بلدى

انا اوضاع مصر الحالية تتحرك من سئ الي اسوء

عندما يقول وزير الخارجيه ان ازمة الرهائن قد انتهت وهم لايزالوا مخطوفين فهي كارثه

انا يدفن اهل مصر تحت الانقاض ولا تستخرج جثثهم فهو ظلم

ان يقول وزير الدفاع ان امتلاك صواريخ طويلة المدي هو امر يجلب العدوه فهو ضعف

ان يفتخر وزير الدفاع ان المصانع الحربية من كبري منتجي السخانات وافران العيش فهو عبث

ان يقول وزير التموين ان انخفاض اسعار القمح العالمية تسمح لمصر بزياده الاستيراد فهو تواكل

حرائق منتشرة

ظلم من الشرطة

اعتداء علي المواطنين وقتلهم

قتل امراة حامل بسمالوط من الضرب والاهانة

تحرش مائة شاب بثلاثة بنات في واحد من اكبر شوارع مصر

ارتفاع رهيب في جميع انواع السلع الرئيسيه

الاعلانات المختلفة عن مرتفعات القطامية ودمالك وبجوارهم جثث متعفنه

لقد وصلت مصر الي حالة من الضعف والهوان والذل لم تصل اليها من قبل

المهانة والذل هنا ليست في الاوضاع فقط

انما هي تنبعث من موافقة الشعب علي ذلك الذل وعدم تغييره

يااااااااااااااااااااااااااااا

بقالي كتير مبكتبش

مابتكلمش

مش قادر اتكلم

في حاجة واقفه في زووووري منعاني من الكلام

مش عارف اصرخ ولا اعيط ولا اهبب ايه

يخرب بيوتكم

ايه البلد الي احنا عايشين فيها ديه

ايه المستوي الواطي ده

ده انتوا تستاهلوا اكتر من كده

تستاهلوا قانون مرور اقبح من كده

تستاهلوا تتشحنوا في عبارة وتولع بيكوا قبل ما تغرق

تستاهلوا تتسرقوا عيني عينك ومفيش فيكوا راجل يتكلم

تستاهلوا الي بيحصل فيكوا

يا معيييييييز

ده انتوا محصلتوش خرفان حتى

مبروك

خوف

عندما نطلق اكثر اسلحتنا قوة وتدميراً علي اعدائنا
لا نطلقها بدافع الغضب
بل نطلقها
بدافع الخوف,,,,,,ا
(The Sum of All Fears )

حزن

فقط هو حزين

لا يدري لماذا اصبح حزين لهذه الدرجه

لا توجد اسباب لحزنه الواضح

لقد اختلف كثير موخراً

اصبح لا يتشاجر مع احد ابدا

زوجته الذي كثيرا ما تشاجر معها اصبح لا يتشاجر معها ابدا

تناسه عجزه امامها ايام الخميس واصبح يحتنضنها يوميا قبل النوم يحتضن جسدها المكتنزبقوة ويلقي براسه علي كتفها حتي ينام.

اصبح هادئ تماما في العمل ينهي اعمال المواطنين في بدون اي تعقيد ويطيل لهم الشرح اذا كانوا يملكون مستندات ناقصه

لا يتشاجر ولا يسب ولا ينم ولا ينافق

فقط هو يعمل بلامبالاة

يحيا بلا مبالاة

فقط هو يريد ان ينسى

ينسي نظرات ابنائه اليه عندما يطلبون منه مصروف يديهم

ينسى نظرات البقال وتساؤلاته الدائمة عن النقود المتاخرة

ينسى وقوف زوجته ساعتين يوميا لتحضر لهم عشرة ارغفه تكفيهم بالكاد

لقد اصبح بلا طموح

بلا روح و بلا امل

انه حزين

حزين لدرجه ان الموت اصبح له فرح.

تكها ستين نيلة الي عايزه خلف

المرشد العام للاخوان قرر انه هيستجيب للاضراب بتاع 4 مايو

ماهو بعد ما خدوا علي قفاهم الاضراب الي فات

واتفقسوا قدام الشعب

والمصريين كلهم عرفوا انهم ليهم اجنده خاصه بيلعبوا بيها من تحت الترابيزه

عايزين دلوقتي يعملوا رجاله

اهي الحكومه ادتكم علي قفاكم بدل المرة عشره

جتكوا ستين نيلة

السجن للجدعان

بنت بالف راجل

نيهاهاهاهاهاهاهاهاهاهاهاهاهاهاهاهاهاهاها

الصورة ديه انا كنت شفت اختها في العراق

الصورة من مدونة

http://www.sandmonkey.org/

اضراااااااااااااااااااااااااااااااااااااااب

هما فراحنين كده ليه

سامح فهمي وزير البترول مع وزير البنى التحتية الاسرائيلي بنيامين بن اليعازر اثناء توقيع اتفاقية تصدير الغاز المصري لإسرائيل

سكرة

الشعب المصرى ده شعب ظريف جدا والله
والله شعب زى العسل
انا مش عارف اقول ايه الصراحة
مش لاقي كلمات ممكن توصف الشعب بتاعنا
شعب عمال ياخد علي قفاه ليل ونهار وبياكل طوب وزلط ورمل ولا بحصله حاجه
شعب بياكل لحم حمير وكلاب ومستكيف واخر جمال
شعب بيضرب بالجذمة لو فكر يطلع مظاهرة ويتسحل بيه الارض خمس ست ايام في امن الدوله لحد ما يبانله صاحب
شعب مش لاقي يشغل عياله ولا يجوز بناته ولا يعلمهم من الاساس
شعب عياله بيتعالجوا في معهد ناصر بالكيماوي من الهباب الي بياكلوه ويشموه
شعب عياله بيموتوا في بحور اطاليا عشان يشتغلوا
شعب بيتسرق ليل ونهار من اول ما يصحي لحد ما ينام
شعب بيصدر موارده لاكتر دوله بتكره لا وكمان باسعار خارج المنافسة
شعب ممكن يقف في اشاره اكتر من ساعتين علشان الرئيس معدي
شعب بيستحمل ارتفاع اسعار سلع اساسيه باكتر من قيمتها الحقيقه وبمتواليه عددية مش هندسية

بعد كل ده
انا لاقيت وصف كويس للشعب بتاعنا

شعب

مغفل

كلام في الهوى

مش عارف ليه لما اتفرجت علي الاوبريت بتاع الضمير العربي قعت اضحك

علي الرغم من كمية المهانة والقسوة الي في الكليب بس برضه قعت اضحك

هو ده الي العرب فالحين فيه

كلام وبس

هما يطلعوا عين ابونا واحنا نشجب وندين

يقتلو بدل الواحد عشره واحنا نزعق

افتكرت كمان الكليب بتاع الحلم العربي

وسعاتها مقدرتش امسك نفسي من كتر الضحك

نزلت علي ركبي وقعت اضحك

ياااااااااااااااااااه الحلم العربي ده كان من تسع سنين

وبعد تسع سنين من اعلانه

هما فين واحنا فين

مش بعيد كمان عشره سنين لما اسرائيل تحتل السعوديه وامريكا تجبر العرب علي الحج للهيكل اليهودى المزعوم

نعمل كليب جديد ونسميه الوعي العربي

تفووووووووووووووووووووووه

VANTAGE POINT

فيلم جامد

قصة ذكيه

معالجه عبقرية

تصوير جبار لمشهد واحد من كذا كاميرا

اخراج متميز

ادخلوا الفيلم علي ضمانتى

قله ادب

انا مش شايف الدنمارك غلاطانه لانها نشرت رسوم جديدة عن سيدنا محمد

بلاش تسمع الكلام الي جي ده وتاخده علي المسلمين فكر فيه علي انه كلام عام

ناس عايشين علي البترول لا بينتجوا ولا بيزرعوا ولا بيفكروا ومفيش منهم ناجح والي بينجح منهم لازم يكون بره بلده

ناس بيحكموا علي واحده تم اغتصابها بالجلد وبيغلظوا العقوبة ويضعفوها بعد ما تروح تتكلم للصحافة

ناس ملهومش رائ ولا كلمة ولما بيسافروا بره بيضربوا اسفين في بعض

مش متافهمين ولا متعاونين حتي بينهم وبين بعض

اقليه منهم عندها القدرة انها تفجر طياره او تفجر عربية وتقتل ناس مدنين ملهمش اي ذنب حتي ولو كانوا من نفس بلدهم

ناس موافقه علي ان دول اجنبيه تبني معسكرات في حدودها وتستخدم المعسكرات ديه عشان تضرب دول المفروض انها اختها في الرضاعة

ناس بتقول ان الست لازم تكون لابسه نقاب وتسعين في المية من قنواتهم فيها عري

لازم يغلطوا في سيدنا محمد طبعا

عارفين ليه

عشان احنا محفظناش علي سيدنا محمد

فمتجيش تطلب منهم انهم يحافظوا عليه

بلالين

البلد احمرت وملاينه بلالين ودابديب وورد
هابي زلانتين
مش لازم نحصر الحب في يوم واحد عشان نحتفل بيه
السنه فيها ايام كتير
ومش لازم تكون الهدايا ورد وبلالين
ممكن نجيب طقم كوبيات او عدة حلاقة ولو احترت قوي خمسين جنيه في ظرف ومشى امورك

شوبير

حاجة حلوه

اعلم انه ليس من الائق ان اوجه رسائل شخصية عن طريق المدونة

ولكنني بعد فترة تفكير اكتشفت انها ملكي فلا فعل بها ما شئت

انتي حاجة حلوة

وان تحريت الدقة,,فانتي اكثر الحجات الحلوة حلاوة

وشكرا لحسن استماعك

البدلة الزرقه ام خط مش فاكر لونه

عندي بدلة زرقه تحفه فيها خط مش فاكر لونه

غالبا لبني غالبا,,,,,,,,,,,,,, اصل انا مليش في الالوان نهائي

ممكن اقول علي الاحمر سماوي والفحلقي اقول عليه اصفر

مش عمي الوان بس هما تلات الوان الي اعرف اسمائهم

المهم مش ده موضوعنا

لبست البدلة والكرافته الازرق الي فيها خطين برضه مش فاكر الوانهم بس هما بيليقوا علي البدلة ديه

XS BLACK ولمعت الجزمة وضربت كريم علي شعري ورشيتين

ونزلت علي شغلي

اول لما وصلت محطة المترو صعقت من هول المنظر

ما يقرب من تسعين الف بني ادام وقفين علي المحطه

وقفت بين المتزاحمين احلم بمكان فاضي نسبيا متبهدلش فيه

والحمد لله المترو جه

شيلت المحفظه حضيتها في الجيب الجواني هي والموبيل مش طالبه اتسرق علي الصبح

وبقدر ما صعقت من منظر المحطه صعقت من منظر المترو

هما هما التسعين الف بس جوه المترو

وتسعين بره

يبقي 180 الف بالصلاة علي النبي

ولو

هركب مش طالبه تاخير او اذونات

احلي حاجه ان انا وقفت في مكاني وعلي الرغم من كده دخلت المترو برضه في موقف تعجز جميع قوانين الفيزياء عن تفسيره

اعتقد انها نظريه جديده اسمها الحركه السكانه

والنظرية ديه معناها انك تتحرك من مكان للتاني بدون ما جسمك يتحرك

المهم ركبت والي حصل حصل

وعينك ما تشوف الا النور

منظر مفزع,, كتل لحم بشريه هلامية مهلبيه متراصه بجوار بعضها البعض

ومفيش مجال نهائي انك تتنفس

بس الحمد لله المصريين قدروا يتجاوزا الموضوع ده بسهولة

بقي كل واحد ياخد شهيق يدي لاخوه الي واقف جنبه زفير

وهكذا لحد ما يوصل الزفير لحد اقرب شباك يخرجه ويستبدله بهواء صالح للتنفس

ونعم التعاون!!!!!!!!!!!!!!!!!!!!!!!!!!!!!!!!!!!!!

فجاة وانا واقف لقيت البدلة بتتحرك

يا نهار ازرق

في ايه

لاقيت شاب ظريف مكنش لاقي مكان يقف فيه

فختار المكان ما بين صدري وبطني عشان يريح فيه

وراجل تاني خد تعسيلة خفيفه علي كتفي

واخيرا وبعد طول سنين لاقيت فايدة لتمارين الرست الي كنت بعملها زمان

الاخوة الركاب قدروا يستخدموها كعمدان عشان ميقعوش علي بعض

اصل انا طويل حبتين والطول بينفع اوووي في الحلات ديه خاصه لو كنت بتلعب رست زمان

طبعا مش هحكيلكم علي الخنقات الي حصلت بين الركاب

عشان الناس الي قاعده تفتح الشبابيك عشان الناس الي واقفه تتنفس

واتفرج علي الحقد

واحد واقف بيقول : افتحووووووووووووا الشبابيك مش كفايه انك قاعدين

بس للامانة كان عندهم حق

انا اول ما دخلت المترو النظارة الشمس شبرت مرة واحدة

وده معناه ان الجو ملايان بخار مية (ارجع لموضوع الشهيق والزفير)

المهم وصلت للمحطه بتاعتي وبعون الله قدرت انزل عشان الاقي

البدلة الزرقه بقي لونا رمادي فاتح

الكرافتة بقت كوفية سوهاجي

البرفات بقي خمس خمسات

adidas الجزمه المتلمعة بقي كوتشي

عاااااااااااااااااااااااااااااااااااااااااااا

قعدت الملم شتات نفسي وخدت نفس عميق بعد ما اتاخرت علي شغلي ساعه الاربع كاملة

انا مش زعلان عشان الجزمة

او البرفان

انا زعلان علي التسعة جنيه الي كنت صارفهم علي البدلة غسيل ومكواة!!!!!!!!!!!!!!!!!!!!!!!!!

كل سنة وانتوا طيبين

الرجالة الحلوه

الرجالة الصح

الرجالة السهرانة

الرجالة التعبانة

الرجالة النضيفه

المرتشين لا

الي بيعذبوا الناس لا

الي بشتموا الناس لا

وسمعني نشيد الشرطة

تيت تيت

كل سنة ورجالة مصر الي لسه بخير "بخير"

كل سنة وهما لسة رجالة

الله

منذ صغري وعلاقتي بالله متضاربه

مليئه بالتقلبات التي تكون من جانبي طبعا

عرفت الله كعقاب لانه سوف يحرق طفل بمثل شقاوتي

عرفته كنور يملئ كل شئ وبداخل كل شئ

عرفته بحد تفكيري وانا طفل بانه شخص يضرب الاشرار ويعيد الحقوق الي اصحابها

ولكنني لم احبه يوماً

اخاف منه نعم

افكر فيه كتيراً

ولكنني لا احبه ولا افهم معني ان يقول انسان امامي انه يحب الله

اقول هذا الكلام وانا ارتعب من داخلي

انا اؤمن بالله

ولكنني لا اعلم كيف يحبه الناس

انا لا اصلي

ولم اصلي صلاة الجمعه في السنه الماضيه خمس مرات علي الاقصي ولم يكونوا متتابعين حتي

ولكنني اشعر بان الله سوف يعقابني بما لا طاقه لي به

اشتعلت كل هذا الافكار في عقلي هذه الايام فقط

فانا اعيش هذه الايام اسعد ايام حياتي

في كل جوانب حياتي

تلك السعادة جعلتني اتسائل اليس من المفروض ان ارد لله قليل من عطفه علي

اليس من المفروض انا اقيم صلاته واحمده بما انعم علي

ام ان الله يجعلني اتمادي في عصيانه حتي يحرمني من كل هذه السعاده

ولكن

هل الله يفكر مثلنا ؟؟؟؟؟

اول قاعدة تعلمتها في حياتي ان لا تنظر لله بمقايس بشر

ان الله لا يمكن تخيله

لانك انسان ولم ولن يمكنك تخيل الله شكلاً وعقلاً ان جاز هذا التعبير

لقد تعبت

لا استطيع مواصلة هذا التفكير

اعلم ان الله غفور رحيم

ولكن شدة خوفي من الله منعت قلبي من التقرب اليه

فانا لدي ثقه دفينه ان الله سوف يعقابني عقاب شديدا في الدنيا

سيبعدني عن من احب

سيبليني بمرض يقعدني طوال حياتي

سيفقرني فقرا شديدا

ولكن الله خلف ظنوني

قربني بمن احب

انعم علي بصحة وعافيه

اغناني وزادني غني

وهذا يحيرني اكثر

يالله

لقد تعبت

فانا اموت في اليوم الف مرة

اخاف من غضبك

اخاف من قدرتك

اخاف من قوتك

فهل هذا عقابك

ام ان عقابك اشد

لا اعلم

لقد تعبت

ساحول ان اتقرب اليك

صلاة الفجر قريبة

لعلك تعفوا عني

ولعلني ازيل خوفك من قلبي بعشق

عايزين تعملوا نوووووي في بلد بتغرق من ساعتين مطر؟؟؟؟؟؟؟