أبي العزيز أمي الغاليه .........عفوا
هل من حقي ان احاسب اهلي
هل من حقي ان اوجه اليهم اللوم
لو والدي غلطان في موضوع معين والموضع ده خاص بحياتي اتعامل معاه ازاي
اقوله ايه
ولو اصر علي رائيه
اتصرف ازاي
متهيالي انا كبير كفايه اني اخد قراراتي بنفسي
ومتهيالي كمان انهم من المفروض انهم يعاملوني كانسان ناضج
بغض النظر انهم طول عمرهم هيبصولي علي اني صغير
ولو انت صح ومتاكد انك صح والي حاوليك بيقولوا انك صح
ووالدك مش موافقك علي الكلام ده تعمل ايه؟؟؟؟؟؟؟؟؟؟؟؟؟؟؟؟
تحت بند
تخاريف
هناك ١٠ تعليقات:
من وجهة نظر الأهل مش من حقنا نحاسبهم وأعتقد احنا لما نكبر ويبقي عندنا أولاد هنقولوهم برده انهم مش من حقهم يحاسبونا
الموضوع ييجي بالتفاهم يا محمود براحة وواحدة واحدة يعني ماتتناقش معاه وتنفعل وتعلي صوتك مش هيجيب نتيجة الموضوع ده وحاول تلاقي حد قريب منه قوي يكلمه ويحاول يقنعه حد من النس اللي انت بتقول انهم موافقينك علي انك صح وحاول مع مامتك تقنعه
متهيالى اكيد لازم تلاقى خلقه مشتركه فى الموضوع بينك وبين والدك تقدر تقنعه من خلالها
انا عن نفسى لما اقنه ويوافق لااعمل اللى هو عاوزة هو برود خايف عليا وشايف اكيد اللى ان مش شايفه
وبعدين عموما
الاختلاف فى الرى لا يفسد للود قضيه
تحياتى لك
بصراحة مش عارف أقولك إيه أنت صح وفي نفس الوقت غلط لأننا ممكن ناخد قرارات سريعة ومتهورة في وقت نفقد فيهالتركيز شوية بس بالنسبة للأهل هما دايماً ليهم وجهة نظرهم اللي لازم نحترمها ولو مش في صالحنا نتناقش مع بعض ونشرح وجهة نظرنا أكيد هنوصل لحل يرضي جميع الأطراف
شوف بقى
يا عم محمود
الموضوع بصراحة صعب
احنا مش من حقنا ابدا نحاسب اهالينا
لكن ممكن نناقشهم
ونحاول اقناعهم
وزي فنان ما قالت
اذا ضاقت السبل المباشرة
يبقى نوسط حد بينا وبينهم
لتقريب وجهات النظر
بس اهم حاجة يكون الوسيط دا
له دلال عليهم
او تكون كلمته نافذه عندهم
بس ابدا ابدا مش من حقنا نحاسبهم
مهما كان الموقف
ربنا يزيل اي خلاف بين كل الاهل وابناءهم يا رب
وربنا يعينك وييسر لك كل عسير
ان شاء الله
مبروك تغيير الصورة
وربنا يثبتك ان شاء الله
ياواش ياواش يا عم محمود
سلام ايها الثائر عل الاوضاع
متهيألي المناقشة طريق رائع
يا نقتنع برأيهم
يا يقتنعوا برأينا
مفيش أي خيار تالت
و الصراحه زي ماتقال
احنا بنزعل و نتعصب
بس دايما بحس انه ليهم بعد نظر
للأمور
بحكم خبرتهم في الحياة
ربنا يحفظ الأهالي
و يقدرنا علي طاعتهم
WHO DOES NOT LEAVE TO GROW THE CHILDREN WILL BE ALWAYS SMALL.
فنان
المشكله ليها جذور
وصعب انها تتحل مشكله تفكير
وللاسف احنا الاتنين مش عارفين نحلها
وماما مينفعش تتطلع بابا غلطان
يبقي بالتاكيد انا الي غلطان
سمسم
بالتاكيد انتي كلامك صح وموافقك من الالف الي الياء
بس في حاجه اسمها انا
سعات بتخليني ارفض ده
نوشه
للاسف يا نوشه عيب الموضوع ده انه ملوش حل وسط
ييمين يا شمال
ولو عملت الي انا عايزه هيزعلوا مني
ولوعملتوا الي هما عايزينه
هزعل من نفسي
موضوع معقد مش كده
جميله
اخبارك ايه واخبار الامتحنات ايه
ربنا معاكي
انتي تغطسي تغطسي وترجعي بكام رائ جامد
ماشي يا قمر
المشكله يا جميله ان انا استخدمت كل الوسائل
يا ما اه يا امه لا
مفيش حل تاني
القادم اجمل
الاهل فعلا بيكون ليهم تفكير مختلف عننا
وسعات بيكون صح انا مكنش كل الوقت
بس انا وجه اعتراضي
علي انهم عايزين يلغوا شخصيتي
ديفيد
لخصت المشكهل في كلمتين
تحياتي
اعتقد من حق كل انسان ان يعبر عن راية بحرية
بص يا حاج بقى
الموضوع لو متعقد اوي
يبقى نفكر
لو في الامكان انك انت تتغاضى
حتى لو كنت صح
يبقى جريها
زي ما قلت لك
هم لهم حقوق علينا ازيد ما احنا لنا عليهم
وطالما القضية قضية افكار
يبقى احسن حل
هدي اللعب
لان اللي في دماغ الوالد هايفضل زي ما هو
وحاول انت بقى تتحايل على الموقف
يعني تعمل اللي انت عايزه
في اضيق نطاق من الخلافات
وصدقني
اقدر انسان على تقييم الموقف
وتحديد الحل المناسب له
هو انت
مش اي حد فينا
انت ادرى بالموقف وبطبيعة الوالد
وبعدين يا عم محمود
الرفيق سانتوس دا
اوكي لخص في كلمتين
بس تلخيصه ما يمشيش علينا
احنا لنا عقيدة ودين بتنح الاهل حقوق كتير جدا
ما نقدرش نتغاضى عنها
وزي ما انت عارف
طاعتهم واجبة
فيما عدا حالة واحدة
وهي معصية الخالق
يعني انت لازم تيجي على نفسك لو ضاقت بك السبل
وتتقبل دا بصدر رحب
وربنا يجازيك خير ان شاء الله
وييسرها من عنده
سلام بقى
اروح اقرأ لي كلمتين
وابقى طمننا
ربنا ييسر لك كل عسير ان شاء الله
انا كمان نفسى اعرف اعمل ايه علشان بتعرض لكده كتير
إرسال تعليق