حق الرد
انا اول ما عملت المدونه ديه قعدت كل يوم ادخل عليها وارقب العداد واشوف في ناس عبرتني ولا لا
هو صحيح اهلي واصحابي قروا الي مكتوب فيها وشجعوني
بس اول مره حد يبعتلي تعليق علي الي انا بكتبه
حد معرفوش قرا كلامي وحب يعقب عليه وده في حد ذاته انجاز كنت اتمني اني اوصله
اول تعليق رسمي كان من استاذه دعاء الشامي صاحبه مدونه بنت بلد وفرحت بيه جدا
تاني تعليق كان تهزيق
اه والله
واحد قالي ان انا مليش غير اني اروح جوانتناموا
وبعديها واحد دخل في شمال وقالي ان انا مصادري سكه وان انا غلطان في الي انا بكتبه علي موضوع مظاهره عين شمس
بس انا فعلا في اليوم ده شوفت المنظر بعنيه محدش حكالي
اما بالنسبه لموضوع المصادر السكه انا مصادري مش سكه انا الي فهمت غلط
وانتوا عندكم حق الميه مكنتش مقطوعه في النعام اما بالنسبه لموضوع المظاهره فانا شوفنها بعنيه
شكرا للاستاذ بتاع جوانتناموا وشكرا للاستاذ بتاع المصادر السكه
واتمني اني مروحش جوانتناموا لاني لو روحت هسبب مشاكل كبيره للامريكان لانهم معندهومش بدل برتقاني علي مقاسي
تحت بند
حق الرد
هناك تعليقان (٢):
احساس جميل فعلا انك تلاقي حد كتب تعليق على كلامك
بس في بعض الناس بيكون طبيعة تعليقاتهم ساخرة
لكن مش مقصود بيها شتيمة
وبعدين ولا يهمك
المدونة انت عاملها علشان تعبر عن رايك
واهلا وسهلا بكل التعليقات
وكل واحد في النهاية حر في رايه
وتقف بس عند الانتقادات البناءة
تمام صح
المدونة للتعبير عن الرأي
و الصراحه الاسلوب الساخر
أنا بتضايق منه جدا
بس خليه دافع لحضرتك
و إن شاء الله ربنا يوفقك دايما
إرسال تعليق