حمام لكل مواطن

محافظ الدقهلية: أزمة المياه بسبب كثرة استحمام المواطنين

في كلمه واقفه في زوووري بس مش عايز اقولها علشان عيب

بس هي عموما اولها الف واخرها الف

شوفت التعليق الجامد ده

ازمه المياه الي بقالنا في اكتر من شهر

سببها ان الناس بتستحمه كذا مره في اليوم

شوفت دلع اكتر من كده

حكومتنا المصونه بتحاسبنا علي عدد مرات الحموم

مش بعيد يصدروا قرار ان الواحد ليه حمامين واربعه تواليت في الاسبوع

نتكلم بجد شويه

في دول كتير عندها ازمه في الميه

زي استراليا مثلا

بيعملوا ايه

مانعين ان حد يرش ميه في الشوارع

محددين لكل واحد نصيب من الميه يوميا يفضل انه ميتعدهوش( خلو بالكم من يفضل ديه)ا

مانعين ان الناس تغسل عربيتها بخرطوم ,, تتغسل بجردل

والناس متعاونه والحياه ماشيه

لكن ان واحد مسئول يطلع يقول الكلمتين دول

متهيالي عيب اوووووي

انا مبصدقش الكلام ده

مش باعت

ومستني بقي الصفقه ام خمستلاف مليون ميتين ربع جنيه الي هتروح مني

الاسلام اكبر من كده بكتير
عيب كده

احنا كده بنضحك الناس علينا

دليل الحكومات الذكيه في اداره الشعوب الغبيه

ازاي تقدر تدير بلد فيها سبعين مليون بيني ادام

وتخليهم خاضعين ليك

لا وكمان يسبحوا باسمك

مش اي انسان او حكومه يقدروا يعملوا كده

لازم يكونوا اذكياء الي درجه كبيره

ولازم كمان يتعاملوا مع شعب غبي

اولا : لازم نقلل من اكلهم وشربهم ونضيق عليهم رزقهم

ليه

علشان هما شعب غبي بدل ما يثورو علينا هيخطفوا من بعض ويتخانقوا مع بعض

ثانيا : لازم نضعفهم ونقلل مقومتهم علشان لو جات ليهم شوطه تاخدهم وتغور بدل ما هما قرفنا كده

ثالثا : لازم نخلل الفساد ما بينهم ونخليهم يعتمدوا عليه ويشكلهم نسبه من دخلهم

علشان ميطلبوش بمحاكمه الفاسدين

وبكده نحول البلد الي مجموعه فساد كبيره

رابعا : لازم يكون في مجموعه كبيره من السجون والمعتقلات

تسمح باستضافه اي كلب يفكر يقول رائيه او يعترض علي نظام الحكم

خامسا : لازم يكون في مجموعه قوانين اكبر من المعتقلات علشان نتهم ونحاكم ونحبس نفس الكلب الي فوق الي حاول يقول رائيه

سادسا : لازم نبوس ايد ورجل اي قوة عظمه بحيث انها تنفعنا مع المجتمع الدولي وتخرس اي حد يكلمنا

سابعا : لازم نبوس ايد ورجل و ..... اسرائيل علشان القوه العظمه ترضه عنا

ثامنا : لازم ننشر المخدرات بين الشباب والبنات ونوسع من دايره الثقافه الغربيه من علاقات غير شرعيه واغاني

هابطه وانعدم اخلاقي وثقافي علشان الشباب يتوهوا وميعرفوش يطالبوا بحقهم

اخيرا : لازم شعبك يكون علي درجه كبيره من الغباء بحيث انه يوافق علي النقط التمانيه الي فوق

الله ولي التوفيق

كل ناجح في نظام فاشل يبقي فاشل

وانا في ثانويه عامه جبت في تانيه مجموع زي الزفت

وفي تالته مجموع مش زفت اوووي يعني نص زفت

ودخلت كليه تجاره

كليه الشعب

اول سنه

شيلت 11 ماده من اصل 12

وفي الاربع سنين الي بعد كده

كنت كل سنه اطلعلي بماده او اتنين

حتي وانا في رابعه شيلت ماده

ودخلت دور اغسطس

كنت لازم الاقي لنفسي سبب

يخفف عني البلاوي ديه كلها

اي سبب الهواء , الشمس , الحكومه , الكليه الدكاتره اي حاجه

بس مطلعش فاشل قدام نفسي

بعد مجهود ذهني توصلت الي النظريه القادم ذكرها

كل فاشل في نظام فاشل فهو ناجح

او العكس

كل ناجح في نظام فاشل فهو فاشل

معظم الي بيقروا كلامي طلاب او كانوا طلاب وعارفين يعني ايه تعليم في مصر

تعليم فاشل غبي متخلف عقليا وذهنيا وجسديا وفكريا متخلف متخلف يعني

ازاي اي حد مع كل التخلف ده يجيب 410 من 410

ازاي انسان مهما كانت درجه ذكائه العقلي انه يقدر يجاوب علي كل الاسئله باجابات نموذجيه صحيحه قدرت تقنع

مدرس غلبان قاعد في شادر وغرقان في بحر عرق ومستنيله غلطه قلم عشان ينقصه

الكلام ده ممكن يحصل في دوله فيها تعليم

بس ميحصلش في مصر

لان مصر مفهاش تعليم

انا عن نفسي مقتنع بالكلام ده علشان انا كنت فاشل في التعليم

ياتري الي ناجحين في التعليم رائيهم ايه

حتي اشعار اخر

اعزائي المدونين والمدونات

الشباب منهم والشبات

نظرا لظروف قهريه

وظروف عمل مهلبيه

وعدم قدرتي علي متابعه

اعمالكم الكريمه

والرد علي تعليقاتكم

فقد قررت

انا اخذ أجازة

وانشاء الله

اسبوع اتنين

بالكتير وراجع

سلام مؤقت

لا تعليق

اعدام مسؤول السلامة الغذائية في الصين

اتهم المسؤول السابق بسرقة 6.5 مليون يوان (850 ألف دولار أمريكي) على شكل رشاوى وبالتواني عن واجباته المهنية في محاكمة جرت في مايو / أيار الماضي.

يتهم جينج باستلام رشاوى مقابل ترخيصات لصناعة مواد غدائية وأدوية لا تستجيب للمعايير القانونية

المنطقه الرماديه

في تلك المنطقه الواقعه بين الوعي والادراك

اختلطت ألاحلام بالذكريات

لم اعد افرق بين حياتي وموتي

اختفت تلك الفواصل الي تحمينا من الجنون

لم اعد ادرك الحياه او اتخيلها

اختلفت نظرتي الي العالم

هل انا حي ام ميت

هل انا نائم

لا اعلم

عقلي يرفض ان يحل المعضلة

انه متعب من التفكير وتقرير المصير

لم يعد امامه سوي تلك المنطقه

المنطقه الرماديه

بين الوعي والادراك

بين الخطا والخطيئه

بين الحب والجنون

لا اعلم ان كنت سعيد بتلك المنطقه ام لا

ولكنني متاكد من ان عقلي سعيد بها

وقلبي يتمزق فيها