كل ناجح في نظام فاشل يبقي فاشل
وانا في ثانويه عامه جبت في تانيه مجموع زي الزفت
وفي تالته مجموع مش زفت اوووي يعني نص زفت
ودخلت كليه تجاره
كليه الشعب
اول سنه
شيلت 11 ماده من اصل 12
وفي الاربع سنين الي بعد كده
كنت كل سنه اطلعلي بماده او اتنين
حتي وانا في رابعه شيلت ماده
ودخلت دور اغسطس
كنت لازم الاقي لنفسي سبب
يخفف عني البلاوي ديه كلها
اي سبب الهواء , الشمس , الحكومه , الكليه الدكاتره اي حاجه
بس مطلعش فاشل قدام نفسي
بعد مجهود ذهني توصلت الي النظريه القادم ذكرها
كل فاشل في نظام فاشل فهو ناجح
او العكس
كل ناجح في نظام فاشل فهو فاشل
معظم الي بيقروا كلامي طلاب او كانوا طلاب وعارفين يعني ايه تعليم في مصر
تعليم فاشل غبي متخلف عقليا وذهنيا وجسديا وفكريا متخلف متخلف يعني
ازاي اي حد مع كل التخلف ده يجيب 410 من 410
ازاي انسان مهما كانت درجه ذكائه العقلي انه يقدر يجاوب علي كل الاسئله باجابات نموذجيه صحيحه قدرت تقنع
مدرس غلبان قاعد في شادر وغرقان في بحر عرق ومستنيله غلطه قلم عشان ينقصه
الكلام ده ممكن يحصل في دوله فيها تعليم
بس ميحصلش في مصر
لان مصر مفهاش تعليم
انا عن نفسي مقتنع بالكلام ده علشان انا كنت فاشل في التعليم
ياتري الي ناجحين في التعليم رائيهم ايه
تحت بند
يحدث في مصر
هناك ١٩ تعليقًا:
كلامك مظبوط
عين العقل والله
بس نصيحة مش مهم انك تكون ناجح او فاشل فى التعليم المهم انك تكون ناجح فى الحياة لأن اصلا التعليم مشروع فاشل
تحياتى
الصراحة كلامك قلبلي دماغي
لأن معناه أني أنا فاشل بالثلث
وأنا اللي فاكر نفسي طول عمري من الأوائل
يانهار أبيض بس تعرف عندك حق
ايه يا عم محمود
مالك
انت مش ملاحظ ان المدونين كتير منهم
دكاترة ومهندسين وصيادلة
يعني بناء على نظريتك
نقول التدوين مجمع فشلة كتير
انا خايفة عليك
اوك التعليم عندنا غبي جدا
لانه مش بيراعي الميول والقدرات
لكن دا ما يمنعش ان الناس اللي تفوقت
نقدر نقول انهم تغلبوا على غباء النظام
او بمعنى اصح هم م وقفوش كتير عند عيوبه وخدوه كدا بعبله
وتعبوا وطلعت عينهم
بس نقدر نقول ان في ناس عملت كدا
علشان توصل لحاجة بتحبها
هدف معين يعني
وتحملوا غباء التعليم بل وتفوقوا عليه
وفي ناس بقى الفشلة فعلا
الدحيحة
اللي كل هدفهم انهم يجيبوا الـ410 وخلاص
ليه وعلشان ايه
علشان يبقوا جابوهم
وتلاقيهم يتحطوا في اماكن
ما يقدروش يظهروا فيها ولا يثبتوا جدارة
ويا سيدي بيبقى في ناس
من اللي قاعدة غرقانة في عرقهم
عندهم عيال في نفس الموقف
فبيقولك اتعاطف مع الطلبة
علشان عيالي يلاقوا اللي يتعاطف معاهم
البدراوي
بالتاكيد الانسان لازم يحاول انه ينجح في الحياه
حتي لو مكنش ناجح في التعليم
سكتم بكتم
انا وجهه نظري ان الانسان مينفعش يكون كامل في نظام فاشل
مش شرط علشان تكون من الاوائل انك تكون فاشل
لو بصيت علي رائ ما علينا هتفهم قصدي ايه
ما علينا
ازززززززيك
اخبارك ايه
عامله ايه في الامتحنات
وحشتيني ووحشيتني تعليقاتك
كالعاده بتعرفي انا قصدي ايه بالظبط
وترميلي كلمتين
يولعوا الدنيا
انا بالتاكيد مش قصدي ان الدكاتره والمهندسين فاشلين
انا قصدي النوع التاني الي انتي قولتي عليه
هما دول االي فاشلين
لانهم بيهتموا بالكم ومش بالكيف
انا مش معاكم
مانقدرش نعمم
يعني نلبس العمة
ونقول الكل في الكل يبقا
مش عارف ايه
وبعدين بصراحة بقا
بعد السيرة الذاتية اللي قدمتها دي
اختلف معاك اختلافا كليا
:)
طهقان
مفيش قاعده عامه
كل قاعده وليها شواذ
بس في الاغلبيه هتلاقي كلامي صح
مفيش انسان كامل عموما
ازاي بقي يبقي في انسان كامل داخل نظام فاشل
السلام عليكم
أخ محمود عندك حق في ان النظام
التعليمي في مصر فااااشل جدااااااااا
ربنا يعينا
:)
بس ان شاء الله ربنا يوفقك
في حياتك العملية
تقديري
القادم اجمل
اززيك
ربنا معاكي في الامتحنات
عارفه انا ايه الي مضايقني
الي مضياقني
ان انا ناجح في حياتي العمليه
وانا بدرس اشتغلت
واثبت نفسي
وبعد ما خلصت اشتغلت
واثبت نفسي
بشهاده رؤسائي مش بشهادتي
وسيب شغل وروحت شغل تاني
هو صحيح مش تخصصي او مجال دراستي
بس بحاول فيه
وبرضه زمايلي الي اكبر مني ورئيسي متفائلين من شغلي
كل ده وانا فاشل في الدراسه
تخيلي بقي لو كنت ناجح فيها كان ممكن ايه الي يحصل
شباب وبنات مصر كلها كده
وفري ليهم فرصه وهما يبقوا عباقرا
انا معاك ان النظام فاشل وخصوصا فى التعليم وعنده القدره على تفشى الاحباط بس لازم نحاول قدر الأمكان النجاح واللى قدر يتحدى النظام الفاشل ونجح اكيد تعب اوى وعرف ديه النظام
تحياتى وتمنياتى لك بكل الخير
اسمع بقا
أنا كتبت عريضة امبارح والكونيكش اللي ماعندوش دم فصل قبل ما ابعتها
في السريع بقا كدة
أنا عن نفسي ماباعتبرش نفسي ناجحة في النظام ده
عندك الجامعة مثلا جايز ماباشيلش مواد الحمد لله بس التقديرؤات مش مظبوطة لأني قررت أشيل نفسي من حسابات الجامعة خالص بعد مالقيتني لا باخد حقي عاللي باجاوبه ولا أنا عارفة ابقي مجرد متلقي وماشغلش مخي وخلاص زي ماهما عايزين
من وجهة نظر النظام الجامعي أنا هابقي دكتورة فاشلة جدا وده اللي أنا معترضة عليه بشدة لأني عندي ثقة أني بافهم في الطب أحسن من ناس بتطلع من الأوائل كل سنة
وعندي ايمان أني أبقي حد قوي جدا في مجاله بعدين
وزي ماقالت جميلة ربنا يوفقها في امتحاناتها ان شاء الله
في ناس عشان توصل للي بتحبه بتحارب وتستحمل النظام الغلط ده وده اللي أنا عملته عشان كان نفسي أدخل طب وكان حلم حياتي
نظام التعليم يمكن فاشل بجد ومحتاج تعديلات خطيرة
ان شاء الله تحصل
هرد عليك ذىما احمد فواد نجم قال فى العاشرة مشاء امبارح
التعليم فى اى حته بيطلع كوادر
عندنا بيطلع كوارث
تحباتى
تدوينة جامدة
بس برضه زي ما بتقول نظريات التطور ان البقاء للمتكيف
السحالي اللي قدرت تتكيف مع الظروف البيئية الجديدة عاشت بينما الديناصورات ماتت.
برضه اللي يكيّف نفسه مع النظام الفاشل لغاية ما يوصل منه للي هو عايزه هو اللي يكسب.
كلمات
بالتاكي كلامك صح
انا مش بقول اننا نستسلم للفشل
انا وجهه نظري اننا نقاوم
فنان فقير
كلامك مظبوط طبعا
وده سبب زعلي
انا في ناس ناجحه في التعليم وهي متستهلش
وفي ناس بتخبط ومستوها اعلي بكتير
سمسم
فينك مش باينه
طبعا التعليم بيطلع كوارث
واكبر دليل علي كده انا
ميشيل
كلامك صح بس انا معترض عليه
لو فضلنا نتكيف مع كل وضع غلط
هنخسر حجات كتير اوووووي
ممكن نتكيف في حجات معينه
بس حجات تانيه لازم نقول ستوب
علي الاقل ليعيالنا
مش لينا
دايما كدا تفتح على نفسك ابواب لنيران يا عم محمود
غاوي انت مواضيع شائكة
ثائر بقولك ثائر على الاوضاع
بس ولا يهمك
معاك يا عم
انت ابدا
وانا اولعلك الدنيا كلها
ونرجع نطفيها تاني
عارف يا محمود
الكلام لما بيكون موضوعي وعقلاني
سهل جدا يتفهم
وانت كلامك موضوعي وعقلاني
علشان كدا مغزاه واضح
اللي بيخلي بعض الناس ما توصلش لهدفك الاساسي
هو الطابع الثوري اللي بيغلف كلامك
اواااااااافقك واؤيدك تمام والفشل فى نظام فاشل ميعتبرش فشل وهذا ينطبق عليا ايضا ههههههه
غالبا الجملة دي بتبقى صح فعلا
2ah ya balad 3ayza walad .. bs 2na ll2sf bnt
2nta sa7 ya 2bny . 2enta bttklm 7alan m3 7af the first on his school fe 23dady
fe 2 thanawy gayba 95 w fe el 2 years 87 w mosh 3arfa 27'rog mn tegara
ما علينا
يسترك دنيا واخره
فهماني
انا بعد كده اي بوست اكتبه ومحدش يفهمه هبعتهولك
هوندا
شكلك كده زي حالتي قررتي تخرجي فشلك علي النظام
هي ميزه وعيب
ميزه
انك هتخرجي الكبت الي جواكي
وعيب
لانه ممكن ميديكيش دافع
ربنا معاكي وتخرجي منها علي خير
شرم
غالبا صح يا بووب
لمياء
للاسف ليه يا لمياء
ممكن بنت تعمل شغل عشر رجاله
افتكري
جميله بوحريت
جان دارك
هو انت مش عندك حق خالص بصراحه يعنى ايه كل ناجح فى نظام فاشل يبقى فاشل لألأمش مقتنعه
بس عايزه اقول لك ان طول مل الواحد مش بيغير فبلده الفاشله دى يبقى هو ده الفاشل فاشل يعنى بغض النظر عن مستوى فى الدراسه الفاشله بتاعتنا
إرسال تعليق