الأحد، جمادى الأولى ١٠، ١٤٢٨
السبت، جمادى الأولى ٠٩، ١٤٢٨
حق الرد
كتبت بواسطه محمود على في السبت, جمادى الأولى ٠٩, ١٤٢٨ 2 التعليقات
تحت بند حق الرد
مذكرات طالب فاشل
كتبت بواسطه محمود على في السبت, جمادى الأولى ٠٩, ١٤٢٨ 3 التعليقات
تحت بند تخاريف
الاثنين، جمادى الأولى ٠٤، ١٤٢٨
اعلانات
كتبت بواسطه محمود على في الاثنين, جمادى الأولى ٠٤, ١٤٢٨ 3 التعليقات
تحت بند تخاريف
الأحد، جمادى الأولى ٠٣، ١٤٢٨
جمعيه حموم الانسان
كتبت بواسطه محمود على في الأحد, جمادى الأولى ٠٣, ١٤٢٨ 0 التعليقات
تحت بند تخاريف
السعوديه واحد
كتبت بواسطه محمود على في الأحد, جمادى الأولى ٠٣, ١٤٢٨ 2 التعليقات
تحت بند يحدث في مصر
الاثنين، ربيع الآخر ٢٧، ١٤٢٨
بشري لمستخدمي مترو الانفاق
كتبت بواسطه محمود على في الاثنين, ربيع الآخر ٢٧, ١٤٢٨ 1 التعليقات
تحت بند تخاريف
الأحد، ربيع الآخر ٢٦، ١٤٢٨
المشكله مشكله يووووزر
كتبت بواسطه محمود على في الأحد, ربيع الآخر ٢٦, ١٤٢٨ 0 التعليقات
تحت بند يحدث في مصر
رجب ومياه واشياء من هذا القبيل
كتبت بواسطه محمود على في الأحد, ربيع الآخر ٢٦, ١٤٢٨ 0 التعليقات
تحت بند يحدث في مصر
الجمعة، ربيع الآخر ٢٤، ١٤٢٨
الدين لله والوطن لل.......؟
كتبت بواسطه محمود على في الجمعة, ربيع الآخر ٢٤, ١٤٢٨ 0 التعليقات
تحت بند سياسه
الخميس، ربيع الآخر ٢٣، ١٤٢٨
الي كل فتيات الجامعات لا تقدموا علي هذه الخطوات
كتبت بواسطه محمود على في الخميس, ربيع الآخر ٢٣, ١٤٢٨ 2 التعليقات
تحت بند الحب وسنينه
عجيبه الدنيا التامنه
باذن الله ابتداء من اول امبارح بليل سوف يتم اضافه شوارع القاهره الكبري الي عجائب الدنيا نظرا لندرتها الشديده في العالم اجمع والخوف عليها من الانقراض وقد صرح السيد المسئول الكبير انه سوف يقام متحف للاحتفال بهذه المناسبه القوميه الجليله (حلوه اوي جليله ديه) وسوف يضم المتحف مجموعه من المركبات التي تسير في شوارع قاهره المعز منها علي سبيل المثال
مجموعه من سيارات الزرفيس المتنوعه والترامكوا منها خاصه مع وضع تماثيل شمعيه لمواطنين داخل تلك المركبات تمثل الطفره المحققه في احتواء تلك المركبات علي ذالك العدد من الافراد
مجموعه من التماثيل لسائقي الميكروباصات بسجائرهم ذات الرائحه النفاثه وكوب الشاي الذي لا يفارق ايديهم
مجموعه تماتيل تمثل تباعي الميكروباصات الذين يصررون دائما علي ان الطرقه فاضيه يا استاذ
مجموعه من الاكصدامات المصنعه عموله عند الاسطي ضلمه والمصنعه من افضل انواع الحديد والصلب بالعالم
تمثال شخصي للاسطي ضلمه
واخيرا سيتم وضع نموذج حقيقي لسياره قرر سائقها دخول الشارع الاول قبل الميكروباز
ملحوظه
العزاء علي روح السائق بمسجد النور والامل بنهايه الطريق الصحرواي
كتبت بواسطه محمود على في الخميس, ربيع الآخر ٢٣, ١٤٢٨ 2 التعليقات
تحت بند يحدث في مصر
موجه حر
كتبت بواسطه محمود على في الخميس, ربيع الآخر ٢٣, ١٤٢٨ 1 التعليقات
تحت بند تخاريف
مصر مبارك
كتبت بواسطه محمود على في الخميس, ربيع الآخر ٢٣, ١٤٢٨ 0 التعليقات
تحت بند يحدث في مصر
مظاهره عين شمس
اذا كنت من سكان مناطق عين شمس ,المطريه,النعام,الف مسكن,مصر الجديده فانت بالتاكيد لن تنسي اليوم الي فرقعت في ماسوره الميه الرئيسيه الي بتغذي المناطق ديه الي هي اساسا جاي من السواح
لو كنت من مناطق النزهه ومصر الجديده فانت هتصحي الصبح وتضرب الحته الي علي الحبل وتنزل بكل الاطه تشتريلك ميه معدنيه ده لو لقيت لان من امبارح الناس كانت بتخطف الازايز من علي العربيات بفرق نص جنيه او اكتر في الازازه .. انما بقي يا باشا لو انت من عين شمس خاصه المناطق التي تطل علي جسر السويس ونادي الشمس فحدث بلا اي حرج ان الناس كانت عامله مظاهره اه والله مظاهره
. انا كنت راكب الميكروباص رايح النزهه وفجاء الطريق وقف ,,عادي جسر السويس ممكن في اي لحظه يوقف انما المصيبه الي انا شوفتها هي سور نادي الشمس وبوابته الرئيسيه مئات الافراد والعائلات والعيال الصغيره كل واحد ماسك في ايديه جركن ميه او حله او حته كام ازازه فاضيه وامم علي السور و العيال الصغيره اهليهم تنططهم من علي السور والعيال تدخل تملي الميه وتحدفها لاهليهم تاني
يا نهار ابيض ايه ده ديه مصيبه يا جدعان الكلام ممكن يحصل في الصين في الهند في اي بلد غير بلدنا انتوا عمركم ما هتتخيلوا المنظر غير لما تشوفه بعنيك فضيحه فضيحه بكل المقاييس حتي الميه,, امال لو حصلت ازمه في القمح ايه الي ممكن يحصل الناس هتموت من الجوع. مين المسئول عن وجود مواسير مياه رئيسيه بقالها اكتر من 50 سنه مين المسئول عن صيانتها ونضافتها وغسيلها واكلها وشربها مين الي هيدخلها تنام بليل مين الي ممكن نحاسبه علي المهزله ديه ...هو بالتاكيد مش ذنبه انها فرقعت انما ذنبها انو سابها مهمله لحد ما فرقعت
قيس بقي يا معلم علي الاساس ده حال مصر كلها وقال جمال مبارك عايز يعمل نووي في مصر دحنا لو عملنا نووي في مصر هناثر علي غابات الامازون بالاشعاع هتلاقي العامل نسي يفتح الحنفيه الي بتسقع المفاعل
كتبت بواسطه محمود على في الخميس, ربيع الآخر ٢٣, ١٤٢٨ 3 التعليقات
تحت بند يحدث في مصر
الأربعاء، ربيع الآخر ٢٢، ١٤٢٨
الصيف وصل
احنا البلد الوحيده في العالم الي كل مشاكلها واحده وكل اسباب مشاكلها معروفه وعلي الرغم من كده مش بنعرف نحل المشاكل ديه كل سنه الصيف يهل علينا وتسود الدنيا علينا والسبب الضغط علي شبكه الكهرباء.
طب مدام الحكومه عارفه ان الصيف لما بيهل علينا الكهرباء بتقطع ليه مبتعملش حسابها وتجيب الشيخ مرسي يقري المعوذتين علي كام محطه من محطات الكهرباء وتدبح كتكوت يتيم وتدفن ركبه نمله جنب كل بوكس.
فين الملايين الي عماله تتصرف علي تحسين البنيه التحتيه والفوقيه والجنبيه والدقهليه فين وزاره الكهرباء فين النووي الي عايزين يعملوه عشان الطاقه فين العمال والمهندسين والعربيات والكبلات كل ده بيختفي مع الضلمه.
الي يغيظ ويفقع المراره انك لما تكلمهم يرد عليك موظف ظريف قرفان منك لانك فكرت تقلق راحته وتنبهه ان في كام حي من احياء القاهره من غير كهرباء يرد عليك في قرف واضح اصل احنا بنعمل اصلاحات ولو راجل بقي اساله هتخلص امتي الاصلاحات ديه هتحس انه عايز يقفل السكه في ووشك ومش بعيد يلف السلك حولين رقبتك ويرميك من الدور العاشر هيسكت شويه ويرد في نفاذ صبر يعني ساعتين كده باذن الله وتيجي سلام عليكوا تريييك يقفل السماعه ابلع الاهانه احسن ما تكلمه تاني علشان مش هيرد.
اجمل ما في الموضوع ان الكهرباء لما بترجع تفرقعلها كام لمضه لو بنت حلال ولو مش حلال اووي هتضرب التلاجه والتلفزيون وتقعد بقي اسبوعين يا معلم من غير ميه ساقعه ومن غير بوسي سمير
حسبي الله ونعم الوكيل انا مش زعلان عشان الميه انا زعلان عشان بوسي.
كتبت بواسطه محمود على في الأربعاء, ربيع الآخر ٢٢, ١٤٢٨ 0 التعليقات
تحت بند يحدث في مصر