مش باقى منى

مش باقى منى غير شوية ضى فى عينيا

، انا حاديهوملك و امشى بصبرى فى الملكوت

يمكن فى نورهم تلمحى خطوة تفرق معاكى بين الحياة و الموت

مش باقى منى غير شوية قوة فى ردى حسبى عليهم و انتى بتخطى

مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى

فى معركة ما فيهاش و لا طايرات و لا جيشو انتى فى طابور العيش

بتبوسى ايد الزمن ينولك لقمة

، من حقك المشروع

مش باقى منى غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لم يمر موكب سلاطينك

و مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى ، بلاش يتبعتروا فى البحر

مش باقى منى غير شوية لحم فى كتافى ، بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلمو مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم

، ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد حاحتاج يوميها الدم يمضى على شهادتى

سيناريو

تظهر خلية صغيرة تتطلب بعض من حقوقها فتضرب وتسحل
ينبثق من دمائهم المالحة التي تروئ اسفلت الطريق مئات اخري
قد تنجح واحدة في خطف حقوقها من بعض الافواه الظالمة وتفشل عشرات غيرها
برغم ابتعاد تلك الخلايا عن بعضها البعض الا انهم قد يتلاقون في مناسبات مختلفة
يتكلمون يتحدثون ويرحلوا الي بيوتهم محملين بالافكار
تبدا مجموعة بالحديث عن حقوقهم فينضم اليهم خلايا اخري
تتحول تلك الخلايا الي قوة خلال اوقات قليلة
تختفيالنبراتالتي تطلب تدخل الرئيس ويصبح هو بصفته نقطة هجوم ومطالبة
نصل الي نقطة حيث لا مجال للتراجع
تبدا خلايا لم يكن لها اي ادوار في المطالبة تتحدث
غالبا ما تكون من الطبقات المتوسطة المرتفعة الدخل
انهم ايضا يشعرون بذلك الظلم من نواحي عدة ولكن ارتفاع دخولهم يجعلهم صامتين
قد يحدث تمرد في قطاع شرطة او جيش ويقابل باحكام وسحق وجلد
تبدا النار في تحرك بين الانفس
تصل الي جامعة هنا او هناك يخرج الطلبة في مظاهرة قد لا تقوي مجموعات الامن عليها
يحدث في نفس اليوم اعتصام في مصلحة او وزراة
تظهر فروق الاعداد بين الشعب وافراد امن الشعب وعندها
يحدث ما يسمي

.........................ثورة