حمام لكل مواطن
في كلمه واقفه في زوووري بس مش عايز اقولها علشان عيب
بس هي عموما اولها الف واخرها الف
شوفت التعليق الجامد ده
ازمه المياه الي بقالنا في اكتر من شهر
سببها ان الناس بتستحمه كذا مره في اليوم
شوفت دلع اكتر من كده
حكومتنا المصونه بتحاسبنا علي عدد مرات الحموم
مش بعيد يصدروا قرار ان الواحد ليه حمامين واربعه تواليت في الاسبوع
نتكلم بجد شويه
في دول كتير عندها ازمه في الميه
زي استراليا مثلا
بيعملوا ايه
مانعين ان حد يرش ميه في الشوارع
محددين لكل واحد نصيب من الميه يوميا يفضل انه ميتعدهوش( خلو بالكم من يفضل ديه)ا
مانعين ان الناس تغسل عربيتها بخرطوم ,, تتغسل بجردل
والناس متعاونه والحياه ماشيه
لكن ان واحد مسئول يطلع يقول الكلمتين دول
متهيالي عيب اوووووي
تحت بند
يحدث في مصر
هناك ٩ تعليقات:
هههههههههه
دا انا على كده هتقفش يقا
يعنى بعد كده الواحد يدخل يستحمه ويوقف اتنين على الباب يراقبو الطريق
والله عيب اللى بيحصل ده
حسبى الله ونعم الوكيل
بجد حاجة تكسف و الله
طيب قولي يا محمود
في غرامات ولا حاجة
هم عايزين الشعب ينتن ولا ايه
اما مسئول معفن صحيح
طيب ممكن يخلوا الحمى على طول في المنبع
يعني في النيل
وبعد كدا المياه بيتم تكريرها وبنشربها
ولا يخلوا الحمى بالبطاقة ومجموعات
كل مجموعه تقف وموظف يرشهم بخرطوم
وبالهدوم طبعا
منه حمى
ومنه غسيل
حسبي الله ونعم الوكيل
يا محمود الموضوع ان المسئول مش عارف يلبس الغلطة في مين
ملاقيش غير الناس
وطلع علينا بكذبة كبيرة
الكذبة مش في ان الاستحمام هو السبب
الكذبة في الاستحمام نفسه
ان شاء الله بالمنظر ده نتوقع القرار القادم 2 رطل مايه لكل مواطن فى اليوم و60 رطل فى الشهر والى عايز مزيد يدفع كاشات
ياريت تجاوب ع التاج ده مهم عن حملة الانترنت
http://ana-w-honda.blogspot.com/2007/08/blog-post.html
محمود
لا ياراجل متظلمش الحكومة، دى ناس طيبة قوى
إيه يعنى هو لازم ننضف ؟
هما بس يمكن مضايقين عشان الشعب نضيف والحكومة ريحتها فايحة؟
أو يمكن إن الزيادة السكانية كمكان أثرت على الميه بعد ما كانت مأثرة على الأكل ؟
يعنى حكومتنا رشيدة، وبتحب التوفير
بس .. خلاص
السلام عليكم
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
والله انا مش عارفة الحكومة ديه هتولع صوابعها العشرين شمع
بتعلمكم ترشيد الاستهلاك
كفاية اوي تستحموا مرتين
مرة ع العيد ومرة ع العيد ده
واللي مش عاجبه باة
يروح يشتري مياه
وسمعوني طقطوقة .. مشربتش من نيلها
والله ده عيب بجد
عايزين الناس كمان ماتستحماش وفي الحر ده
وهي النس لا قية تاكل لما هتدفع غرامات ع المية كمان؟
وأنا أقول برده هي فاتورة المية جاية غالية كدة ليه
عاوزين يجبرونا مانستخدمش المية بالعافية
ربنا ع المفتري
إرسال تعليق