نار ورماد

أمتعني العزيز علي عقلي الاستاذ / أبراهيم عيسي بمقاله الاسبوعي في الدستور عن غضب الشعب المصري

وامتعني اكثر بمقاله اليوم السبت

عن ثوره معلمي الازهر بمقال عنوانه ""يرضي بقليله""ا

وقد قال الاستاذ ابراهيم عيسي في المقال مانصه كالاتي

ان المواطنين يتحركون بلا تنظيم سياسي ولا نقابي , فكل الاحتجاجات واسعه وجماعيه, ومع ذلك عفويه وتلقائيه

وهي ما يمنحها خطوره شديده فهي غير متوقعه ,,ومتعرفش تكلم مين فيهم , كما يسحب منها اي قدره علي التطور والاستمرار,فاي تحرك يفتقد التنظيم يفتقد اذن التخطيط والعقل.ا

استاذ ابراهيم كتب كلام اكتر من رائع عن حاله الشعب المصري الان

بس فيه نقطه عايز اقولها

مشكله مصر دلوقتي مش انها فيها احتجاجات

انما الاحتجاجات ديه خارجه من مين

بصو معايا

عمال مصانع غزل ونسيج

عاملات في مصانع

فلاحين

مواطنين بسطاء من قلعه الكبش

تسعين في الميه من اهل سيناء ان مكنش كلهم

مدرسين

معلمين ازهر

كل الناس ديه مفيش بينهم اي خط ربط

غير الاحتياج والاحساس بالظلم

زي ثوره تسعتاشر

المرادي يا جماعه لو حصلت ثوره مش هتكون من الجيش

او من شويه مثقفين

المرادي هتكون ثوره جوع واحتياج وفقر

المصريين هيثورو لاحساسهم بظلم كبير

احساسهم بظلم اولادهم في التعليم والتعيين

ظلم في صحتهم وعلاجهم

ظلم في رزقهم

واتقي شر الحليم اذا غضب

واحنا بقالنا سته وعشرين سنه مستحملين