تاج
ا ( الاستاذه ولاء صاحبه مدونه القادم أجمل بعتيتلي تاج ونصه كالاتي)ا
اسم مدونتك؟؟
انا مش معاهم
لماذا اخترته.. وماهى نيتك من وراء اختياره ؟؟؟
مصر فيها قوتين سياسيتين الحكومه من طرف والاخوان وكفايه من طرف تاني وللاسف الاتنين مش بيعبروا عن الشعب المصري
انا بقي مش مع دول او دول انا مع المصريين
صورتك فى المدونه رمزيته؟؟
عيل صغير بياكل بطيخه
بيرمز لحب العيال الصغيره لااكل البطيخ
هل فكرت فى اغلاق مدونتك والسبب؟
لا
عشان بحبها
حد قل ادبه فى التعليق .. ايه رد فعلك؟؟
اه
قالي ان انا المفروض اروح جوانتناموا
رديت عليه وقولتله ان هو مبيفهمش
بس بطريقه مؤدبه ومستفزه في نفس الوقت
اسوأ مدونه؟
مش عارف
بس كل مدونه بتعبر عن رائ صاحبها
حايحصل ايه للأيميل لما تموت؟؟
هيموت معايا
اديت الباسورد لحد قبل كده ؟؟
لا
اسمك؟
محمود
عمرك؟
22
برجك ؟
الحوت
مجال دراستك ؟
محاسبه
السفر بالنسبه لك؟
اجمل حاجه في الدنيا
سواء في مصر او بره مصر بس مبعدش عنها كتيير
المود بتاعك؟؟
عادي
وقت الضحك ضحك ووقت الجد ضحك برضه
وقت فراغك بتعمل فيه ايه؟
انا بعد ما اشتغلت بقضي وقت فراغي في النوم
قبل كده كنت بنام برضه
الاكله المفضله؟
اي حاجه عليها باشميل
خاصه لو مسقعه او كوسه
الصفات اللى اخذتها من بابا ؟
العصبيه
الصفات اللى اخذتها من ماما؟
العصبيه برضه
اكتر ست حاجات بكرها؟
اروح البيت ملاقيش اكل
اوصل شغلي متاخر
حد يتاخر عليه
اطلب اكل دليفري ويتاخر
اطلب اكل دليفري ويجي ناقص
اي حاجه تضيع مني ومعرفش اوصلها
لماذا دخلت عالم التدوين من الأساس ؟
مكان الواحد يقول في رائيه وناس ترد عليه من غير نفاق
احلى جمله قيلت فى وصف مدونتك؟
مش عارف
بس اي رد بيرضيني
لان في انسان شغل وقته بانه يرد علي كلامي
التعليقات .. بالنسبه لك اهميتها؟
نفس الموضوع
احلى بوست كتبته؟؟
مش فاكر
بس مش انا الي بحدد
افضل مدونه قرأتها ؟؟
البراء اشرف
افضل بوست قرأته؟
مش فاكر
الشغل بالنسبه لك؟
تعب ومجهود وتشغيل دماغ
الانترنت بالنسبه لك؟
اخويا الصغير
تحت بند
تخاريف
هناك ٨ تعليقات:
هههههههههههه اخدت من بابا وماما العصبية والانترنت اخويا الصغير اكتر حاجتين عجبونى جامدين
وليك عندى تاج بردو اشمعنا انا يعنى
طب اديني حتة بطيخة من اللي معاك دي
بطل طفاسة بقى
انتا شكلك عندك مشاكل كتير مع الأكل زيي
لاحظت إن تلات أرباع التاج عن الأكل
بس حلوة حكاية وقت الجد ضحك بردو
ايه يا محمود كل الحاجات اللي بتكرها أكل أكل
علي الله يكون بيبان عليك بس ده كله
:p
ربنا يوفقك و يعزك
ياااااارب
:)
تحياتي و تقديري
HONDA
انا رديت علي التاج بتاعك
هو انا لازم ابعته ولا اسيبه عندي
محمد
ياباشا اتفضل
البطيخه كلها ليك
فنان
من ناحيه بيبان فهو بيبان
القادم اجمل
مرسيه
ويوفقك دائما
عارف يا عم محمود
حاسة اني كنت باجري وانا
باقرأ التاج بتاعك
واخدنا تك تك تك
وايه حكاية الحوت
هي منتشرة ليه بين المدونين
وادعي عليك اقول ايه
بسملة بنت اخويا
قاعدة جنبي ولقطت صورة الواد والبطيخ
وهاتك يا اسئلة
شايلها على رجله ليه
ومين قطعها له
وليه قطعها له كدا
تلاقيها مامته يا عمتو
صح يا عمتو
منك لله يا محمود
خليتني اجري ورا اجاباتك
وبصراحة هي من
اجمل الاجابات اللي قراتها على التاج دا
غير انك شبطت البت في
كنت ابعته للناس عشان ننشره
ما علينا
انا عايز اقولك اني
كنت بجواب اسرع من كده
لدرجه ان زمايلي في الشغل
اندهشوا من سرعتي وانا بكتب علي الكي بووورد
وبالنسبه لموضوع البطيخه
فبالتاكيد بنت اخوكي عندها حق
ده انتي عمه غريبه والله
هوندا
كل الناس زمايلي
راحلهم
إرسال تعليق