شكرأُ
انا كنت هكتب البوست ده باللغة العربية
بس لما كتبته معجبنيش
حسيت اني بظبط مشاعري عشان تتحول لكلام وده غلط
قول الي جواك مهما كان طريقته
خاصة لو انت بتحب
************************************************************************************هو انا بحبها ليه
يمكن لانها حنينة عليا اوووووي
يمكن لانها بتبصي لي بنظرة مشفتهاش في عين حد قبل كدة
أحتمال عشان بتحس بالي جواي من غير ما اقوله
يمكن عشان مستحملاني بقالها حداشر سنة
عشان كل ما نتخانق متعرفش تبعد عني
عشان محتجاني
عشان بتحبني
عشان بتوجهني لما اكون غلطان وكمان بتوجهني بطريقة متضايقنيش او تزعلني
انا مش بدور علي سبب حبي ليها
انا بس حبيت اقولها
,,, شكراًً
تحت بند
الحب وسنينه
هناك ١٩ تعليقًا:
يالهوى عليك 11سنة ولسه فاكر دلوقتى تتكلم عنها حرام عليك
عموما تخيل انت فعلا بقيت دلوقتى اكتر تفاؤل بكتير
سلامى للى صابرة عليك ده كله
رنا يخليهالك
البرنس حوده
عارف اكتر حاجه عاجباني في مدونتك ايه
اسمها
مش معنى كده ان مواضيعك مش حلوه ولا حاجه .. بالعكس والله
عليك شوية مواضيع .. حلوه حلوه يعني
بس انا مش معاهم دي عاجباني قوي
بس سوري .. انت في البوست ده كنت مع مين؟؟؟
يعني في الاول قلت انك هتكتب الموضوع باللغه العربيه الفصحى لكن حسيت انك بكده هتهتم لغويا على حساب المعنى
هنا بقى قريحة الشاعر يابرنس
انه يقدر يمسك العصايه من النص
يقول اللي حاسس بيه .. وبلغه سليمه
بيني وبينك .. انا زيك كده برضه
باكسل ادور عالمفردات المناسبه واسيب احساسي هو اللي يقول
وبحب العاميه في الحياه عن الفصحى في الكلام
بس بيني وبينك برضه .. اللي انت بتحبها 11 سنه دي .. ماتستحقش انك تتعب شويه عشانها وتقول عن مشاعرك معاها اكتر من السطرين تلاته اللي انت اتكلمت فيهم دول
؟؟؟؟
فاهمني يابرنس .. ولا ايييييه
سلامووووز
الله
بجد حلوة
فعلا مش مهم اللغة اللى هتتكلم بيها
اد مامهم تقول اللى فى قلبك
بجد جميلة
عجبنى تعليق ياسمين جدا وضحكنى الصراحة
اوى
تحياتى ليك ياباشا
دوحة
بص اتكلم من القلب
هيوصل كلامك للقلب
وهيكون أجمل ويوصل بسرعه لو رحت قلت لها الكلمتين دول
أكيد هتسعدها
ربنا يوفقكم
المحب محمود
بصراحة
انا بعد البوست اللي انت صرحت فيه بحالة الحب الجميلة اللي انت عايشها
اللي ربنا يديمها عليك يارب
جيت لقيت بوست فقدان الخصوبة دا
بصراحة يا عم محمود احبطتني
وما ارضيتش اعلق مع اني قريته
اصلي كنت جاية مسستمة نفسي
اقرا رومانسي
بس طبعا البوست جامد وقوي
قلت اجي بقى واعلق وانا عارفة انا جاية لايه
جيت بقى وكانك مش عايز تكسر بخاطري
ولقيت البوست الجميل دا
اد ايه جميل لانه طالع كدا من غير تظبيط ولا اي حاجة
طالع من قلبك
فبصراحة
بيني وبينك يعني معقولة اسيب دا
واروح عند ملوثات وفساد والهم دا كله
هوالفساد هايهرب هايروح فين
ياما هاتتكتب عنه
وعلى فكرة يا محمود
يا مفتري يا قادر
هي اكيد
حاسة بحبك دا
اللي يخليها صابره عليك 11 سنة
ليه كنت في مدرسة المشاغبين ولا ايه
ربنا يوفقك يارب
وتقدر تسعدها
حافظ عليها يا محمود
وحبها اوي
ربنا يسعدكم يا رب
وشكرا الف شكر
مني ليها
انها كشفت لنا هذا الجانب منك
سلام يا عاشق
محمود جميل ما شعرت به
وعبرت عنه بمنتهى البساطة
هو ده الحب الحقيقى
و بعد كل الأسباب اللى إنت قولتها
مش عارف بتحبها ليه
علشان كل اللى قولته
كفاية للحب واحد او اتنين من بين
ماذكرت
لكن مع كل ما قولت
تمسك بها مهما كانت الظروف
و ربنا يجمعكم قريبا معا
ودعائى لك بدوام حبكما
وتحياتى لك ولها
اسمحولي ارد المره دي بدل محمود شكرا جدا على دعوتكم لينا وعقبالكم جميعا وعلى فكره انا بحبه جدااااااااااااااا
البنوتة الي كاتبة الكلام الي فوق ده
تبقي خطيبتي
ياسمين
*****
عجبها اوووي تعليقك
اهو ده الي كنت خايف منه
هيتعمل عليا حزب
سووو
****
ياباشا انت الي برنس كبير
مرسيه علي الكلام الجامد ده
اخجلتم تواضعنا
طبعا انا متفق معاك في موضوع اللغه
الي نفسك فيه قوله
وموضوع العصاية ده مفكرتش فيه
لاني كنت عايز اظهر مشاعر اكتر منها كلمات
فاهمك يا برنس
دوحة باشا
*********
تحياتي ليك يا معلم
ومرسيه علي تعليقك
سلوي
*****
مرسيه
الحمد لله هي عرفت وقرت وسمعت
ربنا يخليكي
جميلة
*****
انا مش عارف ارد علي كلامك اقول ايه
اخجلتم تواضعنا يا فندم
بس مفيش مشكلة
لو كان فية شويه نقد
وشويه حب
عشان حبي يستمر
لازم احاول اعالج بلدي الي اتغيرت كتير اوووي عن زمان
وبالنسبة ليها هي
ربنا يخلهالي واقدر اسعدها زي ما بتسعدني
ESMAT
*****
الحمد لله انا بحبها ومتمسك بيها
مرسيه علي دعوتك الرقيقه
11 سنه
ربنا يكون فى عونك
يارب اعبال ما تكمل النصف قرن
ايه يامحمود؟؟؟؟؟
هو الموضوع
officialy confirmed wala eh?
شوفت عشان تبقي تسمع الكلام بعد كدة علي طول
يابني البنات دول غلابة أي حاجة ترضيهم خصوصا لو كانوا بيحبوا
وخصوصا الغلبانة اللي مستحملاك 11 سنة دي
دي ليها الجنة ياراجل
:))
ربنا يسعدكوا يارب
لو الموضوع بقا رسمي قولي بقا عشان عايزة أعملكوا الفرح عندي في المدونة
مستنياك تقولي
ربنا يخليكم لبعض
ولو لسه ما اتجوزتوش
ابقى اعزمنا على الفرح ياعم
سلام الله عليك يا محمود
11 سنه ؟؟
يابني ربنا معاها بجد
هههههههه
لا بس حلو قوي انك عايز تشكرها
حلو قوي انك بتقولها شكرا على كل ده
محمود
.
.
اجوزووووووووووووووووووووووووو
يالله بقا مستنيه اسمع احبار حلوه
زيــزي
على فكره انت رقيق جدا ومشاعر ارق منك
جميل اوى ان الواحد يقول لحبيبته شكرا المهم تقولها فى وشها تروح وتقولهالها فعلا ساعتاه مش هتحبك بس دى ممكن تعملك من البحر طحينه
بوستك هايل
على فكره موضوع 11 سنه فى ناس اعرفهم برده قربوا يعنى على 10
يعني في الآخر طلعت خطيبتك ربنا يخليهالك و يسعدكم مع بعض على طول
و على فكرة مش مهم طريقة الكتابة المهم الكلام يوصل
معلش سؤال
أنا شايفة في البروفايل بتاعك إنك عندك 22 سنة و إنت بتقول مستحملاك 11 سنة يعني هو إنت خاطبها من أمتي بالظبط
D:
يا بختها بك يا سيدى
ربنا يهنيكم ببعض
بس اوعى يكون الكلام على مصر والحاجات دى
ازعل منك
يا رب تكونوا من نصيب بعض
وعقبال كل الشباب
سلام
الصقر الجارح
***********
يارب
وباذن الله يكونوا نص قرن
فنان
*******
بالتاكيد
انا من كتر ما فرحت بتعليقك رديت عندك في المدونة
ربنا معاكي في الامتحنات
محمد
****
هو لسه
وباذن الله في الفرح هعملوه فيديوا كونفرانس عشان كلكم تبقوا معايا
MEEKNESS
*********
وعليكم السلام
ربنا معاها ومش معايا يعني
والله شكلي هيتعمل عليا حزب
انشاء الله هيبقي في جواز واخبار حلوة
سندريلا
*******
مرسية علي رائيك الجميل ده
لو فعلا في حب هيكونوا عشرة وحداشر وخمستائر كمان
مدونة تحت العشرين
****************
احنا نعرف بعض من سنة تانية اعدادي
والحب من تالتة اعدادي
وانا دلوقتي مخلص جامعه من سنة
احسبيها هتلاقيها حداشر سنة
ابوسويلم
********
لا متخفش مش علي مصر
بس انا بحبها زي ما بحب مصر
وعقبالك باذن اللة
واحده فاهماك اوى
كده ومن 11 سنه
طبيعى تحبها
ربنا يديم المحبه
ويسعدكم ومن القلب
للقلب رسول
إرسال تعليق