السعوديه واحد
خرج علينا السيد الرئيس بتصريح عنجهي انه يرفض بناء كوبري بينا وبين السعوديه
انا معرفش فعلا الكوبري ديه كويس ولا وحش زي هو مقال وميهمنيش اني اعرف علشان معرفتي او عدم معرفتي مش هتاثر كتير لانه اورلدي خد القرار المشكله
ان سعادته خد القرار ده من دماغه لاعمل لجنه تفحص وتسال ولا سال مجلس الشعب ولا حتي جاب اتنين مهندسين حديثي التخرج عشان يفتوله في الموضوع ده شويه
قرف من السعوديه او اتخانق مع الملك قام طالع قيالهم طيب يا ولاد.........ا
والله ما انا عامل الكوبري هاه ه بقي والله ما انا عمله
ولا عزاء لسبعين مليون بني ادام
انا عارف ليه الرئيس خد القرار ده خايف للميكروباصات تشتغل في شرم الشيخ والواد بكوووله التباع يلف علي قريه قريه ويصرخ باعلي صوته السعوووووووووووووديه واحددددددددددددددد
تحت بند
يحدث في مصر
هناك تعليقان (٢):
ليهم حق يعتقلوا أمثالك .
إنت فاكر إن مبارك بيتصرف حسب مزاجة ؟
فكرة الكوبرى دي ماتنفعش فعلا إسأل أي مهندس بيفهم وهو يوضحلك مسار الكوبرى و المنزل بتاعة بالبلدى كدة هايبوظ شرم الشيخ .
وبعدين إنت متضايق أوى لية من مبارك ؟
هو عملك حاجة مش كويسة ؟
إنت وأمثالك فعلا مالهومش غير معتقلات جوانتانامو عشان يعرفوا النعمة اللى هما فيها .
بالنسبه للاخ المجهول الي داخل في شمال وعايزني اروح جوانتناموا
انا هرد عليك واقولك
اولا مبارك فعلا بيتصرف علي مزاجه وديه مش محتاجه شرح ولو انت عايزني اشرحلك يبقي انت مش عايش في البلد
ثانيا انا مقولتش ان الكوبري صح او غلط وده باين في البوست انا وجه اعتراضي انه مشكلش لجنه علشان تفحص الموضوع
ثالتا ايوه يا استاذ مجهول حسني عملي حاجات مش كويسي اولها بطاله واخرها فساد وبينهم الف تلاته وتلاتين واحد ميتين في عباره والي قتلهم بيتحاكم في محكمه جنح مش جنايات
إرسال تعليق