انساتي المحترمات
شكرا
علي وقتكم الكريم الي قضتوها وانتوا بتردوا عليا
بس للاسف انتوا مفهمتوش قصدي صح
البوست الي فات
لو كان المفروض تخرجوا منه بمعاني
فكان المفروض تفهموا منه اني متحيز للسيدات مش للرجاله
انا عمري ما قلت ان سي السيد اخلاقياته سليمه
بالعكس انا قلت ان تصرفاته مشينه
وكمان قلت ان امينه مستسلمه
ربنا لما فضل الراجل علي المراة بغض النظر عن الابعاد الجسمانيه والنفسيه
فضله او قومه علشان هو اقدر علي تحمل الاعباء من المراة
فضله لان جنس خشن ممكن يستحمل
انما الست فهي كائن ضعيف رقيق مهمته زي ما جبهه التهييس بتقول
الست عليها مسئولية تصنيع بني ادمين وهو واجب عليه القيام عليها يعني خدمتها عشان تتفرغ هي للمسئولية دي
عمر مكانت القوامه بالفلوس او بالقوة,,,,, القوامه هنا قوامه عقل واهتمام ورعايه
بالتاكيد في رجاله كتير بتستخدم القوامه ديه غلط
بس كمان في ستات كتير بترفض القوامه ديه اي كان شكلها
بلاش نتكلم عن اسباب الرفض ده
علشان هنقول ان الست نزلت تشتغل علشان تساعد جوزها والبيت والعيال والهم المتلتل
او علي رائ جبهه التهيس
ايام لما كان في رجاله
الحقيقه يا نواره ان احنا الاتنين او بمعني ادق الرجل والمراة
بنرد علي بعض بنفس الكلام
انتوا بتقولوا لما كان في رجاله
واحنا بنقول
ايام مكانت الست بتقعد تحت رجل جوزها بالطشت
هنقعد بالكلام ده ندور في حلقه مفرغه
مبيخسرش فيها غيراولادنا وبيوتنا
الاتهمات المتبادله كتير وعمر محد فينا هيكسب
لو انتوا محتجنا قيراط
احنا محتجنلكم اتنين واربعين قيراط
انا كل وجهه نظري
ان اذا التزم كل طرف من الطرفين بواجباته والتزامته الي ربنا خلقها عشانه هيلاقي نفسه اوتماتيك
بيودي واجباته تجاه الطرف الاخر
غير كده الاتنين هيدخلوا حرب هيكون اخرتها خساره للطرفين
