ما بين
ما بين حوادث غرق الورد المصري في طريقه الي روما
وفتوي من برج عالي تقول بانهم ليسوا بشهداء بل هم طامعون في حياة رغدة ملئيه بالبنات الايطاليات وبحور الخمر
بدليل انهم دفعوا خمسة وعشرين الف جنيه عشان يروح جنة اوروبا
وربنا كرمهم ورماهم في النار
لما سمعت موضوع الفتوي ديه افتكرت ماري انطوينت
لما كانت واقفه في البلكونة بتاعت القصر بتاعها وبتقولها ياكلوا جاتوه
مهو لو كان الناس الي فوق دول عارفين يعني ايه بطالة
لو كانوا عارفين يعني ايه شاب عنده 28 سنة ولسة مشتغلش
لو كانوا اشتغلوا تلاتين يوم في الشهر اتناشر ساعة في اليوم عشان 300 جنيه
لو كانوا قاعدين في بيوتهم واهاليهم بتصرف عليهم
مكنوش طلعوا فتوي زي ديه
شكرا سيادة المفتي
شكرا من قلب عشرين اسرة مصرية ولادهم اترموا في البحر
تحت بند
حق الرد
هناك ١٩ تعليقًا:
السلام عليكم
بوست يوجع القلب
لكن................
انا عايزةأقوللك لفوحدحاسس بيهم وهم عايشين مكانوش سافروا أصلا فلا تنتظر ان يقدر أحد مشاكلهم وقد ماتوا والحمد لله ان حسابهم في الآخرةمش بايد حد من الجماعة اياهم
حسبناالله ونعم الوكيل
ازيك يامحمود
ياه انا فتنى كتير اوى عندك اه ياعم النشاط ده كله
المهم مبروك على الشبكة اللى هتجبوها يوم الجمعه الجاية
بالنسبة للبوست انا عندى رأى دى ولااول ولا اخر فتوى عجية فى الاول والاخر هو مش ربنا ربنا اعلم مين اللى هيدخل الجنة ومين لأ مين شهيد ومين لأ
سلامى للعروسة اللى نفسنا نعرف اسمها بقي ولا هو سر
محمود
ازيك
بص الواحد ما يقدرش يقول غير حسبنا الله و نعم الوكيل
ناس قاعدع وحدها بعيد عن الشعب في قصور و بتاكل بمعالق دهب و عماله تطلع في فتاوي
يالله مش ربنا هوه اللي هيحاسب
زيزي
مش حقول غير
حسبنا الله ونعمة الوكيل فيهم
ربنا يرحم اللى ماتوا ويصبر اهاليهم
ويتولاهم برحمته
خصوصا الاطفال الصغيرين
المفتى
دا مش بتاعنا
دا بتاع الناس اللى فوق
فتاوى وصايه
محدش يقدر يقول له حاجه
اوامر عليا
ولا أقولك
دى أوامر واطيه
من ناس ؟؟؟؟؟؟
والله يامحمود ياصاحبى
الفتوى دى ماشاء الله لايقة اوى
ومتفصلة على مقاس الحكومة
بالظبط بس اوحش حاجة فيها
لونها اسود اوى
ومزيتة
وكلها بقع
ياللا
سلامات
هنقول ايه يا محمود
لعل وعسى يتعظوا من نهاية مارى انطوانيت
لكن
ما اعتقدش ان ده مكن يحصل
سلام
أنا كمان باشكر المفتى
لأنه اثبت فعلاً القول اللى بيقول (انت هاتفتى؟)
يعنى الفتوى دلوقت بقت عمال على بطال
أما عن حال الشباب والبطالة, والله الحلول كتير جداً .. بس للأسف أصحاب القرار كل ماباب يتفتح يقفلوه .. أو ينهبوه زى مشاريع كتير مفيش داعى نتكلم عنها
بس هايجى يوم .. والبلد هاتبقى أحسن زى ما انت عاوز وكلنا عاوزين.
دوام الحال من المحال .. وكل حال زوال
تحياتى لك على بوست قيم ومدونة قيمة بجد
كاميليا
عارف يامحمود انا نفس المثل ده افتكرت
ياريت كان طلع فتوى فى ايه اللى دفع
الغلابه دول للسفر او حتى ينقطنا بسكاته ربنا يرحمهم ويصبر اهاليهم
ويجازى اللى كان السبب
يعجبنى فيك شعورك باللى حواليك
ودى قمه الانسانيه
احترامى لك
عندك حق فى كلامك
اللى ايدة فى المية مش زى اللى فى النار
ربنا يصلح الحال للجميع
تحياتى
عارف يابو حنفي
انا لسه سامع نكته من صنايعي معايا .. بس نكته في الجون
مره الريس ونظيف ماشيين في الشارع لقو زحمه كبيره قوي وطابور طوييييييل .. قام حسني قال لنظيف ايه الزحمه دي وايه الطابور ده .. نظيف قاللو دي الناس واقفه في طابور الفرن عشان تجيب عيش
الريس بصلو قوي كده واستغرب وقاللو .. ايه ده .. هو لسه في عيش؟؟؟
الفتوى دي بالظبط زي النكته دي
اللي ايده في الميه .. مش زي اللي ايده في النار
ربنا يرحم شباب مصر اللي ماتو غرقانين في طريقهم لكسب حياه افضل .. في وطن اخر غير وطنهم
ولا كرامة لنبي في وطنه
سلاموووووووووز
لم اجد كلمات تعبر عن الغضب الذى بداخلى غير
حسبى الله ونعم الوكيل
ربنا يصبر أهاليهم ويرحمهم
تحياتى
هبة
صباح الفل
كده انا فهمت ليه علقت عندي وقلت لا تعليق
مش عارفه!ا
أقول برضه لا تعليق؟...آآه
وبس!ا
السلام عليكم ورحمه الله وبركاته
الفتوي دي من اكتر الحاجات اللي استفزتني
مش عارفه المفروض نقول حسبي الله ونعم الوكيل
في الظروف اللي خليتهم يسافروا
ولا حسبي الله ونعم الوكيل في الناس اللي بتسفرهم
ولا ربنا ينتقم من الظالم
فتوي لا وقتها ولا مناسبتها
ربنا يصبر اهليهم
تحياتي
على فكرة المفتى عمل مؤتمر صحفى وبرر فيه موقفه من قضايا كتير واصر على ان الشباب الغريق مش شهداء
............
سعيد بزيارة مدونتك
العزيز محمود
فينك يا محمود
لم تكتب جديد منذ فترة
لعل المانع خير
ادعو الله ان تكون بخير
سلامى لك و منتظرين جديدك
مش هقدر اقول غير حسبنا الله ونعم الوكيل فعلا الشباب ضايع ومش لاقى حد يحس بيه بسبب الحكم الظالم اللى احنا عايشينه
اه لو يحس سياده المفتى لانى مش قادر اقول فضيله المفتى اه لو عنده عيل العمر بيجرى بيه ومش عارف يعمل ايه وشايف الامل فى السفر والهروب من الفقر والزل
و الفلوس الى دفعوها دى بيكتبو على نفسهم شيكات وبيبيعو اراضى وماشيه كل ده عشان السفر
تحياتى
معلش يا محمود ..هي دي مصر يا عبلة!..وتشكره على ايه يعني!..معلش ..انا حاكي تجربتي مع ايطاليا ههههههه ..المهم مدونتك حلوة يا حودة ..ربنا يزيدك كمان وكمان ..
إرسال تعليق