لقاء علي الهواء
استضافتني المذيعه هوندا لتسالني عن رائئ في موضوع ساعات النت والهبل الي وزارة الاتصالات عايزين يعملوه ودار الحوار الاتي
ما هو مدى أستخدامك للأنترنت ؟؟
ميل , بلوج , شات
كيف ترى هذى الحملة وما مدى تأثيرها على المستخدمين والمختصين ؟؟
الحملة ديه هدفها لم فلوس سعاتك
والقضاء علي الشبكاتك حضرتك
ومقاومه البلوجرين امثالنا
ما رأيك بقرار وزير الاتصالات الجديد ؟هل سيساهم بنشر خدمة الانترنت فى مصر ام هل سيؤدى الى تقلصها؟؟
هيخسف بيها الارض حضرتك
ما هى اسباب الوزير المعلنة والغير معلنة فى رأيك ؟؟؟؟
هي صورة مانا قولتلك قبل كده
صوت قلم جامد علي افه الزبون والكاميرا تتهز والمذيعه بتضحك
من هم المستهدفون بهذا القرار ؟
اي انسان بيقول رايه بصراحه في البلد
اي صحفي مش لاقي لنفسه مكان في جريده
المدونون الاخوان
المدونون عموما
الواد سيد زلموكه الي بيسرق شرايط عمرو دياب وينزلها قبل معادها
هل تهدف الحكومة من هذا القرار بتطبيق المبدأ العربى الشهير الا وهو فرض الوصاية على هذا الشعب القاصر ( من وجهة نظر الحكومة ؟
ينظر الظابط الي المواطن نظره طويله
وهو يمسك عصايا مقشه في ايده متوعدا
يقوم المواطن برفع كمر البنطلون الي اعلي في حرص ويقول
يا سعاده حضره المدمازيل وفيها ايه يعني لما الحكومه تمارس حقها الشرعي في انها تحافظ علينا
اما انك مذيعه غلسه صحيح
كيف ستتراجع الحكومة عن قرارها ؟بالضغوط الشعبية والتفاعل الحيوى للمتضريين من الشباب والشعب؟
مش هتتراجع
وانا هو وانتي اهو
كيف تصف هذا الحدث ؟؟
كتر الحزن يعلم البكاء
هل يستحق وزير الاتصالات الائتمان على أمن مصر المعلوماتى وصناعة التكنلوجيا بمصر؟؟؟بعد ان أثبت سوء نيته و مشروعة الذى يهدف الى تدمير البنية التحتية لصناعة المعلومات فى مصر؟؟
بالتاكيد يستحق
عيش ندل تموت مستور
ماذا تتوقع من تفاعل هذى الحملة عالميا وعربيا ومحليا ؟؟؟؟
زوبعه في فنجان
ولا هتاثر
ما هو الحل فى رأيك ؟؟
نقعد في بيتنا نستنا القضاء المستعجل
هل ترى ان نجاح الحملة يتمثل فى:1- - اقالة الوزير الجاهل بمعايير صناعة التكنلوجيا ومواكبة التطور2- التراجع عن القرار فقط3-وضع نظامين تحت بند اختيارى
ولا حاجه من دول
لان الحمله مش هتنجح
ماذا ترى فى المناورة الاخيرة للحكومة تحت ضغط المرحلة الأولى من الحملة ؟؟؟؟
الحكومه المصريه بتتاعمل مع الشعب المصري بمنطق اهدا علي الرز
سيبوهم يجعجعوا وهنعمل برضه الي احنا عايزينه
الظابط يقترب من المواطن
المواطن يمسك حزام البنطلون وتجيله حاله هووووس ويزعق وهو بيجري
بلاش العصايا والنبي
تحت بند
تخاريف
هناك ٧ تعليقات:
انا معاك رغم انك مش معاهم
الحوار جميل والأجابات صادقه
بوست رائع
تحياتى وسلامى
حسبي الله ونعم الوكيل
هيدفنونا بالحيا يامحمود
:(
الله يخربيتهم
ربنا ع الظالم والمفتري
معاك ساعة نت سلف ربنا يوقفلك ولاد الحلال ويكرمك يارب
:))
مين اللى قال انها مش حتتراجع
احنا وراها والزمن طويل
جزاك الله كل خير
السلام عليكم
كلمات
مرسيه ان ك معايا
ويريت كل المصريين يبقوا مع بعض ايد واحده
فنان
هسلفك ساعه واحد عشان انا معيش غير ساعتين
ساعه تروح وساعه تيجي
الله يخرب بيوتهم
عايزين يجنونوني
مؤمن
يارب يا مؤمن تتراجع
بس انا مش متفائل
محمود
لا ما ينفعش كدا
طيب لما تسلف فنان فقير ساعة وانت تاخد ساعة
انا اعمل ايه
شوف انت بقى تسلفني نص ساعة
وهي تديني نص ساعة من الساعة اللي انت سلفتهالها
وكفاية علي كل واحد فيكم نص ساعة
مش الشحات له نص الدنيا
انا بقى لي نص المقرر
يا محمود
مالك متحامل على الناس كدا
دول قصدهم خير
وان الناس تنام بدري وتركز في اشغالها
انا بس صعبان على الواد سيد زلموكة
وحقيقي
عيش ندل وجبان وامعه
تموت مستور
حاسة اننا هانطلع من عندك
على .....ولا بلاش يجعل كلامنا خفيف عليهم
ههههههههههه ايه المتخره دى اجابات تحفه لو وانا كنت هقلك ابقا رد فى المدونة الاصليه عشان الردود دى هتترجم وتتنشر استخبى يابنى بقا هههه
ما علينا
يا فندم حضرتك تؤمري
ساعه الاربع كمان
بس فنان ممكن متوافقش
هوندا
استخبي فين
لو عايزين يجبوني هيجبوني
بس انا لسه في الامان
يمكن لو لغبطت شويه تاني
اتجاب بجد
إرسال تعليق