اعلانات
اعلان واحد
زعلان
معندكش عيال
انت ومراتك بتموتوا لما تشوفوا عيال بتجري في الشارع
نفسكوا في عيل يملي عليكم الدنيا
"المال والبنون زينه الحياه الدنيا"
الان والان فقط علبه الخصوبه الطبيعه من شركه فسفيسو للانجاب عن طريق الاقمار الاصطناعيه
علبه المعجزه
انها دواء من كل الاعشاب الطبيعيه في العالم
كل ما تتخيله
عشر تيام وتلاقي معاك زوربه عيال
العلبه بتسعه وتسعين جنيه وعليها واحده هديه
اعلان اتنين
قرفان زعلان
مراتك مضهاك في عيشتك
مش عارف تثبت نفسك في البيت
حماتك بتعايرك طول النهار
الحل في العلبه ديه
علبه العفريت
اقوي منشط حيوي في العالم
لاتقولي بودره ولا كتاكيت مفيش غير علبه العفريت
معروف علي مستوي العالم وله شهره مدويه
السبب الرئيسي في غلق مصانع الفياجرا بالمانيا والسويد والنمسا والمجر
نحن نصدر لجميع الدول العربيه والعالميه
العلبه بتسعه وتسعين جنيه وعليها واحده هديه
والان ولفتره محدوده يوجد علبه العفريته للنساء فقط
اعلان تلاته
بصي يابني من الاخر كده لو عندك اي مرض في العالم هنعالجه
الان عسل عم سيد زلموكه الجبلي (العسل مش عم سيد)ا
لعلاج البهاق والصدفيه والتبول الااردي والعجز والكوليرا والتهاب الكبد والصلع والتسمم وقرصه العقرب ولو اضافتيله شويه لبن هيطلع العفاريت كمان
العلبه بتسعه وتسعين جنيه وعليها واحده هديه
فيه شفاء للناس
تحت بند
تخاريف
هناك ٣ تعليقات:
تسجيل متابعة واهتمام. بوست هايل
بقى شيء طبيعي
المتاجرة بالام الناس واحلامهم
البوست جميل جدا
واقعي جدا
بيضغط على حاجات محزنة جدا
شر الباليه ما يضحك
ملاقي عندك اعلان لعلاج الضعط على شان انا خلاص ضعطى على من الاعلانات دى
إرسال تعليق