الإنكشارية
حد سمع عن الناس الي فوق دول
الناس العاديه هيقولوا لا
الي تعبوا شويه في تاريخ ثانويه عامه هيقولك انا سمعت اسماء الناس ديه قبل كده
العباقره الي زي و جايبين 49 من خمسين في التاريخ هيقولولك الاتي
الانكشارية
هي فرقه عسكريه تم تدريبها من الصغر علي حمل السلاح والفروسيه والمبارزه وحجات تانيه كتير
وكانت السبب الرئيسي في قوة الدوله العثمانيه
تحول الانكشاريين الي قوة غاشمه يسرقون القروي والنجوع ويقتلون الافراد ويفرضون الاتاوات
محمد علي لما دخل مصر امر جنوده انهم ميقربوش منهم عشان السلطان العثماني ميزعلش منه
بعد فتره من الظلم محمد علي حب ياخد بنط عند الشعب المصري
فقال لجنوده انهم يمنعوا الانكشاريه من تنفيذ هذه الاعمال حتي لو وصل الامر لاستخدام القوه
انتهي الحال بالانكشاريه بمذبحه كبيره في استنابول سميت بالمذبحه الخيريه
.
.
الشرطه المصريه بتفكرني اليومين دول بالقوات ديه
بلاش نقول كل الظباط
جزء كبير منهم
بيفرضوا اتأوات واسالوا سواقين الميكروباص
بيعذبوا ناس وادخلو علي يو تيوب واكتبوا ظابط مصري وانتوا تشوفوا
بيقتلوا ناس سواء من كتر التعذيب او بالقصد
هي مصر لسه بلد الامان ولا خلاص بقت ملايانه انكشاريه
.
.
.
تحت بند
يحدث في مصر
هناك ٩ تعليقات:
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى
لكل زمن الانكشاريين بتوعه وان اختلفت الاسماء والالقاب وماتنساش ان فى شعوب كتير مكتوب عليها ان تحكم بالحديد والنار على مدى التاريخ
تحياتى
لا هما انكشارية فعلا بس فى لبس ديجيتال
حسبى الله ونعم الوكيل
السلام عليكم
يا استاذ محمود العيب مش على الانكشاريه او جهاز الشرطه العيب على السلطه اللى عملتهم اساسا وعلى راى المثل اللى يحضر عفريت وميعرفش يصرفه يتحمل اذاه وبالنسبه للشعب هاقول اللىعمل خده مداس يستحمل بهدله الناس واظن كده فكرتى وصلت
أشكرك على تعليقك على البولج بتاعى انا قرات بعض الحاجات اللى انت كاتبها وأكتر حاجة عجبتنى جداً انك بتكتب كل حاجة بصراحة ومن غيير خوف و كمان أنك حاسس بكل حاجة بتكتبها مش مجرد كلام والسلام
أتمنى أن نكون أصدقاء.
الغريبة انهم رغم هذا البطش الجبار الا ان عندما تأتي الى الواقع تجد ان جهاز الشرطة في مصر جهاز فاشل انظر الى انشار البطجة والعنف والمخدرات في شوارع مصر
بلاش
تعرف ان جهاز الشرطة المغوار فشل في ان يعرف حقيقة اختفاء نائب رئيس تحرير اكبر جريدة قومية في مصر
اسلام
عمر ما الظلم مهيترفع بالاسلوب ده
الحملات مبتعملش حاجه
سهر الليالي
بس الشعوب ديه رفضت الاسلوب ده في يوم من الايام
وحتي لو في شعوب موافقه
ليه احنا نوافق
مؤمن
حلوه اوووي في لبس ديجتال ديه
مصراوي
الدوله ليه مصلحه من وجود الانكشارين
بيعتقلوا المعارضين
يقفلوا صحف
وهكذا
بس انت معاك حق
ان احنا عاملين خدنا مداس ليهم
بس لازم في يوم من الايام نرفض الوضع ده
بنوته
انا علقت علي البلوج بتاعك علشان هو عجبني
ومرسيه اوووي علي الكلام الرقيق بتاعك عن اسلوبي
وبالتاكيد هنكون اصدقاء انشاء الله
زازو
بالتاكيد صح
لانهم بيهتموا بحمايه الرئيس والدوله
اكتر من حمايه المواطنين
يا نهار ابيض
يبقى التاريخ بيعيد نفسه و بيعتمد على ضعف ذاكرتنا ....
المؤمن لا يلدغ من جحر مرتين ...احنا بقى بنقوم من الجحر نقول هاتوا اللى بعده
تحياتي على ذاكرتك القوية
حلم
بالتاكيد بيعيد نفسه
وللاسف احنا عندنا زهايمر
إرسال تعليق