خالي فرج
خالي فرج راح الجيش
راح يحارب اليهود
سمع كلام الرئيس لما قال انه هيغرق اليهود في البحر
ساب ارضه وبيته ومراته الي لسه ابنها مشفش النور وراح يحارب
خالي فرج مرجعش لحد دلوقتي
قالولنا مفقود
وناس قالوا مات
وناس قالوا انه اسير
خالي فرج مرجعش
وحياتك يا خالي ما هسيب تارك
وحياتك يا خالي ما هسلم
وحيات دمك الغالي الي روي ارضك ما هسلم
تحت بند
تخاريف
هناك ١١ تعليقًا:
لا الكلام ده مش تحت بند تخاريف
ده تحت بند الحقيقة اللى الكل عارفها وبينساها .. او بيحالوا ينسوهالوا بالعافية
بيحالوا ينسونا تارنا ودماء شهدائنا اللى لسة بتروح لحد دلوقتى
لنا الله بجد
تدوينة رائعة بجد جزاك الله خيرا
تحياتى
لأ عارف؟
أنا فعلا ممكن أعمل تحالف قوى شمال مصري معاك لأني كمان حاقد من جوه على الكلب دة
دا كان رئيس نتن بصحيح
و قال كان بيناور و بعدين دخلت ف حرب
طب في رئيس ما بيتوقعش نتيجة تصرفاته قبل ما يعملها؟
فعلا كل رئاسة بتيجي من ورا ثورة أو حكم عسكري بتفشل
و قال بعد كدة طلع يدمع و يعيط و يستقيل
ما يستقيل بروح أمه حد كان قاله اقعد؟
العيب ف الشعب المصري الطيب لدرجة الهبالة
و هوا دا نفس اللي بيعمله بوش بقواته ف العراق
بيبعتهم يموتوا أو يتشوهوا
كفاية كدة أصل السياسة دي بتخنقني
ملحوظة:
قرأت بوستاتك القديمة كلها
بيعجبني فعلا أسلوبك الحاد و المميز لبوستاتك ، طريقة كلامك تليق بواحد متمكن جدا و واثق
معلش بقا أنا غلس شوية بس أصلي بدرس دلوقتي بارابسيكولوجي
ثواني
يعني انتا فعلا قلقان على تربية العيال؟
يا عم محمود مش أما نبقى نتجوز؟
فعلا المدونات دي طلعت كبت كتير و أنا منهم عادي يعني
احنا من صغرنا بنتربى على العيب لكن ما بيقولوش لينا دا عيب ليه؟
و لا بيدونا إجابة مقنعة ليه العيب بقى عيب؟
الولد المؤدب ما بيعملش كدة و بس
مينفعش نسيب تار أجدادنا
هو ده اللى عايزينه أعدائنا اننا ننسى اجدادنا كانوا أسود ازاي علشان نبقى قدامهم معيز فيعرفوا يغلبونا
ربنا يستر و الجيل اللى جاي ما ينساش أجداده
تحياتي
يمكن احنا مش هنسلم، بس فيه ناس تانيه كتير سلمت
وسلمتنا معاها
عامة مش هنسلم
تحياتى
السلام عليكم
انسانه
الكلام ده يمكن بالنسبالي وبالنسبالك مش تخاريف
بس بالنسبه لناس كتير اوووي تخاريف
اولهم روسائنا
محمد فوزي
انا معترض مع جمال عبد الناصر في نقط كتير اووووي
بس مسمحش انه يتشتم او يتقال عليه كلب
مهما كان الي عمله فهو كان رئيس لمصر
و معملش فينا زي ما حسني بيعمل
الحلم العربي
للاسف كتير منا بقوا معيز
سلموا وباعوا وخانوا
بس الي ممكن اقولهولك اني مش هنسي
ولو مت مش هخالي ولادي ينسوا
اسلام
عمرنا ما هنسلم
مينفعش نسلم
لازم ممنساش
لان الي ماتوا دول اهلنا واخوتنا ورجاله مصر
شكرا يا رجاله وبنات مصر علي الردود
انا سعيد جدا ان لسه في بلدنا رجاله
وبنات زي القمر
مش ناوين يسلموا
الله عليك يا محمود
هاقولك ايه
لنا ربنا
ولنا الامل في اننا واولادنا نقدر نغير
اوضاع البلد اللي بنحبها
وان شاء الله نقدر نغيرها ونطهرها
مش هاطول عليك لاني داخلة على امتحانات دعواتك بقى
وبعد الامتحانات
نبقى نقلبها حوار ان شاء الله
سلام ايها الثائر
ما علينا الي دائما منوراني
هتتغير
اوعدك هتتغير
هتتغير بيدك وبيدي وبيد كل شباب بلدنا
وبكره هنشوف مع بعض
أول زيارة لمدونتك، وإن شاء الله ما تكنش الأخيرة
أولا عاوزة أشكرك على زيارتك لمدونتى، وأسفة إذا كنت أتأخرت لأن أنا لسة شايفة تعليقك النهاردة
عاوزة أشكرك كمان على البوست اللى نشرته فى مدونتك ( لست إخوان)
ومش حنسيب تارنا ومش حنستسلم علشان خالك وعلشان كل مصرى راح ولا رجعش، وعلشان الأسرى اللى اتقتلوا غدر
وهو فى حد برضو يسمع كلام الريس
الله يرحمك يا خالى فرج
بوست حلوة جدا
تحياتى
للاسف الشديد
هذه ليست اخلاق الاسلام
ان يسب شخص انسان ميت ويصفه بانه كلب
عفوا
الكلام ليس لصاحب المدونه
إرسال تعليق