تامر بيك حسني وهيفاء هانم وهبي
علشان نكون متفقين
انا مبكرهش تامر
بالعكس ان بحبه كمغني
وليه اغاني بحب اسمعها
بس انا دمي محروق
الاخ تامر كان في السويس بيروج لفيلمه
لحد هنا والخبر عادي
الي مش عادي
ان تذكره السينما الي بسبعه جنيه
بقت في السوق السوداه بسبعين
ان كل الي حضروا الحفل بنات
الحفله خلصت من هنا
والبنات اتهبلت عايزين يتصورا معاه
لم تفلح عضلات اربع بودي جاردت في الدفاع عنه
ولم تفلح قوات البوليس ايضا
لدرجه ان تامر قميصه اتقطع
وهرب في عربيته الهامر
وهو ساتر نفسه بملايه
انا مش غيران من تامر ربنا يزيده معجبين
انا بتكلم عن البنات
المعجبات
امهات المستقبل
زوجاتنا المصونات
فرحانين بواحد
هربان من الجيش
ومزور
ويغموا عليكوا علشان هرب من غير ما تتصورا معاه
نفس المشكله مع الولاد انا مش بستثني حد
نفس الوضع مع هيفاء وروبي
كفايه اني اقولكم ان هيفاء لما كانت في استاد القاهره
هزه الوسط الواحده منها
كانت بتحرك تلاتين الف بني ادم
ورحمه امي متحركوا كده لما الاقصي اتولع فيه
تتكوا ستين الف نيله
الله يخرب بيوتكم والبيوت الي جنب بيوتكم
وعايزين تتطورا وتبنوا بلدكم
خليكوا ماشين ورا تامر وهيفاء
ربنا يولع فيكوا
وادي دقني لو فلحتوا
تحت بند
يحدث في مصر
هناك ٧ تعليقات:
من حق كل شاب وبنت أنه يعجب بفنان معين بس المشكلة في الأسلوب والطريقة اللي يعجب بها أنا زيك مش فاهم بيعملوا كده ليه تامر بني آدم زيه زينا وهيفاء برده بس هي شيطانة شوية مش موضوعنا
المهم إننا نعرف إزاي نتعامل مع إعجابنا وأسلوبه يكون إزاي مش بالهبل والهمجية دي
معلش أصل احناوصلنا للدرجة دي من التفاهة
هنعمل ايه؟
تامر حسني طلع ولا نزل ايه يعني دي عالم فاضية ومش لاقيين حاجة تشغلهم
وست هيفاء دي كمان أصل معلش الولاد من تفاهتهم مش شايفين أنها صناعية وده مش في دماغهم
الله يخربيت التليفزيون والدش علي اللي بيمثلوا علي اللي بيغنوا والكل كليلة
نوشه باشا
الاعجاب ليه حدود
مش المفروض يوصل لدرجه الهوس
فنان
تفاهه وهبل واستعباط وغيبوبه
وحجات كتير اوووووي
فكرتيني بفيلم عادل امام
الانسان يعيش مره واحده
والكل كليله
عندك حق في كل كلمة انا كمان دمي بيتحرق جدا من تفاهة المعجبين و المعجبات دول بس ممكن أطلب منك طلب ؟؟
ممكن تشيل صورة هيفاء وهبي أصلها صعبة جدا
تحياتي
إزيك أخ محمود؟؟
انا هرجع للبوست دا علي رواقة
بس محتاجين دعواتك هنا
http://walkademagmal.blogspot.com/2007/07/blog-post_5984.html
تقديري
محمود
ايه يا محمود
ما تخلي الشعب يعيش
ويدلع نفسه
وينسى الذل والقهر
خلي الشعب ينسى كرامته وادميته
هم دول عماد الجيل
هم دول شباب النيل
احسن حاجة نلمهم كلهم
ونغطيهم ونصوت
يا عم محمود
الواحد في امتحانات
ومش ناقصة حرقة دم
ودا لا يقال عنه غير
انه انحلال اخلاقي
وقلة تربية
ومن قبل كل هذا غياب الوازع الديني
يا دي النيلة على قلة الحيا
LOL
يعني اتحرشوا بيه
!!!
إرسال تعليق