خلاص
هي بلدنا خلاص باظت
خلاص بقت ملايانه حراميه وفساد وسؤء اداره وتخطيط
خلاص بقي شعبنا متخاذل بيتفرج علي البنات وهدومها بتتقطع في الشارع من غير ما يتدخل ده لو مكنش مشارك
خلاص رضينا بحكم فاسد من غير ما نفكر نغيره
خلاص رضينا نتحكم بالحديد والنار
خلاص ادمنا السرطان والتهاب الكبد والفشل الكلوي
خلاص اترمينا في دوامه العيال والدروس وكروت الشحن
خلاص اسلامنا بقي حجاب وصلاة جمعه وصلاة عيد لو صحينا بدري
خلاص اعتمدنا علي الرشوة والمحسوبيه والشاي بتاعي وحلاوتي يا بيه
خلاص نسينا فلسطين والمسجد الاقصي
خلاص اتعودنا علي المهانه و الذل بره البلد وجوه
خلاص شبابنا ياما في المعتقل ياما تايه من المخدرات يا ما بيدور علي شغل ياما واخدها عوم لايطاليا
شكلها كده خلاص
شكلها باظت
تحت بند
يحدث في مصر
هناك ٦ تعليقات:
انا حاسس انك مصدوم
هو انت اتفاجأت باللى فى البلد ولا أيه يا محمود ؟
بالراحة على نفسك شوية
لن يغير الله مايقوم حتى يغيروا ما بأنفسهم
يعنى زى ماقال صلاح عبدالصبور
انفجروا أو موتوا
إن الله لا يغير ما بقوم
حتى يغيروا ما بأنفسهم
---------------------
دا بس اللي هقوله
!!!!!!
هو انت كنت نايم ولا ايه؟
هى مبظتش دلوقت
هى باظت من زمان
بس لازم احنا نعمل حاجه عشان نعدلها
ربنا يسترها علينا
طبعا محمود
ما كانش نايم
وعارف من زمان
ان البلد بايظة من بدري
من قبل احنا ما ندرك الفساد
موجود قبلنا
بس هو خلاص زهق والكاس امتلأت وفاضت
كلنا بتيجي علينا اللحظة دي
لحظة بنوصل فيها لدرجة الغليان
وكل الالام اللي جوانا
اللي بنبقى متحاملين على نفسنا
ومخبينها جوانا
بتيجي علينا لحظة
ما بنقدرش
وبنصرخ
وبنقول لحد امتى
كتر المرارة على لسانا
بيخلينا نيأس من اننا هاندوق طعم الحلو تاني
فتخيلوا واحنا ما دقناش طول عمرنا
غير المر
دي لحظة يأس يا محمود
وان شاء الله
تكون انت اقوى منها
والامل يتجدد
لان في ناس كتير كويسة
وبتحاول تعمل حاجة
وزي ما احنا متفقين
لو احنا ما قدرناش نغير
نربي ولادنا على انهم
ما يخافوش
ونربيهم ونكبرهم علشان يغيروا هم
سلامي لك ايها الثائر
وان شاء الله مش خلاص
ولسه انت شفت حاجة ههههههه
السلام عليكم
شر البليه ما يضحك
انا عايزه اضيف خلاص كمان مزعلاني اوي
بلدنا مش موجوده علي الخريطه
:(
إرسال تعليق