مليون دولار350
المستثمرين الاجانب سحبوا 350 مليون دولار من مصر
لما نزلوا الصبح واشتري جورنال الدستور بجنيه
وقرواء الكلام الي فيه عن الرئيس
البلد الي يتسحب منها 350 مليون دولار عشان اشاعه لمرض رئيس او حتي موته
لازم كل مسئول فيها يتحاكم
دول لازم يتحاكموا بتهمه الغباء السياسي عشان توجيهه تهمه زي ديه تهمه للنظام قبل ما تكون تهمه للاستاذ ابراهيم
كل سنه وانتوا طيبين
تحت بند
يحدث في مصر
هناك ٩ تعليقات:
يابني ده تخريف ومين قال ان ده مظبوط
ثم ماكل الجرايد كتبت في الزفت الاشاعة دي كان بكل بساطة ريسنا العظيم كلف خاطره طلع في التليفزيون عرفنا انه لسه موجود
وماسبناش نهاتي زي الكلاب اللي ولا ليها قيمة عند أي حد وماكانش حد سحب أي استثمارات من أي حتي ده لو أساسا في استثمارات في البلد دي
حسبنا الله ونعم الوكيل في الظلمة اللي مش عارفين ان له أولاد واخدينه منهم في دخلة شهر زي ده
وكمان حولوه لمحكمة الجنح
حسبنا الله ونعم الوكيل
السلام عليكم ورحمه الله وبركاته
بص هما حبوا يقولوا لابراهيم عيسي
كل سنه وانت طيب
بس دي لغتهم
والله المره دي شكلها مش هتيجي علي خير
بس ربنا كريم
كل سنه وانت طيب ورمضان كريم
محمود
كل سنة وإنت طيب
أنا مش هتكلم فى السياسة فى رمضان
كل سنة وإنت طيب
السلام عليكم
كل سنة وانت طيب وبصحة وبسلامة يافندم
كل سنة وانت بخير ريح دماغك فى رمضان خد اجازة م الغم المستديم ده هههههه
ههههههههههههههههه
بس هو انت صدقت الموضوع ده انا عن نفسي مصدقتهوش
وفعلا كانت دى الحاجة اللى لفتت نظرى هو يعنى المستثمرون الاجانب دول هياخدوا اخبارهم من الدستور يعنى ماعلينا
كويس برضه انهم مخلوش لبراهيم عيسي يدفع ال350 مليون دولار دول
ناس دماغها فاضية وكمان مش بيعرفوا يكدبوا
وكل سنة وانت طيب
كل سنه وانت طيب
استثمارات ايه اللى فى مصر ياعم محمود
ولا اقتصاد ايه
الاهرام نفسها كتبت ان انخفاض البورصه كان طفيف وسببه غير الاشاعه خالص
ودى الاهرام يعنى بتاعتهم
اذا لم تستح فانت من الحزب الوطنى
يسلم فمك ... أي دولة تكون على استعداد للاهتزاز بالشكل ده مع إشاعه عن موت أو تعب رئيسها .. لازم كل قياداتها تتحاسب
طب امال لو مات فجأة إيه اللي هيحصل بقى ؟
وبعدين هو احنا ليه السجن سهل عندنا قوي .. مع المعارضة ...ابراهيم عيسى..أيمن نور ...الاخوان ..لكن العبارة لما بتغرق .. عادي الركاب السبب
حاجة تخنق
يا مساء الدولارات
مش بعيد يطلعوا ابراهيم عيسى متفق مع جهات معادية لمصر لعمل هذه الفتنة
التى اسعدت كل من سمعها
وان الاجانب عطوه كومشن من الدولارات الكتير اللى طلعت بره مصر
ال يعنى الدولارات جوه مصر كانت عاملة لنا حاجة
ولما خرجت اثرت فعلا على الناس
يبقى يحاسب ابراهيم عيسى
على الغلاء الان
وممكن نعمل له كام تهمة تانية
موضوع التهم ده اسهل منه مافى
ده بيدرس فى ال كى جى بتاعت الشرطييييين اللى هما البولسييين
وعجبى
إرسال تعليق