اتمنى اشوفك عندي
انا مبحبش الكلمتين دول
(اتمنى اشوفك عندي, اتمنى اشوفك فى مدونتي, تعالي زورني )
هستناك
ده الكلام ده علي اساس انك ابت خالتي الي مقبلتوش من سبعين سنه
عايز تعلق اتهبب علق ومتكتبهاش
مش عايز براحتك
بس مش كل ماادخل مدونه الاقي واحد سايب تعليق
وفي الاخر يكتبلك الكلمه المشهوره
اتمنى اشوفك عندي
تحت بند
تخاريف
هناك ٧ تعليقات:
ده ياريت بيقفوا على جمله اشوفك عندى و بس لا دول كمان بقوا دلوقتى بيكتبوا بوست بحاله فى التعليق !!!!!!!!!!!!
يعنى انا بتفقع صراحه لما حد بيعمل كده
عموما انا اول مره ادخل مدونتك و ما اعتقدش انها هتكون اخر مره ليه هنا
يحيى اه قبل ما انسى احب اشوفك عندى
:))))))))))))))))))))
ههههههههههههههه أحب أشوفك عندى !.... جايز البركة بتحل ولا حاجة
... ما علينا
مش عارفة اقولك ايه بس احترم و جهة نظرك ممكن تسمع وجهة نظري
؟؟؟
طبعا قلت اه ...اوك
شوف يا سيدي الفاضل ...اللي بيقولك كده اما انه واحد شاف اسلوبك في الكتابة و احترمك من خلاله و حب يعرف رأيك في آراءه اللى هيه على مدونته و ده طبعا تقدير و احترام لك اعتقد انه يستحق منك تضييع و لو دقائق لزيارته
و اما انه يكون واحد بيدخل المدونة بتاعتك علشان يجذب جماهير و تعليقات عنده في المدونة و في رأيي حتى ده يستحق منك و لو دقائق انك تعرفه و اكيد هو مش هيضربك على ايدك علشان تكتب تعليق عنده لو ما عجبكش كلامه و كمان مش هيرهقك اوي انك تثبت حضورك عنده بطريقة مهذبة من غير ما تجرحه و ما تزوروش تانى لو ما عجبكش اسلوبه
بالراحة شوية على الناس يا أ/محمود فرب صديق لك لم تراه عيناك
تحياتي و بقولك ايه ....اتمنى اشوفك عندي هههههههههه
ايه يا عم محمود
مالك
انت عصبي اوي كدا ليه اليومين دول
وبصراحة انا مع رأي الحلم العربي
كل واحد له طريقة تفكيره واسلوبه
وكل انسان له عليك حق احترام وجهة نظره
مع احتفاظك بحقك في عدم الاقتناع
ويا حودة خلاص
ما تخلهوش يشوفك عنده
بس مش ممكن
يعجبك عنده وتحب تروح هناك بعد كدا
كل سنة وانت طيب يا عم الثائر
انا بتهبب اعلق عندك اهو
جره ايه يا عم حودة
انت كتبت وانت صايم
معلش معلش
ماترحش
قوله مش فاضى
مشغول
المشوار طويل ومعيش فلوس اركب تاكسى
لو تيجى توصلنى يبقى ربنا يكرمك
بس تاخدنى وترجعنى تانى
و رمضان كريم
تخيل انا برضه بكره اوى الكلمة دى بحسها نوع من انواع الشحاته
ياه انت كتبت بوستات كتيرة سورى بقالى كتير مدخلتش مدونات
ههههههههه بصراحة انا بتفقع هو اى نعم كل واحد بيحب يروج للمدونة بس ع الاقل يرد ع الموضوع مش يدخل يعمل كومنت مخصوص اتمنى تزورنى بحس انه بيرد تادية واجب يعنى ربنا يعافينا
إرسال تعليق