أسبوع
أسبوع يا جدعان
اسبوع واحد وحال البلد اتشقلب
المصحاف الي كانت في الموصلات اختفت
الهدووم اتضيقت والجيبونات طلعت لفوق
الحجاب طار والشعر هفهف
الشتايم وسب الدنيا والدين بقوا زي اللبان
الجوامع فضيت والقهاوي اتملت (علي الرغم انها كانت ملايانة برضه في رمضان)ا
راحوا فين الناس الي كانت ماسكه المصاحف
راحوا فين البنات الي اتحجبت
رحوا فين الناس الي كانت بتعيط في صلاة التهجد والتروايح
سبحان مغير الاحووووال!!!!!!!!!!!!!!!!!!!!!!!!ا
تحت بند
يحدث في مصر
هناك ١٨ تعليقًا:
اسلوبك زى السكر
وبالنسبة للتدوينة
لا تعليق
مش عارفة محستش بتغيير كبير اوى بعد رمضان لان الحاجات دى كنت بشفها عادى فى رمضان كفاية الجامعه لوحدها واللى فيها حتى كنت بقول لاصحابي تقريبا رمضان طلع عندنا احنا بس موصلش لسه للناس دى يمكن اللى اتغير المصاحف معدتش موجودة فى المواصلات مع انى عمرى مبعمل كده بحس انه فيه رياء شوية ده غير انى بحب اتأمل وكمان لاسباب تتعلق بالنظر الضعيف اللى عايز مصحف كبير علشان يشوفه الكلام وبمان انى بحب الشنط الضغننة اللى مش بتكفى حاجة فعمرى مااقدر اشيل مصحفى فيها
عموما ولاتزعل نفسك هو حال الدنيا كده
يبقى إنت أكيد في مصر
تحياتي
سلام الله عليكي يا محمود ياللي انت ةدايما مش معاهم
فعلا انا لاحظت ده
اكتر حاجه البنات الي شويه تاني هتخرج من هدومها
و اما كانتش خرجت بالمحزق و الملزق
بجد حسبي الله و نعم الوكيل
ز ربنا يهدي
تحياتي
.
زيــزي
كل سنه وإنت طيب
مع إنها متأخره
إنت عارف الأخطر من كده إيه إنهم يبقوا فى رمضانالايمان شادد عليهم وعارفين غن بعد رمضان الامور هترجع زى الاول
يعنى الاصل هى السوء انما الى بيحصل فى رمضان هو دا الاستثناء
الناس كانت ماشيه تقول إمتى رمضان يخلص
وبعدين ياعم سيب كل حاجه خلى الشعب يعيش
ومش ها أقولك تعالى زور المدونه عشان متزعلش
محمود ..
لما تلاقي الشعب بيتحرك كأنة روبوت او انسان مغيب حياتة ماشية بروتينية معتمدة علي الوقت
يبقي انت اكيد اكيد اكيد في مصر
و برضة لما المظهر و عيشان الدور تقمص شخصية غير الحقيقية و النجومية اللي الناس بتتعامل بيها و دي موضوع لوحدها
يبقي انت برضة اكيد اكيد اكيد في مصر
و لما شاعر زي علي سلامة يكتب و يقول
كإننا في حالة حصار
شكلنا الصبح
زي شكلنا آخر النهار
و الدنيا برد
زي الدنيا حر نار
عرفت إيه معنى استعمار
من غير مدفع ولا عسكري
و محدش ياخد باله اصلا
يبقي اكيد اكيد انت عايش معانا برضة في مصر
احسن حاجة عملتها يا محمود انك مش معاهم
عادي
بس كويس انهم خدوا خطوة في رمضان
ربنا يهدي بجد
و اللهم اعلم الهداية امتي
دايما انا كنت معترضة علي النقطة دي
الحجاب في رمضان
و قلعه بعد رمضان
بس فعلا ليه لأ
خطوة في رمضان كويسة
ممكن تؤدي الي قرار دائم بارتدائة
علي فكرة كلنا
أو كتير منا
بياخد قرارات و بيرجع فيها
صح ؟
!!
تقديري
كل سنة وانت طيب يا عم الثائر
اومال هم بيقولوا كل سنة وانت طيب ليه
يعني وعليك خير بقى رمضان الجاي نبقى نقلب ديني
بما ان في مظاهر كتير غابت من رمضان
كان مظاهر ممتعه
الناس بتبتكر ويعملوا مظاهر خاصة برمضان
منها الحجاب للبنات
والمصاحف بقى للكل
والصلاة والتعبد
بس ادينا بنقول لعل وعسى ربما في عدد غير يسير
بيتمسك بالتغير دا وبيحافظ عليه لما بعد الشهر الكريم
كل سنة وانت طيب
يا محمود
حرية الفكر والابداع
----------------
مرسيه علي رائيك
وبالنسبه للتدوينه
لاتعليق
ياسمين
-----
الجامعه ديه حوار تاني اوعي تتكلمي عليه
ده انا كنت معدي بس من قدامها في رمضان
كنت هعيط من مناظر البنات والولاد
الاستاذ
-----
اكيد انت في مصر
meekness
--------
مصدقوا رمضان خلص
وقبل ما يخلص والله
سي السيد
--------
وانت طيب وبخير
المفروض فعلا العكس
الطبيعي انك تكون ملتزم في الحياة
والتزامك يزيد
في رمضان
اخر
---
بس لحد امتي هنفضل كده
عمرنا مهنتغير
هنفضل ماشين عاشين اكل النهارد
وتامين بكره وبس
ولاء
------
منكرش انها حاجه كووويسه
بس لو مكملوش بعديها هيبقي اسمه رياء\
وبعدين التغير يحصل خلال شهرين
شهر
مش بعديها بيومين
جميله
-----
وانتي طيبه يا جميله
بس كده يا جميله غلط
الواحد مينفعش يمشي علي سطر ويسيب سطر
ياتحجب يا متحجبش
محمود المشكلة في الدماغ المبنية بأسلوب عشوائي لا باين فيه قاعدة من مبدأ من منطق .. فطبعا السلوك بيطلع غلط تماما
تعالي نحاول نبني دماغ صح .. مش انا و انت طبعا لاني متاكد اننا قطعنا شوط كبير .. بس خد بالك لما تيجي تظبط دماغ حد اول حاجة لازم يتعلمها ان الي هيحصلة دة الطبيعي اللي كان المفروض يحصل من زمان لان الناس لما بتحس انها اتغيرت بتتعامل أنها نجوم سينما و كدة يبقي ولا كاننا عملنا حاجة و لنا في هذا حديث
تحياتي
متفقين يا عم محمود
انا بقول ان في عدد من اللي بيقلب ديني في رمضان
بتكون الهداية من نصيبه
وبيثبتوا ومش بيخلعوا الحجاب مثلا
او بيبطلوا صلاة
وطبعا حكاية الناس اللي بتعمل مظاهر التزام لرمضان بس
وباقي السنة فري
طبعا غلط
ودول اللي بيطلق عليهم
عباد رمضان
ربنا يعافينا
السلام عليكم ورحمه الله وبركاته
انا هسمي مدونتك
مدونة كل ما هو مختلف
لان كل مره بدخل احس باختلاف وبلاقي مواضيع تختلف كتير عن المواضيع اللي بنتكلم فيها
اما بالنسبه للبوست
فدوام الحال من المحال
اقسم بالله كنت بشوف مناظر في رمضان
متقدرش قدمها غير تقول ان لم تستحي فافعل ما شئت
لو غيرنا الناس
الناس مش هتتغير بعد رمضان
وفي الاخر ربنا يهدينا كلنا
معاك حق والله
الحكاية دي محيراني من زمان
الناس كأنها بتستني رمضان يخلص..علشان تنطلق
بس الانطلاق بيوسع منهم قوي
تحياتي
هما الناس د ى
راحت مشوار ورجعين رمضان الجاى ان شاء الله
والله مبد ع اخي محموووود
تسلم الأ يدي
انا لسه جديد
بس اتمنا يكون لي مكان
معكم
نحيا تي
معاك حق
ربنايهديناجميعا
كل سنه وانت طيب
اخر
-----
انا منتفق معاك طبعا ان الدماغ مبنية غلط
بس المشكله انهم مش شايفين انهم الي بيعملوه ده غلط
ما علينا
----------
كده متفقين طبعا ومفيش اختلاف
بس انا الي بيضياقني
هي سرعه التحول الي النقيض وده الي انا نقاشته في موضوع المخدرات
بووووسي
---------
المناظر بقت كتير اوووي بووسي
سؤاء رجالة او ستات او بنات
لو مقدرناش نغيرهم بيدينا
ادينا بنحاول بلسانة
مرسيه علي المقدمةالرقيقه
دكتور روفي
---------
من ناحية بيوسع فهو فعلا بيوسع
بس بيوسع بسرعه اووووي
زي ماانت قولت
كانهم مستنين
احمد هيكل
--------
ربنا يخليك
بالتاكيد ليك مكان
اي انسان محترم وبيحب بلده لازم يكون ليه مكان
كلمات
-----
وانتي دائما طيبة
إرسال تعليق