المشكله مشكله يوووزر(3)ا
أتكلمت مرتين قبل كده عن موضوع الكروت الذكيه الي الحكومه بتحاول تطبقه في شتي انحاء حياتنا الكريمه
زي الكروت الخاصه بالميه والكهرباء والعيش والمواصلات انتهاء بالحمامات العامه الي عملوها فعلا بالكروت الذكيه
المره ادي مش هتكلم بسخريه او احاول اتريق
هتكلم بمواضوعيه وهدوء من غير انفعلات
سوال واحد
ليه الحكومات بتستخدم الكروت الذكيه؟؟
علشان تحاول توفر من الايدي العامله الي عندها
عن طريق تقليل العماله في التحصيل والخدمه وودفع الفلوس
يعني بدل ما يكون عندي كذا شباك لتحصيل الفلوس وواحد تاني علشان الدمغه وواحد تاني علشان مش عارف ايه
نوفر كله ده ويكون شباك واحد يبيع كروت والخدمه تتوفر للجميع
حلو الكلام
سوال اتنين
هل احنا عندنا في مصر عماله قليله علشان كده احنا بنحاول نوفرها؟؟
لا
هل احنا في مصر فعلا بنستخدم الكروت الذكيه بطريقه مظبوطه؟؟
لا
هثبتلكم كلامي بمثال بسيط
لو انتوا بتنزلوا وسط البلد هتكتشفوا انهم عملوا مشروع عبقري علشان العربيات تركن في الشوارع
مكنه ظريفه تحط فيها الكارت تقوم مطلعه دراع حديد لحد ما ترجع وتاخد عربيتك وتتحاسب بالساعه
المفروض ان ميكونش في اي تدخل بشري لان الموضوع بقي محصور بينك وبين المكنه
لكن بما اننا في مصر
هتلاقي شاب غلبان طالعلك من تحت الارض لابس افرول اصفر ويقولك الكلمه المشهوره الي حفظها نص زوار وسط البلد
معاك كارت يا باشا
طبعا هتقوله لا
هيقعد يشرحلك نص ساعه عن الكروت وفائتها
وفي الاخر لو اديتله اتنين جنيه في ايديه هيسيبك ويدخل كارت من عنده
فين بقي التكنولوجيا الي هنا
فين احتياج الانسان اساسا لي نوع من انواع الكروت الذكيه
كان ممكن الموضوع يتنفذ من غير اي كروت ذكيه اوغبيه
بس تعمل ايه بقي في بلدنا
عموما انا قررت ان الي يدخل المدونه بعد كده لازم يكون معاه كارت ذكي
هتلاقيه عند عم ذكي البقال الي علي راس شارعنا
تحت بند
يحدث في مصر
هناك ٤ تعليقات:
عاجباني أوى طريقتك اللى بتموت مالضحك,إنت حكاية. بس ياسيدى أنا بختلف تماما معاك,محدش قال إن الكروت الذكية عشان تقلل العمالة ولكن لتيسير الإجراءات والروتين,بتمنى إن كل الإجراءات تبقى الكتروبيةاو بكروت,إنت مش معانا واللة إية
تانى بهنيك عالبلوج الرائع
العيب مش فى الكروت,المشكله فى سذاجه التنفيذ وعدم المتابعه زى منتا وضحت
شكرا
طبعا انت عندك حق
من اهم اهداف الكروت الذكيه توفير الاجراءت والروتين
بس انا قصدي المضمون العام
لانك لو قللت الاجراءت هتقلل الموظفين او توجهم لشغل مختلف
مرسيه ياباشا علي رائيك الجميل فيه وفي البلوج
انا مع ابو علي علي فكره المشكله هي عدم المتابعه
تحياتي
إرسال تعليق