الأربعاء، شعبان ١٤، ١٤٣٠

مش باقى منى


مش باقى منى غير شوية ضى فى عينيا

، انا حاديهوملك و امشى بصبرى فى الملكوت

يمكن فى نورهم تلمحى خطوة تفرق معاكى بين الحياة و الموت

مش باقى منى غير شوية قوة فى ردى حسبى عليهم و انتى بتخطى

مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى

فى معركة ما فيهاش و لا طايرات و لا جيشو انتى فى طابور العيش

بتبوسى ايد الزمن ينولك لقمة

، من حقك المشروع

مش باقى منى غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لم يمر موكب سلاطينك

و مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى ، بلاش يتبعتروا فى البحر

مش باقى منى غير شوية لحم فى كتافى ، بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلمو مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم

، ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد حاحتاج يوميها الدم يمضى على شهادتى

هناك ٣ تعليقات:

semsem يقول...

زاد الوجع وجع

يمكن هنفرح فيوم هنفرح بس ياربت بكون فاضل فى القلي حتة

زهرة يقول...

جميل أوى .. مدونه متميزة أول مرة أزورها

وهزورها كتير إن شاء الله
وأتمنى تنور مدونتى

almthaly يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر