استاذي ابراهيم عيسي
انا للاسف عرفت الخبر متاخر
هيحققوا مع رئيس تحرير جورنال الدستور
الاستاذ: ابراهيم عيسي
بتهمه نشر اشاعات كاذبه
متعلقه بصحه الرئيس
الخبر قريته في مدونه جبهه التهييس
وانا هتضامن مع الاستاذ ابراهيم
الي يحب يشارك
الموقع اهوه
تحت بند
يحدث في مصر
هناك ١٣ تعليقًا:
إزيك يا محمود
أنا كمان عرفت
عارف
المشكلة ان جرايد تانية روجت الخبر ده
ولا حد جه ناحيتها
والدستور لم تروج الخبر ...بالعكس كذبته
مش عارفه! ..لمصلحة مين قلبان دماغ البلد؟..ارحمنا يا رب
وإن شاء الله أنا متفائلة بجد
ربنا معاك يا أستاذ إبراهيم ومع مصر كلها
وقانا الله شر الاشاعات ..
*************
حاسه اننا رجعنا لشجرة الدر وعهد المماليك ! ا
*************
تحياتي :)
انا وقعت خلاص هما اصلا اكيد حاسو بالندم لما فرجو عنده فقالو ازاى نصلح غلطتنا بلا هبل
السلام عليكم ورحمة الله وبركاته
ربنا معاه
ربنا ينصر الحق ان شاء الله
والسلام عليكم ورحمةالله وبركاته
انا متضامنةمعاه طبعا
دى ناس هبلة وفاضية
ومورهاش حاجة تعملها
قال يعنى مفيش غيره اللى نشر الخبرومش حاسة انه اول واحد نشره ولا حاجة وكمان كان بيكذبه
بس يالا الفاضي يعمل قاضي
السلام عليكم
انا يا جايه اقول مبروك لاستاذي ابراهيم عيسي
لانه براءه يا عم
والله ابراهيم عيسي بالرغم من اختلافي معاه في اشياء كتير الا اني بجد بحترمه
بس كنت حاسه ان المره دي هيا النهايه وفرحت جدا اما طلع منها
بس انت متنكرش ان الدستور زودتها جدا في الاسبوعين اللي فاتوا
خصوصا المقال بتاع الالهة لا تموت
ربنا يوفقنا كلنا
الحمد لله و الشكر لله أفرجوا عنه
أنا عرفت الخبر و تاني يوم مني الشاذلي في العاشرة مساءً جابت تقرير عنه
ساعة لما قالو إنهم حققو معاه 7 ساعات أنا كنت حعيط مش عارفة ليه بس زعلت من جوايه أوي إن راجل زي ده يبهدلوه كدة بس لما قالو إنه خرج بالسلامة فرحت أوي
ربنا ينصر كل الشرفاء و كل الغلابة
rabana ma3ana kolana yarab
محمود
تحياتى
معلش ما هو لازم كبش فدا
وبعدين العين على ابراهيم عيسى من زمان مستنيين له غلطة
واهو مسكوا عليه واحدة مع إن كل الجرايد نقشت موصوع إختفاء الباشمهندس الريس
وربنا يطلعه منها بالسلامة
والاشاعة تتقلب حقيقة
وبعدين هوه المرض ده حاجة وحشة لا سمح الله ماهو البنى ادمين بيمرضوا
ولا عيب نقول ان الريس تعبان
وتحياتى وتضامن مع ابراهيم عيسى وكل اللى زى ابراهيم عيسى
لا حول ولا قوة الا بالله
محمود
سعيده بكتابتك جدا
ان شاء الله مش حاتتقفل
بالعكس حايزيد الاقبال على الدستور
ابراهيم عيسى كبر فى نظر الجميع
ومتهيألى انهم خافوا من ردود الافعال
هى قرصه ودن
ولموا الموضوع
لحين اشعار اخر
تحياتى واحتراماتى
افرجوا عنه تانى يوم وبعدين قالوا هيحققوا معاه تانى
مش فاهمة ليه مع ان مش هو الوحيد يعنى
اللى اتكلم فى الموضوع ولا هو اول واحد اتكلم فى الموضوع
مش فاهمة يعنى ليه البلد اتشالت واتحطت
عشان زى مابيقولوا اشاعة
طول عمر الاشاعة بتطلع مابيتردش عليها بتموت
لكن بالشكل الفظيع اللى ردوا بيه دة كبروها اوى يكونشى على راسهم بطحة والا حاجة
والا هو تمسكهم بالدنيا وصل للدرجة دى زى مايكون مافيش موت فى عرفهم ولا مرض ولا حاجة
استغفر الله العظيم
تحياتى ليك على البوست بفرح اوى لما الاقى حد متضامن مع ابراهيم عيسى انا كمان متضامنة معاه ربنا معاه
ربنا يفك كربه
والله استاذ ابراهيم عيسى جامد جدا بليغ وجرء ودمه خفيف ودى اقل حاجه ممكن الواحد يعملها له
وشكرا انك جبتها هنا
إرسال تعليق