجسمه عشان يعرف يكلم الموظف

انا واقف في طابور طويل عريض وقدامي شابين ظراف جدا وجنبينا بنات واقفه في صف تاني

المهم الدور جيه علي الولد الي قدامي

الامور لابس بنطلون ساقط ونص البوكسر باين

شويه وقام رايح للشباك علشان يكلم الراجل

وهوب قامت حاصله المعجزه نص ضهره بان مع جزء صغيره من الموخره

طبعا البنات اتكسفت وانا كنت هرجع عليه

قرفت من الموقف قمت مقرب منه وبصوت واطي قولتله البوكسر باين يا كابتن

لا تتخيلوا حقاره النظره الي كان بيبصهالي نظره بطول وعرض ويمين شمال كانوه عايز يسفخني بالقلم علي وشي ولما لاقني عريض حبتين وطويل سبع حبات قام مغير قراره وبص ناحيه الموظف

اتنرفزت انا بقي وبعز ما ربنا اداني من صوت قمت قايله

البوووكسر بتاعك باين يا كابتن

طبعا نص البنات اترميت علي الارض من كتر الضحك وصاحبه قعد يضحك عليه

مفيش ثانيتين وقام رافع بنطلونه الي هو واقع خلقه

بذمتك مش عيب شاب محترم كده يمشي قدام الناس والبوكسر بتاعه باين

المشكله انهم بيلبسوا عليه تيشرتات اميركان وباديهات قصيره يعني لو فكر انه يجيب حاجه وقعت منه نص القاهره الكبري هتتفرج عليه

أسبوع

أسبوع يا جدعان

اسبوع واحد وحال البلد اتشقلب

المصحاف الي كانت في الموصلات اختفت

الهدووم اتضيقت والجيبونات طلعت لفوق

الحجاب طار والشعر هفهف

الشتايم وسب الدنيا والدين بقوا زي اللبان

الجوامع فضيت والقهاوي اتملت (علي الرغم انها كانت ملايانة برضه في رمضان)ا

راحوا فين الناس الي كانت ماسكه المصاحف

راحوا فين البنات الي اتحجبت

رحوا فين الناس الي كانت بتعيط في صلاة التهجد والتروايح

سبحان مغير الاحووووال!!!!!!!!!!!!!!!!!!!!!!!!ا

SMOKEمصربت

كل سنه وانت طيبين

مصر يوم وقفه عيد الفطر استهلكت تقريبا اربعه مليون طن بانجو وخمسه مليون طن حشيش واتنين مليون لتر كحول

ده بقي الي انا شوفته بعنيه

فما بالك بالي مشفتوش!!!!!!!!!!!!!!!!!!!!!!!!!!!!!!!!!ا

ثورة

الناس بدات تفوق

الناس بدات تفكر

الجوع قرصهم

والفقر تعبهم

والمرض نهش جتتهم

خلاص بقي

هنبقي علي ايه تاني

عيال : مبقوش عيال كبروا بدري وماتوا بدري واندفنوا بالحياة

صحه : راحت من الاكل الهباب والميه الطين

فلوس : لو كان معانا مكناش طهقنا

كرامه : دايسين عليه بالجزم

خلاص بقي مش قادرين نتسحمل

مش قادرين نستحمل ظلم

مش قادرين نستحمل فقر

مش قادرين نستحمل جهل

الي بيحصل النهارده في المحله ممكن ينتهي, ممكن يموت, ممكن يصرفولهم قرشين وخلاص

بس بكره هيكون في الف الف عامل بيطالبوا بحقهم

هيكون في مدرسين وطلبه مهندسين ومحامين

هيبقي في خمسه وسبعين مليون مصري بيطالبوا بحقهم

خربــــــــــــــــــــــــــــــــــــــــانه

خمس رؤساء تحرير واتنين صحفيين هيتحبسوا

اعتصامات واضراب في المحله

البلد كلها تقف عشان الرئيس بيسلم عشرين شقه في اكتوبر

ناس بتتعذب ليل نهار في الاقسام ومحدش عرفلها صاحب

ناس بتعذب ليل نهار في الاقسام ومحدش بيحاسبها

اكل بايظ , مبيدات مسرطنه , هواء ملوث , مية معكره

تعليم متخلف , شوارع مكسره , مستشفيات ضايعه

طب انا راضي ذمتكم

خربانه ولا مش خربانه