المساواة
المساواة
انا لا اعترف بوجود اي مساواة بين الراجل والمراة
واحده واحده ونتكلم براحه من غير زعيق
اولا علشان نتكلم بوضوح انا مش بقلل من قيمه المراة او بحاول اهمش دورها
بالعكس انا بحترم المراة
بس انا مبعترفش بالمساواة
لان ربنا مخلقناش متساويين
خلقنا مختلفين في العقل والتفكير والقوة
انا مع المساواة في الحقوق كبشر
لكن مش مع المساواة بين الراجل والمراة في التعاملات والحقوق والواجبات
تعالوا نبص للموضوع بنظره مختلفه
هما الستات هيستحملوا العيال ولا ابوهم ولا مديرهم في الشغل ولا سواقين الميكروبازت الي بيجبروهم يتشعبطوا علي الباب
في حين الستات وظيفتها الاساسيه هي بيتها وجوزها
هتقولولي مصاريف العيال والمدارس ولبس العيد
هقولكم في ستات كتير قاعده في بيوتها وربنا كارمهم
انا مش ضد عمل المراة
انا ضد منافسه المراة للرجل
لان المنافسه ديه بتنتقل بصوره لا اراديه للبيت وتبقي بتنافس جوزها
وهي كمان نفسيتها بتتعب من الضغط الي عليها
يبقي انا من حقي كزوج اني امنعها تنزل شغلها
مش تقلييل لقيمتها لا بس علشان تهتم ببيتها
ومستحيل تهتم ببيتها كويس وتحافظ علي شغلها
ولو عرفت هيبقي علي حساب صحتها وده انا مقبلوش
تحت بند
تخاريف
هناك ٢٠ تعليقًا:
محمود
كلامك مش محتاج تعليق
فعلا مفيش حاجة اسمها مساواة
كل ميسر لما خلق له
ربنا خلقنا مختلفين
واحنا عايزين ننكر الحقيقة دي ونقول لأ مفيش اختلاف
ما هو دا الغزو الفكري اللي الغرب زرعه فينا
احييك جدا جدا جدا على البوست دا
لانه ممتاز
وحقيقي جدا جدا
المرأة لو تفكر
تجد ان الدور اللي ربنا خلقها له
قمة التكريم
لها
لكن دايما تلاقي الصوت الخاوي
بتاع انا عايزة اثبت ذاتي
سبحان الله
ما كل واحد يثبت ذاته حسب طبيعته
مرة تانية احييك جدا جدا
سلام ايها الثائر
السلام عليكم
محمود:
فى الحقيقة ان موضوع المساواة هذا شدنى قديما، وربما مازال يشدنى حتى الأن، ربما لأنى أخذته من نظرة دينية منطقية بسيطة كما فعلت أنت
لكن المشكلة الحقيقية التى مازلت لا أدرى حلها، هو أننا ربما ننظر الى رعاية المرأة للأولاد على انه عمل راقى وأننا نريد أن نخفف عنها أعباء العمل، ولكن ليس كل الرجال يفعل ذلك، بل البعض سينظر لها على أنها خادمة، وبعض النساء كذلك لا يريد راحة المنزل بل عناء العمل لأنه يبحث عن شىء آخر خارج المنزل، ربما الذات التى لم تجدها داخله
الحل كما آرى، والله أعلم .. فى خلق وعى متوازى بين الرجل والمرأة، كل بأهمية دوره وكيف يرى أهمية دور الآخر
هنا... قد لا نحتاج المساواة بعد ذلك، طالما وجد كل منا ذاته وذات اآخر
تحياتى على الطرح الجميل للموضوع
السلام عليكم
الحمد لله وشهد شاهد من اهلها
انا كنت خايف لالبنات تهجامني
لاقيت حد مشاركني الرائ
مرسيه يا قمر
وربنا معاكي في المذاكره
اسلام
اي ست في بيتها ملكه
ولو جوزها مش محسسها بالاحساس ده تبقي المشكله فيه مش فيها
بس ايه ذنب الاولاد
حتى لو كنا شايفين ان فيه حق للمرأه فى العمل لو كان المجتمع محتاج ده
لكن سوق العمل نفسه مفيش فيه فرص للرجاله يبقى نستنى شويه ونخفف من الضغط لما الاحوال تتعدل انا عارف ان المشهد بيقول انها مش ناويه تتعدل بس كده العمليه بقت صعبه على الشباب اللى المفورض هيبقى مسئول عن بيت وعيله
مش انا بنوته بس انا موفقاك على كل اللى انت قلتو انا فعلا
مش شايفه انا موضوع المسواة دا حاجه صح
تحياتى بوست هايل
المساواة هو يعني ايه مساواة اني أشتغل زيي زيك؟
مانا باشتغل زيي زيك اني أتعلم زيي زيك ماده بيحصل فعلا اني يبقي ليا حقوق في البلد دي زيي زيك؟
ده علي اعتبار ان لينا حقوق في البلد دي ففعلا ليا حقوق زيي زيك
أنا واحدة من الناس مقررة اني ماشتغلش الشغل اللي يأثر علي بيتي ولو لقيت ده بيأثر علي بيتي يبقي قلته أحسن
بس برده مش هاقعد في البيت
الست ليها طموح و ليها كيان زيها زي الراجل ولما تحب تثبته لازم الراجل يديها الفرصة دي طبعا في حدود عدم تأثير ده ع الأسرة وبرده مايبقاش بالاجبار يعني ماتمنعهاش عن الشغل غصب عنها بالتفاهم
ماهو بقا برده ماتحاولش تقنعني اني بعد الأشغال الشاقة اللي أنا فيها دي تقوللي ماتنزليش تشتغلي ولو حتي لحد الضهر
كان من الأول بقا اكتفينا بتعليمنا القراءة والكتابة وقعدنا في البيت
وبعدين صلحوا اقتصاد البلد وهتلاقوا الست مابتشتغلش 24ساعة زيها زي الراجل هتكتفي بالشغل اللي ما يخليهاش تمل من حياتها يعني
وبعدين فيه تعليق استفزني جدا :))
اللي بيقول مافيش فرص للرجالة في سوق العمل يبقي الستات تقعد في بيوتها
وأنت فاهم بقا ان احنا لما نقعد في البيت انتوا هتلاقوا شغل تشتغلوه:))))))))
تحياتي
والله انت ولد
ايوة كدة عيزين شباب جرىء ويتكلم ميخفش ايه مساواه وايه الكلام الفاضى دة مساواه كبشر مش كتعملات
والله شكلهم هيغتلوك
النساء بقم اغلبيه
تحياتى
فنان فقير
مع احترامي الشديد جدا جدا ليكي
ولطموحك ولكيانك والكلام الكتير الحلو الي انتي قولتيه ده
بس هو في شغل لحد الضهر
وهو في شغل مفهوش بهدله
وهو في شغل مش بياثر عليكي وعلي بيتك
وهو ايه المانع انك تحققي طموحك في بيتك وفي اولادك
خلاص ياسيتي اشتغلي براحتك بعد الجواز
بس اول ما تدخلي في الشهر الخامس
اقعدي في البيت معززه مكرمه
وبالنسبه للتعليق الي مزعلك
انا شايف ان الراجل معاه حق مغلطش
اه بقي انتوا واخدين فرص مننا
ورزقي ورزقك علي الله
انشاله تخطفوني بس ديه حقيقه ها بقي
والله ما انا ساكت تاني
ابو العربي باشا
امانه عليك يا شيخ لو حد حاول يخطفني
ابقي انجدني متسبنيش لوحدي
دول مفترين
يعني هو أنا ماليش كيان ولا طموح غير تربية الأولاد يا سي محمود؟
ايه يعني عاوزني بعد السنين دي كلها أقعد في البيت؟ من الأول بقا كنت قعدت في البيت بعد الثانوية العامة وخلصت
واحنا بقا اللي بنقطع عليكوا رزقكوا؟
ليه ان شاء الله
كل مشاكل الشغل اتحلت مابقاش فاضل الا حكاية الستات اللي بتشتغل هي اللي عاملة أزمة؟
وبعدين أيوة طبعا في شغل لحد الضهر ايه مافيش مستشفي من الصبح لحد الضهر؟ أعتقد ان كل المستشفيات شغالة كدة
ثم أنت يظهر مش هتجيبها البر
خليك حلو بقا أحسن أكلم زمايلي في عنبر المساتجين ونيجي نقبض عليك
لا طبعا انتي ليكي كيان
ده بالعكس انتي لازم يكون ليكي كيان مستقل عن الانسان الي هتتجوزيه علشان تقدروا تتفاهموا مع بعض ولو هو غلط تقدري ترشديه
بالنسبه لموضوع تحقيق الذات في البيت مع الاولاد ده ممكن يحصل عادي
بالنسبه بقي لموضوع الشغل ده
لو قدريتي تحققي المعادله الصعبه
وتشتغلي وتخلي بالك من نفسك
وميجيش علي حساب صحتك
تبقي ميه ميه
ومحدش يقدر يفتح بقه معاكي
اخيرا
بلاش والنبي موضوع المستجدين ده
خدوا راحتكوا واشتغلوا زي مانتوا عايزين بس بلاش عنبر المستجدين
مستجدين ايه دول يابني؟
المسااااااجين(هو في ت بس جت غلط) تكونشي فاكرني باكتبلك من الجيش ولا ايه؟ :))ولو نفسك في مستجدين أجيبلك أخويا وزمايله في العنبر وهما ماهيصدقوا يخدمونا فيك
ناس مابتجيش الا بالعين الحمرا صحيح
والله في المواقف الي زي ديه
مش هتفرق مساجين من مستجدين
والواحد بيضرب مبخودش باله
ولو جبتيلي اخوكي والعنبر بتاعه
هيقفوا جنبي ويساعدوني
لما يعرفوا الموضوع
قال مساواة قال
ايه يا شباب مالكم
ماتمسكوا في بعض وانا موجودة احسن
خلاص مش عامليلي اعتبار
وانت يا عم محمود
اتحمل
انت فتحت على نفسك
الباب دا
خليك جاهز بقى
وبعدين يا دكتورة
صدقيني جميل جدا ان كل انسان يثبت ذاته
سواء رجل او امرأة
لكن اثبات الذات عمره ما كان عن طريق الشغل بس
الذاتية دي معنى كبير جدا
الذاتية معناها ان يكون للانسان فكر خاص بيه وفلسفة بتاعته هو
بتحدد ملامحه وشكله
بيتعرف من خلالها
بيتفهم منها
ويبقى من هنا
اصبح له كيان خاص
واثبت ذاته فعلا
ولو على الشغل
دوري في كل اللي بيشتغلوا رجالة وستات
قولي لي كل واحد لقى نفسه ولا لأ
المرأة افضل واثرى مكان بالنسبة لها
وممكن تثبت ذاتها فيها
هو بيتها
واولادها
تخيلي انك مسئولة عن بيت واولاد
تخيلي انك العامل الاساسي
في البناء الفكري لهم
تخيلي انك انت اللي بتبلوري عقولهم
يعني ذاتك مش بتثبتيه وبس
دا انت بتنقليه لأولادك
وبالنسبة لموضوع الشغل لحد الضهر
اي مستشفى الشغل فيها
مش قبل 2 بعد الضهر
وطبعا من 8 صباحا
تخيلي ترجعي بيتك
وعندك التزامات اد كدا
قولي لي حالتك العصبية هتكون ايه
ودا هاينعكس على مين
ولو اتكلمنا هانتكلم كتير جدا جدا
وفي النهاية
انا باحترم اراءك جدا جدا
من غير اي فرق
وبلاش تستعيني باخوكي
زي محمود ما قالك
هايقف في صفه
قال مساواة قال
المفروض الرجالة هم اللي يطالبوا بالمساواة دلوقت يا عيني
اسفة يا محمود طولت
مش عايزة خناقات بقى
حاسة الفنان هاينقل الهجوم بالكتيبة على عندي
على فكرة انا معاك فكل اللي انت بتقوله
ثم ان الاسلام اقر بعمل المرأة في مواضع معينة
جميله
ربنا يكملك بعقلك
ايه الجمال ده
لو وايه الكلام اتقال وانتي بتمتحني
يعني كلام يدرس
قوللها والنبي
شمس
ايوه كده خلينا نتحد
شرفتني
جكيلة انتوا بتتفقوا عليا انتي ومحمود؟؟؟؟؟؟؟؟؟؟؟
طيب ماشي
علي فكرة أنا غير معترضة بالمرة علي فكرة ان الست تثبت نفسها في بيتها وانها نعمة كبيرة والكلام ده كله
بس كل انسان بيبقي له أحلام وطموحات بيبقي نفسه يحققها
بصرف النظر بقا هتتحقق بالصورة اللي هو عاوزها ولا لأ وفي الغالب لأ بس ده عمره ماكان بيمنعنا انه نحلم
وبعدين ده أقصي تضحية ممكن أضحيها اني أشتغل لحد 2 الضهر دي:))
وساعتها هيبقي أنا المسئولة عن تعبي
وصدقيني القعدة في البيت انتي مش هتحسي بيها قد ايه مملة الا لما تيجي تجربي تقعدي بعد كدة
كل اللي بقوله ان الست تحقق طموحها في حدود المعقول وبكدة يبقي كل الأطراف متراضية
بس
حقك
انا مجرب قعده البيت
خلاص خلاص
ممكن تنزلي تشتغلي
ايه ده أخيرا اديتني الاذن اني أشتغل يا محمود
ربنا يخليك
:)))))
استاذ محمود،
نعم، ليس الجميع متساوون
ونعم، كل ميسر لما خلق له
ولكن
معنى ذلك أيضا أنه ليست كل النساء متساويات. هناك اختلاف في الطباع، في التفكير، في القوة الجسمانية. معنى أن تفرض على جميع النساء دوراً واحداً لا يخرجن عنه هو أنك غير معترف بالاختلاف بين البشر وبعضهم.
هناك الكثير من النساء يقتنعن بدورهن كأمهات وربات بيوت. لكن هناك أخريات لهن طموح مختلف. أم أنك يمكن أن تقول لمن طموحه أن يكون طياراً: لا يارجل، الطيران خطر ومتعب، ادرس هندسة أحسن، الهندسة كلية قمة وتشتغل وانت على مكتبك دون تعب وضغط أعصاب؟
كذلك من تريد أن تكون طبيبة أو مهندسة، و مهاراتها العقلية تؤهلها لذلك، أليست هذه المهارات هي تيسير من الله لها لما خلقت له؟ كيف تريدها أن تصبح ربة بيت همها الأوحد كنس الأرضيات و الركض وراء الأولاد؟ ألست بهذا تحجر عليها وعلى إرادتها؟ أليست إنساناً بالغاً عاقلاً كامل الأهلية، ومن حقها الاختيار؟
يا أخي، المرأة ربما تستطيع تربية الأولاد أفضل من الرجل، بحكم طبيعة جسمها و تربيتها (مع أن حتى ذلك لا ينطبق لا على جميع النساء ولا جميع الرجال، أعرف حالات كان الزوج فيها أحن على أولاده وأقدر على تربيتهم وتحمل مسؤوليتهم). لكن ما الذي يجعلك تعتبر أن عمل البيت هو مسؤولية المرأة، والمرأة وحدها؟ هل لها يد ثالثة أم مكنسة في رجلها؟ يا أخي، الطباخون المشهورون في العالم رجال، و كثير من عمال الفنادق والخدم رجال، يعني الرجال يستطيعون القيام بهذه الأعمال أيضاً، بعضهم حتى أفضل من الكثير من النساء
اذا كنت تخشى على زوجتك من الضغط العصبي وتراكم الأعمال، لم لا تكنس الأرض وتغسل صحون الغداء؟
أو تزوج من البداية واحدة لا تعمل ولا تنوي أن تعمل، بدلاً من الحجر على إرادة وطموح إنسانة وفرض رأيك عليها
صح كدة؟
إرسال تعليق