أعراض اكتــئاب واضحه
أنا من زمان عارف اني بحب مصر
بس يجيلي اكتـــئاب بسببها مكنتش اتصور
مشاكل في الشغل
سجائير كتير
قهوه كتير
اكل كتير
قله نوم
وبعد كل ده حال البلد زفت
أنا بحب مصر بس مش قادر استحمل الي بيحصل فيها
انا معتكف لحين اشعار اخر
او لحد ما البلد تتصلح
ايهما اقرب
تحت بند
تخاريف
هناك ١٥ تعليقًا:
اعتقد لحين اشعار اخر
هيكون اكثر واقعية
طبعا ان شاء الله البلد هاتتصلح
بس الموضوع متهيالي هايطول شوية
وانت حاول
ما تسيبش نفسك
للحالة دي
بدل ما تبتلعك
وتيجي تخرج منها ما تعرفش
حاول تخرج منها قدر الامكان يا محمود
وربنا يخفف عنك ان شاء الله
ويكون في عونك
محمود علي
مش هو ده الحل
احنا اللي هنصلحها ومش هنصلحها بالاعتكافات
واذا كان نفسك في مظاهرات تطلع في الشوارع تقولك ارجع من بكرة نطلع بمظاهرة
ياريت الاعتكاف و السجاير و القهوة الكتير حل، كانت بقت سهلة ،
فى وجه السياف و قفت شامخا
فى اعتراض على الظلم صامتا
فما كان من السياف الا قطع لسانى
دا مش اعتكاف أخ محمود
دا هروب من واقع
البلد دي جميلةأوي
لكن الاشخاص فيهم الحلو و الوحش
و الطيب و الشرير
طبيعة الانسان أخ محمود
هيا اللي بتتحكم في البلد
من اول الحاكم لحد أقل واحد فيها
مصر هتفضل مصر
بس احنا اللي المفروض نتغير
تحياتي و تقديري للجميع
مفتكرش انك لما تهرب وتعتكف حال البلد هيتعدل
لو بتحبها صحيح يبقى لازم نبدا بانفسنا
لازم نشوف ايه اللى المفروض نعمله عشان نعدل ميزانها
بلاش تهرب ولازم تواجه
لاننا لو كلنا هربنا يبقى عمرها ما هتتعدل
لا حول ولا قوة الا بالله اعتكاف ايه بس انت كنت هتعتكف بقيت عمرك
ياعم البلد عمرها ماهتتغير لو متغيرناش ابدأ بنفسك اولا
السلام عليكم
لا حول ولا قوه الا بالله
بس البلد دي تستاهل يجلنا اكتئاب بسببها
بس انا في راي ان تقعد شويه مع نفسك وتفكر ان دوله الظلم اكيد لها نهايه
واكيد بعد الظلمه في نور وثق في عدل ربنا
ومتثقش في شئ واحد هو انناممكن نعمل حاجه
وفكر ايه ممكن يغيرنا ويخلينا ناس بتحس وتقدر تعمل حاجه لبلدها كده هتفيد بلدك وهتفيد نفسك
وهتطلع من حاله الاكتئاب
تحياتي
هنعمل ذى النعامه اللى بتحط راسها فى الرمل من الخوف
اطلع يا ابنى من الاعتكاف
القادم اجمل
وبكره احلى
ويكفى انننى نعيش فى هذة الايام
ايه التشاؤم ده بس دى الايام الجايه سودا واللى بعديها اسود على راى الريس يعنى احنا دلوقتى فابهى وازهى العصور يعنى تفاءل تفاءل وحوش التشاؤم لبعدين
لا لحد ما تتغير كده هتاخد وقت طويل فى الاعتكاف
حقه علينا نعمل اللى علينا
أما النتائج فهى لله
اما نحن فعلينا السعى الدائم للعله تتغير ونسعد به
صديقى العزيز
محمود
السلام عليكم ورحمة الله وبركاته
يمكن يكون حال مصر يدعو ا للإكتئاب
بس لازم نكون خياليين شويه
عشان نقدر نحلم إزاى نغيرها
أتمنى إنك متغبش كتير
تحياتى
السلام عليكم
محمود
لا تحزن صدقنى كلما احسست ان الظلام اشتدد هذا معناه ان النور قرب على الظهور
لا طبعا ربنا مش حيسيب مصر كده وافتكر كل تاريخنا حتلاقيه-ان مفيش ظلم على مصر بيدوم
اه المرة دى طول شوية يمكن علشان الناس كانت ساكتة مابتتكلمش لكن دلوقتى بدا الصغير والكبير يتكلم والكل بقى مش عاجبه اللى بيحصل-لا بداخل مصر ولا خارجها -اكيد التغيير حيقرب
وربك فرجه قريب ولا تحزن بل اكتب واكتب واكتب عالج اكتئابك بإبداع فى الكتابة
وإزاى يهون عليك تكتئب وصحابك جنبك ومليين الدنيا لا كده مش حلو
يا اخى اهو احنا بنواسى بعضينا
وربك كبير لا يضيع حقوق المظلومين ابدا ويكفى ان انت مش لوحدك اغلب شعب مصر برده مش معاهم
ولك تحياتى
ودعوات ان تخرج من هذه الحالة سريعا
يا أخي نحن حتى لا نملك ترف الاكتئاب
فقط حاول ان تفعل لها شيئا قبل أن تلتهمها الذئاب
تحياتي و ربنا معاك
لأ لأ لأ
اكتب وفضفض
وان شاء الله الحال حايتصلح
وحايكون قريب
بس مش قريب اوى يعنى
لدرجه انك تستنى
لازم يكون اول سلاح معانا
هو الأمل
احنا فى ايام مفترجه كل سنه وانت طيب
اكثر من الدعاء
الا بذكر الله تطمئن القلوب
دوام الحال من المحال
ثق فى كده تماما
ربنا معاك
واتمنى اشوف بوست جديد
تحياتى لك
ايه يا أخ محمود ناوي تفضل كدة كتير؟؟؟؟
مش كفاية بقي ولا ايه؟
إرسال تعليق