الداخليه هتبيع الكنبه
اخير اعترفت الحكومه بوجود حالات تحرش بمصر ده بعد ما نص مصر تم التحرش بيها ...لو سمحت متضحكش لسه الضحك بعدين
الي يضحك مش ان هي أعترفت بعد موضوع وسط البلد بحوالي 9 شهور لا الي يضحك هي اسباب التحرش الي اللواء احمد ضياء الدين مساعد وزير الدخليه للشئون القانونيه قالها امام مجلس الشعب
نضف ودنك واسمع الكلام يمكن تستفيد
القنوات الفضائيه وما تذيعه من مشاهد توجج المشاعر(حلو توجج ديه) ,المواقع الاباحيه , البلتوث , الجيل التالت من شبكات المحمول
امنع الضحك عيب تضحك علي كلام الراجل , انا بقول امنع الضحك
الرد ده فكرني بقصه الراجل الي دخل علي مراته لاقها قاعده مع واحد علي الكنبه قام بايع الكنبه
بقي هي ديه اسباب التحرش في مصر . امال البطاله والتخلف والمخدرات تبقي ايه .اختفاء الخطاب الديني و قله فرص العمل وارتفاع نسبه العنوسه بين الولاد والبنات تبقي ايه(9ملايين شابه فوق 28 سنه بدون زاوج و5 ملايين شاب زيهم) طبقا للمجلس القومي للاحصاء
ارتفاع اسعار السلع الضروريه وارتفاع اسعار الاسمنت والحديد والشقق عموما تبقي ايه
نصيحه لكل شاب انه يبعد عن البلوتوث لانه بيسبب حاله هوس واضحه تجاه الجنس الاخر ولو قررت تشترليلك خط اتصالات يبقي انت الي جبته لنفسك هينتهي بيك الحال في قسم الشرطه ويدبسولك الموبيل في القميص
ممكن تضحكوا دلوقتي انتهي البيان
نشرت بتاريخ 10/مايو/2007
انا اعدت نشر هذا الموضوع عشان شوفت امبارح حالات تحرش
تحت بند
يحدث في مصر
هناك ١٤ تعليقًا:
هيه هية اول تعليق
مكن اضحك
ههههههههههههههه
وله اعيط
ربنا يتولانا برحمتة
البوست هايل ي يا محمود
السلام عليكم
نضحك معاك حق مع ان الضحك علي المصيبه مصيبه تانيه
بس للاسف اقصي شئ نقدر نعمله اننا نضحك علي نفسنا جايز نفوق في يوم
وجايز نموت من الخوف
او نفضل نضحك علي طول
والله تحرشات وسط البلد دى بس تخلى الواحد عايز يحرق فحبيب العادلة وفصفوت الشريف وفاحمد ضياء الدين ده مع انى معرفوش وبعد كده يحرق فنفسه
العادلى**
انا جيت علشان اقولك فين البطيخة الحلوة اللي كانت هنا
هاروح اقرا البوست واجي تاني
ياريتني ماقريت
تحرشات تاني يادي القرف
شر البلية مايضحك
ربنا يرحمنا
لأ والتحرشات بقيت فى داخل الجامعات كمان دى حاجة أنت نسيت تتكلم عنهافى البوست... وممكن يكون هناك تحرش فى كل حتة ترحها بعد كدة الله أعلم...
:D
دائما فى مصر تقلب الموازين
يقولون على الفن الهابط الماجن رسالة
ويقولون سبب التحرش التكنولوجيا
اسمح لى اصووت فى المدونة والمدونين يتلموا
كفاية صويت لحد كده
الفضيحة الاكتر موضوع الست مروة بتاعه اما نعيمه الى اتحرشو بيها يعنى فضحيتنا بقت ببجلاجل وعائلتها كلها ههههههه
اضحك على ايه بس
لا حول ولا قوة الا بالله الراجل اتجنن
الحمد لله معنديش بلو توث
جيت بس اقول كل سنة وانت طيب
كل سنه وانت طيب
ان يعد العسر يسر
عندك حق فيما كتبت
تسلم ابدك
تحياتى لك
يابني هو انت كل موضوع وموضوع تكتبه
ألاقيني مش لاقية حاجة أقولها
غير حسبنا الله ونعم الوكيل
يا بنى ما هو البلوتوث ده هوه اللى فضح الضباط فى موضوع التعذيب فى الاقسام يبقى فعلا البلوتوث هو سبب كل المصائب التى تتعرض لها مصر خلال 26 سنة
بس استنا استنا هوه البلوتوث كان موجود من 26 سنة فى مصر
اعتقد مفيش فرق بين الفيروس والبلوتوث كلها حاجات وحشة لازم نبعدها عنا
اللهم باعد بيننا وبينها
و تحياتى
إرسال تعليق