سؤال

امبارح قابلت بنت زميلتي

البنت ديه كانت اموره

شيك في هدومها

رفنتوعه

لقيتها لافحه عيل علي كتفها

ولابسة شوال جينز

وتخنت بتاع تسعين كيلو

هو ليه الستات في مصر بعد الجواز بيبقوا كده!!!!!!!!!!!!!!!!!!!!!!!!!!!!!!!!

يا انا يا انتم

بيات شتوي

تشاؤم

البلد بايظه

طب ما انا عارف

استفدت ايه يعني

البلد استفادت ايه لما انا اتشامت وقلبت بيات شتوي

في ناس استفادت

قدرت تخرس صوووت

من الف صوت

بس لو اتكلمت هبقي شوكه في ضهرهم من ضمن الف شوكه

يمكن يحسوا علي دمهم

مش هتشائم تاني

مش هقلب بيات شتؤي تاني

ويا انا

يا هما

بيات شتوى

اعتذر علي عدم الرد علي تعليقاتكم في البوست الاخير

واعتذر عن عدم نشر اي موضوعات جديده

انشغلت موخراً بترتيبات خطوبتي وتمت الحمد لله يوم الجمعة الماضية

انا حاليا في فترة بيات شتوى

أخزن الكثير من الاحداث في عقلي ولكني غير قادر علي تحويلها الي كلمات

لم اعد استطع ان اسخر من الاوضاع التي نحياها الان في مصر

فموت الناس وبيع ثروات البلد وانتشار الامراض والجهل والفقر لم تعد موضوعات تثير السخرية

انها تثير مرارة في الحلق وسواد في القلب ومرض في العقل

ان مصر الان تهرول مسرعة نحو طريق مظلم لا اعتقد ان هناك شخص في العالم يعلم نهايته

قد يكون نهايته ثورة وقد يكون نهايته نور وقد يظل أسود حتي النهايه

لا أعلم تحديدا نهاية الطريق ولا اريد ان اشغل بالي بنهايته لانني اكتشفت ان المصريين شعب اصم ابكم

لا يتكلم ولا يثور ولا يرفض

انه ينتظر فقط ما تفعله فيه حكومته

قد تظلمه ايام وقد تنصفه يوماً

هو فقط يجلس منتظرا

يهمس في السر عن كرهه للحكومه ومدي الفقر الذي يحيا فيه وارتفاع اسعار غذاء يومه

ويتحدث بصوت عالى عن الجنس وسب الدين والدنيا,,,,, ويكره لاخيه الخير

ولا ينسي ابدا ان يصلي الجمعه والاعياد!!!!!!!!ا

انا فقط حزين علي ما وصلت اليه بلدي

انها لاتستحق كل هذا الظلم

لا تستحق تعليم عقيم

لا تستحق علاج بلا مواد فعالة

لاتستحق بيع ثرواتها بالبخس

لاتستحق موت اولادها علي شواطئ بلاد اخري

لا تستحق بقاء بناتها حتي سن الاربعين بدون زواج

انها لا تستحق كل هذا الظلم

ما بين

ما بين حوادث غرق الورد المصري في طريقه الي روما

وفتوي من برج عالي تقول بانهم ليسوا بشهداء بل هم طامعون في حياة رغدة ملئيه بالبنات الايطاليات وبحور الخمر

بدليل انهم دفعوا خمسة وعشرين الف جنيه عشان يروح جنة اوروبا

وربنا كرمهم ورماهم في النار

لما سمعت موضوع الفتوي ديه افتكرت ماري انطوينت

لما كانت واقفه في البلكونة بتاعت القصر بتاعها وبتقولها ياكلوا جاتوه

مهو لو كان الناس الي فوق دول عارفين يعني ايه بطالة

لو كانوا عارفين يعني ايه شاب عنده 28 سنة ولسة مشتغلش

لو كانوا اشتغلوا تلاتين يوم في الشهر اتناشر ساعة في اليوم عشان 300 جنيه

لو كانوا قاعدين في بيوتهم واهاليهم بتصرف عليهم

مكنوش طلعوا فتوي زي ديه

شكرا سيادة المفتي

شكرا من قلب عشرين اسرة مصرية ولادهم اترموا في البحر

كلمة

الحب مش كلمة

مش معني انك تقول بحبك يبقي انت بتحب

الحب يعني تلاقي نفسك بتتغير عشان الي بتحبه

الحب انك تكتشف حجات في نفسك مكنتش عارفها

الحب انك تلاقي نفسك بتعمل حجات مكنتش تتخيل في يوم انك تعملها

الحب يعني قلق مستمر علي حبيبك

خوف غريزي علي مشاعره

احترام صادق لافكاره

احساس مستمر بيه حتي لو كان بعيد عنك

تفهم لمشاكله وظروفه

يااااااااااااااااااااااااااااااااااااااااااااااااااااااااااه

انا بحب يا جدعان

انشاء اللة هننزل نشتري الشبكة يوم الجمعة الي جية

سرقة حلم

واحد صحبي

اتنصب عليه في سفرية

هو مش زعلان علي الفلوس

هو زعلان علي شقته الي حلم بيها

علي البنوتة الي متجوزهاش

علي الفلوس الي مقبضهاش

علي حلمه الي اتسرق منه

حتي الاحلام مستكترنها علينا

المبــــــــــــــــــــــــــــــــــــــــــادرة

انا مبكرهش في حياتي قد كلمة المبادرة

خاصة لو كان بعديها كلمة الرئيس



كلمة غبية بتقتل تفكير وابداع وعمل سبعين مليون مصري

هو احنا منتحركش الا بمبادرة من الرئيس

منفكرش الابمبادرة من الرئيس

خلاص مصر مبقاش فيها عقول ولا فكر غير الرئيس

ليه نحصر تفكيرنا وتلقينا للاوامر لشخص واحد بس

دحنا مبنعملش كده مع ربنا

وبنخالف اوامره

لكن البلد كلها تقوم تسبح وتشكر وتهلل عشان مبادرة من الرئيس

علي العموم

الف مبروك علينا مبادرة النوووووي

وانشاء الله هنستخدم كلما امكانيتنا من بلح ومانجه عشان نحقق

طفرة نوووويه

NO COMMENT

شكرأُ

انا كنت هكتب البوست ده باللغة العربية

بس لما كتبته معجبنيش

حسيت اني بظبط مشاعري عشان تتحول لكلام وده غلط

قول الي جواك مهما كان طريقته

خاصة لو انت بتحب

************************************************************************************

هو انا بحبها ليه

يمكن لانها حنينة عليا اوووووي

يمكن لانها بتبصي لي بنظرة مشفتهاش في عين حد قبل كدة

أحتمال عشان بتحس بالي جواي من غير ما اقوله

يمكن عشان مستحملاني بقالها حداشر سنة

عشان كل ما نتخانق متعرفش تبعد عني

عشان محتجاني

عشان بتحبني

عشان بتوجهني لما اكون غلطان وكمان بتوجهني بطريقة متضايقنيش او تزعلني

انا مش بدور علي سبب حبي ليها

انا بس حبيت اقولها

,,, شكراًً

شعب فقد خصوبته

امبارح في العاشرة مساء كانوا بيناقشوا مشكله لبن الاطفال الصناعي

مهمنيش مشكلة اللبن قد ما همني مشكلة العدد الكبير من السيدات الي بيرضعوا اولادهم صناعي

ايه الي حصل لرجالة وستات مصر

ليه انتشرات مشاكل الذكورة بالمنظر ده وانتشرت اعلانات الضعف الجنسي والعقم

ليه الستات مبقوش عارفين يرضعوا عيالهم

وحتي لو عرفوا يرضعوهم بيبحثوا عن حاجه تساعد لان اللبن الطبيعي" مبيشبعش"ا

للاسف الاكل الفاسد

الهواء الملوث

المياة المعكرة

القمح المسرطن

خلانا نفقد اعز ما نملك

خلانا نفقد خصوبتنا

أعراض مرض

أختلفت درجات الالوان

لا اعلم لما تحولت كلها الي الوان زاهيه

لماذا اشعر بتلك الفرحة وذلك الالم اللذيذ في قلبي

خبت نظرتي التشاؤمية وحلت مكانها نظرات تفاؤل

لماذا لا استطيع ان ازيل تلك الابتسامة من علي شفتي

اشعر انها ابتسامة بلهاء

ابتسامة طفل صغير يعلم ان والده سيشتري له الحلوي

ابتسامة جد يعلم انه سوف يري أحفاده اليوم

لماذا اصبحت اتعاطف مع المخطئين ولا اهاجمهم

لماذا اصبحت اتقبل النقد بسعة صدر واضحه

لماذا اصبحت انصت لاصوات العصافير

لماذا اصبحت اكل اقل واتلذذ بكل قطعة من الطعام

انا لست مريض

انا فقط

أحب

البوكسر باين يا كابتن

البوست ده من الارشيف كتبته في بداية افتتاح المدونة

انا اتكلمت كتير اوي عن حجات بتحصل بمناسبه اقتراب الصيف زي البنات والكهرباء بس النهارده هتكلم عن شباب بلدنا

او بمعني ادق شريحه كبيره من شباب بلدنا الامامير

ايام ما كنت في الجامعه كنت بروح زي اي طالب محترم كل سنه يعرف عليه كام علي اساس اني مدفعتش مصاريفي خلال تلات سنين فاتوا

الي يعرف كليه تجاره جامعه عين شمس يعرف ان شبابيك شؤون الطلابه نازله لتحت شويه علي اساس انهم يكسروا عين الطالب ويخلوه ينزل بجسمه عشان يعرف يكلم الموظف

انا واقف في طابور طويل عريض وقدامي شابين ظراف جدا وجنبينا بنات واقفه في صف تاني

المهم الدور جيه علي الولد الي قدامي

الامور لابس بنطلون ساقط ونص البوكسر باين

شويه وقام رايح للشباك علشان يكلم الراجل

وهوب قامت حاصله المعجزه نص ضهره بان مع جزء صغيره من الموخره

طبعا البنات اتكسفت وانا كنت هرجع عليه

قرفت من الموقف قمت مقرب منه وبصوت واطي قولتله البوكسر باين يا كابتن

لا تتخيلوا حقاره النظره الي كان بيبصهالي نظره بطول وعرض ويمين شمال كانوه عايز يسفخني بالقلم علي وشي ولما لاقني عريض حبتين وطويل سبع حبات قام مغير قراره وبص ناحيه الموظف

اتنرفزت انا بقي وبعز ما ربنا اداني من صوت قمت قايله

البوووكسر بتاعك باين يا كابتن

طبعا نص البنات اترميت علي الارض من كتر الضحك وصاحبه قعد يضحك عليه

مفيش ثانيتين وقام رافع بنطلونه الي هو واقع خلقه

بذمتك مش عيب شاب محترم كده يمشي قدام الناس والبوكسر بتاعه باين

المشكله انهم بيلبسوا عليه تيشرتات اميركان وباديهات قصيره يعني لو فكر انه يجيب حاجه وقعت منه نص القاهره الكبري هتتفرج عليه

أسبوع

أسبوع يا جدعان

اسبوع واحد وحال البلد اتشقلب

المصحاف الي كانت في الموصلات اختفت

الهدووم اتضيقت والجيبونات طلعت لفوق

الحجاب طار والشعر هفهف

الشتايم وسب الدنيا والدين بقوا زي اللبان

الجوامع فضيت والقهاوي اتملت (علي الرغم انها كانت ملايانة برضه في رمضان)ا

راحوا فين الناس الي كانت ماسكه المصاحف

راحوا فين البنات الي اتحجبت

رحوا فين الناس الي كانت بتعيط في صلاة التهجد والتروايح

سبحان مغير الاحووووال!!!!!!!!!!!!!!!!!!!!!!!!ا

SMOKEمصربت

كل سنه وانت طيبين

مصر يوم وقفه عيد الفطر استهلكت تقريبا اربعه مليون طن بانجو وخمسه مليون طن حشيش واتنين مليون لتر كحول

ده بقي الي انا شوفته بعنيه

فما بالك بالي مشفتوش!!!!!!!!!!!!!!!!!!!!!!!!!!!!!!!!!ا

الاختلاف في الرائ يفسد للود قضيه

البوست ده اتهد واتعمل من اول وجديد

انا كتبت بوست ناري

ودخلت في كام واحد شمال

altwati

تخاريف دكتور

سي السيد

بس للاسف كنت عملت البوست ده ومكنوش لسه علقوا علي ردودي في مدونه شبابيك

علي العموم

حصل سوء تفاهم كبير اوووووي

خلاني انفعل

واحس اني في موقف دفاع عن النفس

وانكم بتهجموني علي رائ شخصي

كل ما هنالك يا سادة

ان المدونات هي صفحات شخصيه تضع انت فيها قوانينك الخاصه

كل سنه وانتم طيبين

اعتذار

اسف يا جميله انتي علقتي قبل ما غير الموضوع بثواني

الاختلاف في الرائ

زميلتي العزيزه سالي صاحبه مدونه شبابيك

كثيرا ما اختلفت انا وهي في العديد من الموضوعات

ولكني موخرا اختلفت معها في موضوع يخص المدونات والمدونين وتعليقاتهم

اختلفت مع زميلتي علي مبدا التعليق علي المواضيع التي تطرحها كل مدونه ورد صاحب المدونه علي هذه التعليقات

لعلكم قد لاحظتم انني مقصر في الرد علي تعليقاتكم من فتره ليست بقليله

فقد اقتنعت ايها الساده ان مبداء الرد علي تعليقاتكم مبداء شخصي بحت وليس من المفروض ان ارد علي تعليقاتكم بكلام ليس له معني او لن يفضي بنا الي نتيجه

بل بالعكس فقد طرحت وجهه نظري سلفه في الموضوع الذي تعلقون عليه

اما انتم فقد علقتم علي ما طرحت وبهذا نكون قد انهينا الموضوع

اما اذا استدعئ احد التعليقات ان ارد عليه فانني سارد وافتح باب المناقشه

وهذا وانا اكن الكثير من الاحترام لكل من استطاع ان يكتب تعليق علي احد مواضيعي سواء كان هذا التعليق بالسلب او الايجاب

مع العلم انني لازلت ادخل علي مدوانتكم وامارس هوايتي المفضله بقراء افكاركم وتعليقاتكم سواء كانت سياسيه او دينيه او شخصيه

وكثيرا ايضا ما اترك تعليق يمدح طريقه تفكيركم واسلوبكم في الكتابه والسرد او عترض علي ماكتبتم كل علي حسب موضوعه

اما بالنسبه الي زميلتي سالي فقد كانت رافضة لهذا الرائ للعديد من الاسباب

اولا: تري سالي ان عدم ردئ علي تعليقاتكم بها بعض الاهانة لكم لكوني قد تجاهلتكم

ثانيا : المدونات من وجهه نظر سالي نوع من انواع المشاركه الفكريه بين العديد من الاشخاص وهذا قد ينسف وجهه نظري من الاساس لانني بهذا التفكير قد قطعت الخيط الذي يربطكم بي ولم يعد هذا الخيط موجودا من الاساس

لانني من وجهه نظري المشاركه هنا هي طرح الموضوع والرد عليه

ثالثا : تري سالي ان عندما يكتب بعض المدونون دعوة واضحه في تعليقاتهم لزيارتهم في مدوناتهم نوع من الاعجاب بطريقه تفكيري والرغبه في مزيد من التواصل بيننا

وهذا ما ارفضه انا لانني اعتبره نوع من انواع الدعايه لهم

لانني بالتاكيد سوف ادخل علي مدونتك لمجرد تركك لتعليق عندي دون اي طلب منك

واخيرا ايها الساده

لقد شرحت لكم وجهات نظري

وهذه هي وجهه نظر سالي

أولا يامحمود أنا بس حابة أقولك ان لما فتحت النقاش ده ماكنتش باتهمك بعدم الاحترام للي بيعلقوا عندك بالعكس أنا كنت خايفة أحسن اللي بيعلقوا عندك ياخدوا فكرة عنك انك مش مهتم بكلامهم وللأسف ممكن ناس بجد تحس بالتجاهل لما ماتردش علي تعليقاتهم وده بشكل أو بآخر بيبعدهم عن التعليق في مدونتك مهما كان الموضوع مهم ومختلف

وأاسمحلي برده أنا في الفترة الأخيرة اكتفيت بالقراءة في مدونتك وفقط والا ليه هاهتهم أحط رأيي وأنا حاسة أنه مش مهم اللي بيكتب رأي أو تعليق حتي لو تافه من وجهة نظرك أو مالوش قيمة أو مش بيضيف جديد الا أنه في نظر صاحبه حاجة مهمة جدا تكلف عناء أنه يكتبهالك ويشاركك فيها وأنا فعلا من وجهة نظري ان المدونات نوع من انواع تلاقي العقول والأرواح في المدونات دايما بتلاقي حقيقة الانسان اللي قدامك في معظم الوقت من حقي لما أقول رأيي لحد ألاقيه بيبصلي باهتمام ويقولي قولي كملي أنا سامعك أيوة معاكي حق لو اتفق معايا والا اسمحلي برده أنا هاعرف منين رأيك في اللي باكتبهولك سواء بالسلب ولا الايجاب الا اذا كنت تقولي ده

بالنسبة لموضوع دعايا التدوين أنا لاأري عيبا في ذلك أبدا الناس بتبقي عايزة حد يشاركها في اللي بتقوله حتي ده لو طلع بطريقة غريبة أو مش مظبوطة أو اللي بتسميه دعاية ومش كل الناس بتهتم تزور مدونة أي مدون جديد بيدخل عندها وحتي لو ده بيحصل أنا برده مش شايفة مشكلة في الطلب ده المشكلة ان احنا كبشر لازم نفسر كل حاجة بتحصل طالما هو دخل وقال كدة هو مش من حقه يقول أنا اللي لازم من نفسي أروح وايه المشكلة لما هو اللي يقول ولا انت اللي تروح المهم في النهاية يبقي في تواصل ومعرفة اراءنا ومحاولة ايجاد حلول وده مش هيحصل الا بالمناقشة من الناحيتين

أتمني ان تشاركونا الرائ في هذا الموضوع واعدكم بانني سوف ارد علي جميع تعليقاتكم حتي يتضح لكي اراؤكم ووجهات نظركم واكتشف هل انا علي خطا ام علي صواب ام هي حريه شخصيه

وشكرا

مدونه سالي شبابيك

مدونه محمود انا مش معاهم

عم الامور

الي الاخ الظريف : مثالي جنسي

وصلني تعليقك

ووصلني من الاخرين تعليقهم علي تعليقك

وعلمت ايضا انك منتشر في مدونات المحروسه بتحاول تثبت وجهه نظر انت نفسك مش مقتنع بيها

واليك ردي

انت عبيط في دماغك ياض

مهو يا انت اهبل يا انت اهبل

ومالك فرحان اوووي كده وخدوا اي ميلي خدو اي ميلي

الله يخرب بيتك والبيت الي جنب بيتك

روح ياض اتعالج يمكن ربنا ينفخ في صورتك

ودين ايه يا اهيل يا بن الاه........ الي الناس فهماه غلط

الدين ده مينفعش واحد زيك يتكلم عنه

ومدام بقي انت عامل فيها عم المؤمن متروحش تسيح لنفسك في المنطقه

وطول ما انت ماشي عمال تقول انا خ.. انا خ..

اذا بيليتم فاستتروا

وهرد عليك رد بسيط اوووووي لو انت مش مقتنع بكلامي

الحلال بين والحرام بين وبينهم امور متشابهات فاجتنبوا الشبهات

فهمت يا عم الامور

ثورة

الناس بدات تفوق

الناس بدات تفكر

الجوع قرصهم

والفقر تعبهم

والمرض نهش جتتهم

خلاص بقي

هنبقي علي ايه تاني

عيال : مبقوش عيال كبروا بدري وماتوا بدري واندفنوا بالحياة

صحه : راحت من الاكل الهباب والميه الطين

فلوس : لو كان معانا مكناش طهقنا

كرامه : دايسين عليه بالجزم

خلاص بقي مش قادرين نتسحمل

مش قادرين نستحمل ظلم

مش قادرين نستحمل فقر

مش قادرين نستحمل جهل

الي بيحصل النهارده في المحله ممكن ينتهي, ممكن يموت, ممكن يصرفولهم قرشين وخلاص

بس بكره هيكون في الف الف عامل بيطالبوا بحقهم

هيكون في مدرسين وطلبه مهندسين ومحامين

هيبقي في خمسه وسبعين مليون مصري بيطالبوا بحقهم

خربــــــــــــــــــــــــــــــــــــــــانه

خمس رؤساء تحرير واتنين صحفيين هيتحبسوا

اعتصامات واضراب في المحله

البلد كلها تقف عشان الرئيس بيسلم عشرين شقه في اكتوبر

ناس بتتعذب ليل نهار في الاقسام ومحدش عرفلها صاحب

ناس بتعذب ليل نهار في الاقسام ومحدش بيحاسبها

اكل بايظ , مبيدات مسرطنه , هواء ملوث , مية معكره

تعليم متخلف , شوارع مكسره , مستشفيات ضايعه

طب انا راضي ذمتكم

خربانه ولا مش خربانه

اتمنى اشوفك عندي

انا مبحبش الكلمتين دول

(اتمنى اشوفك عندي, اتمنى اشوفك فى مدونتي, تعالي زورني )

هستناك

ده الكلام ده علي اساس انك ابت خالتي الي مقبلتوش من سبعين سنه

عايز تعلق اتهبب علق ومتكتبهاش

مش عايز براحتك

بس مش كل ماادخل مدونه الاقي واحد سايب تعليق

وفي الاخر يكتبلك الكلمه المشهوره

اتمنى اشوفك عندي

نجاح متصل

أن انخفاض اسعار المخدرات المطروحه في سوق تجارة التجزئه

يعني ببساطه نجاح متصل باقل قدرا من المخاطره في عمليات التهريب

ولاول مرة منذ عملي في التجارة لا يتجاوز حجم المضبوط 3% من حجم المستورد

احمد ذكي

ارض الخوف

اقتباس يصف من وجهه نظري انتشار المخدرات الشديد الذي يحدث في المجتمع المصري الان

سبع رجاله

محمد جمعة " 41 عاما" ، نجله أيمن " 17 عاما" ، عبد الشافى على " 30 عاما" ، وشقيقه حسن " 33 عاما" ، فتحى عبد الحفيظ " 38 عاما" ، شقيقه جمال " 34 عاما" وأحمد محمد " 22 عاما".

الناس الغلابه دول ماتوا وهما بيحاول ينقذوا بعضيهم في بلاعة صرف صحي

محافظ أسيوط صرف 5 آلاف جنيه لأسرة كل متوفى

علي كده الواحد لو حويش سبع تلاف جنيه يشتريله راجل ونص

مصريون ضد التعذيب

مهمتنا اننا نحاول نوقف التعذيب الي بيحصل

من اول الضرب علي القفا

لحد الكهرباء والحرق بعقاب السجائير

نحاول نمنعهم عشان الدور ميجيش علينا

الي يحب يشارك يدخل مدونه

جبهه التهيس الشعبيه

عشان يعرف التفاصيل

لو مش عايز كفايه تنشر الصور ديه في مدونتك

مليون دولار350

المستثمرين الاجانب سحبوا 350 مليون دولار من مصر

لما نزلوا الصبح واشتري جورنال الدستور بجنيه

وقرواء الكلام الي فيه عن الرئيس

البلد الي يتسحب منها 350 مليون دولار عشان اشاعه لمرض رئيس او حتي موته

لازم كل مسئول فيها يتحاكم

دول لازم يتحاكموا بتهمه الغباء السياسي عشان توجيهه تهمه زي ديه تهمه للنظام قبل ما تكون تهمه للاستاذ ابراهيم

كل سنه وانتوا طيبين

الداخليه هتبيع الكنبه

اخير اعترفت الحكومه بوجود حالات تحرش بمصر ده بعد ما نص مصر تم التحرش بيها ...لو سمحت متضحكش لسه الضحك بعدين

الي يضحك مش ان هي أعترفت بعد موضوع وسط البلد بحوالي 9 شهور لا الي يضحك هي اسباب التحرش الي اللواء احمد ضياء الدين مساعد وزير الدخليه للشئون القانونيه قالها امام مجلس الشعب
نضف ودنك واسمع الكلام يمكن تستفيد

القنوات الفضائيه وما تذيعه من مشاهد توجج المشاعر(حلو توجج ديه) ,المواقع الاباحيه , البلتوث , الجيل التالت من شبكات المحمول


امنع الضحك عيب تضحك علي كلام الراجل , انا بقول امنع الضحك
الرد ده فكرني بقصه الراجل الي دخل علي مراته لاقها قاعده مع واحد علي الكنبه قام بايع الكنبه

بقي هي ديه اسباب التحرش في مصر . امال البطاله والتخلف والمخدرات تبقي ايه .اختفاء الخطاب الديني و قله فرص العمل وارتفاع نسبه العنوسه بين الولاد والبنات تبقي ايه(9ملايين شابه فوق 28 سنه بدون زاوج و5 ملايين شاب زيهم) طبقا للمجلس القومي للاحصاء
ارتفاع اسعار السلع الضروريه وارتفاع اسعار الاسمنت والحديد والشقق عموما تبقي ايه

نصيحه لكل شاب انه يبعد عن البلوتوث لانه بيسبب حاله هوس واضحه تجاه الجنس الاخر ولو قررت تشترليلك خط اتصالات يبقي انت الي جبته لنفسك هينتهي بيك الحال في قسم الشرطه ويدبسولك الموبيل في القميص



ممكن تضحكوا دلوقتي انتهي البيان



نشرت بتاريخ 10/مايو/2007

انا اعدت نشر هذا الموضوع عشان شوفت امبارح حالات تحرش

استاذي ابراهيم عيسي

انا للاسف عرفت الخبر متاخر

هيحققوا مع رئيس تحرير جورنال الدستور

الاستاذ: ابراهيم عيسي

بتهمه نشر اشاعات كاذبه

متعلقه بصحه الرئيس

الخبر قريته في مدونه جبهه التهييس

وانا هتضامن مع الاستاذ ابراهيم

الي يحب يشارك

الموقع اهوه

http://www.petitiononline.com/ibrissa2/petition.html

اصدقائي الاعزاء........شكرا

الي كان يعرف اني مكتئب يقراء الكلام ده لانه ليه

الي ميعرفش ينزل يقراء البوست الي تحت لسه كاتبه من نص ساعه

انا لو كنت مكتئب قيراط بعد ما قريت تعليقاتكم بقيت متفائل اربعه وعشرين قيراط

الي يقفوا جنب انسان ميعرفهوش ويساندوه ويحاولوا بكلام رقيق جدا ومحفز جدا جدا انهم يخرجوه من الحاله الي هو فيها

يبقي ميكنش عنده حق في الاكتئاب

اصدقائي الاعزاء انا للاسف مش هقدر ارد علي تعليقاتكم الي سبتوها في بوست اعراض اكتئاب

لاني مش هلاقي كلام ارد بيه

اصدقائي الاعزاء........شكرا

شكر خاص جدا لكل من

فنان فقير , لعب عيال

ما علينا , كلمات , والقادم اجمل

شمعه امل , هوندا , بووسي

سمسم , ميرو , سجده , اسلام

بنوته , قسمت , الحلم العربي

احنا الجيل الصاعد

احنا الجيل الصاعد احنا الجيل

نشيد كنا بنغنيه في المدرسه كان بيصحي اي حد في نطاق تسعميت ميل

اه لو كنا نعرف

احنا جيل ماما نجوي وبقلظ وماما عفاف الهلاوي

احنا جيل مازنجر وافردويت وكابتن ماجد كل يوم علي القناة التالته الساعه عشره

احنا الجيل بتاع فجر الاسلام في المولد والرصاصه لاتزال يوم سته اكتوبر

احنا جيل حرب الخليج الاولي والتانيه والتالته

احنا الجيل الي اتضحك عليه وهو صغير

واضرب علي قفاه وهو كبير

احنا الجيل الي ضيع مصروفه علي الكولا عشان العجله

احنا الي خرجنا من اعدادي كلنا بنقول هندسه وطب

احنا الجيل الي قالك ياشرطه يا حربيه وسقطنا في الاتنين

وخرجنا من ثانوي علي تجاره وحقوق ومعهد خدمه اجتماعيه

وخرجنا من الكليه علي قهوه السمسميه عدل

احنا الجيل الي قاطع البودره

واحنابرضه الجيل الي حب البانجو وعشق الحشيش

احنا جيل علي حميده وهشام عباس وسيمون

احنا جيل عمرو ومنير

احنا الجيل الي ستين في الميه منه عنده اكتئاب

احنا الجيل الي شرب مية مسممه وفاكهه مسرطنه واكل مليان مبيدات

احنا الي خرجنا في مظاهره فلسطين والعراق وسوريا ولبنان

واحنا الي اهلينا اتضحك عليهم في الريان

احنا جيل همام والسقا وعلاء

جيل اللمبي والحركات

وبطالنا نشيل محافظ!!!!!!!عشان معندناش جيوب وراء

احنا شباب تعبان

وبنات حيرانه

مش عارفين نحب

مش عارفين نتحب

مش عارفين نعمل اي حاجه

غير اننا نتكلم

ونكتب في بلوجتنا

عن احلامنا

عن طموحتنا

عن الي كان ممكن نعمله

لو مكناش من هذا الجيل

احنا شباب الجيل الصاعد احنا الجيل

أعراض اكتــئاب واضحه

أنا من زمان عارف اني بحب مصر

بس يجيلي اكتـــئاب بسببها مكنتش اتصور

مشاكل في الشغل

سجائير كتير

قهوه كتير

اكل كتير

قله نوم

وبعد كل ده حال البلد زفت

أنا بحب مصر بس مش قادر استحمل الي بيحصل فيها

انا معتكف لحين اشعار اخر

او لحد ما البلد تتصلح

ايهما اقرب

خلاص

هي بلدنا خلاص باظت

خلاص بقت ملايانه حراميه وفساد وسؤء اداره وتخطيط

خلاص بقي شعبنا متخاذل بيتفرج علي البنات وهدومها بتتقطع في الشارع من غير ما يتدخل ده لو مكنش مشارك

خلاص رضينا بحكم فاسد من غير ما نفكر نغيره

خلاص رضينا نتحكم بالحديد والنار

خلاص ادمنا السرطان والتهاب الكبد والفشل الكلوي

خلاص اترمينا في دوامه العيال والدروس وكروت الشحن

خلاص اسلامنا بقي حجاب وصلاة جمعه وصلاة عيد لو صحينا بدري

خلاص اعتمدنا علي الرشوة والمحسوبيه والشاي بتاعي وحلاوتي يا بيه

خلاص نسينا فلسطين والمسجد الاقصي

خلاص اتعودنا علي المهانه و الذل بره البلد وجوه

خلاص شبابنا ياما في المعتقل ياما تايه من المخدرات يا ما بيدور علي شغل ياما واخدها عوم لايطاليا

شكلها كده خلاص

شكلها باظت

اتصل اتصل

وين اهل السعوديه انتوا نايمين ولا ايه

يلا اتصل اتصل يلا اتصل

معانا جايزه 100,000 دولار لسعيد الحظ اتصل اتصل

مخرجنا بيقول اهل العراق نايمين وانا بقوله لا هما صاحيين اتصل (اهل العراق سابوا الغلب والقتل الي هما فيه وبيكلموا استرايك) اتصل

سوالنا سهل ولذيذ خالص وبالسمن البلدي " ماهو النهر الذي يجري في مصر" يلا اتصل وين اهل مصر

التليفون يرن: ممكن اشترك

الاخت المذيعه : طبعا انت من وين

المتصل: انا من بولاق

الاخت الظريفه: اهلا بكل اهل مصر واهل بولاق. سؤالنا ماهو النهر الذي يجري في مصر قدامك 30 ثانيه

المتصل:مممممممممم اه نهر الني......................................تتدخل المذيعه الو الو وينا مشتركنا الامووور يظهر الخط قطع

الاخت العسوله: حاول تاني واتصل اتصل تلفوناتنا في مصر 09999999010

التليفون يرن: هلا

الاخت الغلسه: هلا بيك من وين

الاخ الغلبان: والله انا من اليمن

الظريفه: هلا بيك وبكل اهل اليمن السعيد

الاخ : مخلاص بقي مبقاش سعيد

الاخت المستفذه: يلا مش مهم,,,,, عارف الاجابه

المتصل: اه طبعا نهر النيل

الاخت الدلوعه: ووووووووووووووووووووووووووووووووووووه برافوا عليك

المتصل : ايه ده يعني كسبت ال 100,000 دولار

المذيعه : لا لسه شويه لسه سوالين

الاخ : ارغي

المذيعه المثقفه: ايه هو الرقم الذري لجزئي الماغنسيوم المختلط بالماء الثقيل وعليه معلقه سكر ووواحده

الاخ المصدوم: ممممممممممم فتره تفكير طويله ويقول اتنين وسبعين

الاخت الي عايزه ضرب النار : لا للاسف اجابتك غلط اتنين وسبعين ده الي عليه معلقتين سكر حاول مره اخري

اتصل اتصل

العدد في الليمون

خمساتشر الف وسبعمائه مدونه مصريه خالصه مخلصه

بسEGYPT دول الي كاتبين

غير بقي الي كاتبين مصر غير الي بره مصر

يعني بالصلاة علي النبي كده نعمل عشرين الف مدونه

ربنا يزيد

ارض الخوف

في هذه الايام عشت اكتر ايام حياتي حيويه

أشتعلت جذوه

واشعت حرارتها في كل حياتي

كنت اعيش حاله خاصه

فقد كان عندي تصريح أخلاقي لكل فعل اريده

يشمل كل شئ بلا قانون محدد ولا حتي ضابط أخلاقي الاتقديري الشخصي بما ينجح مهمتي

هربت وبعت وكسبت وخسرت وهوجمت وقتلت وغؤيت واغتنيت

كل هذا كان من اجل هدف اسمي

يرفع عن كاهلي الخطايا ولكنه لا يحميني من الاخطاء

لذلك فقد كان ارتكاب الخطايا اسهل بكثير من ارتكاب الاخطاء

كده رضا

مسير الصغير يكبر

جيل الشباب من الممثلين

مثل محمد سعد واحمد حلمي وعلاء ولي الدين وهنيدي والسقا

يعتبر جيل محظوظ نسبيا

فبعد العديد من السنوات المظلمه في حياتهم

وبعد عشرات الادوار الهامشيه لهم

ابتسم الحظ لهم واعطاهم فرص حقيقيه لم يعطيه لاجيال سبقتهم

ولكن المشكله دائما في ان الحفاظ علي النجاح اصعب من الوصول له

توفي علاء ولي الدين رحمه الله بعد نجاح ساحق لعبود والناظر وخساره فادحه لابن عز

محمد هنيدي بعد صعود نجمه الي السماء السابعه بعد كامننا وصعيدي في الجامعه وهمام لم يستطع الحفاظ علي هذا المستوي وانخفض حب الناس له بعد بليه وخالتي واخيرا عندليب الدقي

احمد السقا استطاع بادور الاكشن ان يخلق لنفسه ادوار جيدا

بدون مجهود يذكر في التمثيل ولكنه غير تلك النظره للجمهور في تيمور وشفيقه

محمد سعد للاسف لم يستطع ان يظل الحصان الاسود للنهايه

غروره الشديد وتدخله في كل ما يخص الفيلم ادت بتدهور افلامه من سئ الي اسوء الي كركر

الجوكر احمد حلمي استطاع ان يقدم نفسه في افلام ك عمر 200 ورحله حب تقديمه ناجحه كممثل قد لانحبه ولكننا لايمكن ان نكرهه

خرج احمد حلمي من شخصيه عاطف الذي لا يعلم عنه احد في الناظر

الي 55 اسعاف علي الرغم من انه لم يلقي نفس النجاح

مرورا ب ميدو مشاكل الذي حقق نجاح جماهيري جيدا لمجهود حلمي ولتواجد شيرين

فتح الباب علي مصرعيه امام حلمي في سهر الليالي وتاكد المنتجون من قوته كممثل وادخلوه عالم الكبار

زكي شان , مطب صناعي , جعلتني مجرما , صايع بحر , ظرف طارق

كلها افلام تعتبر تيمه واحد عن شاب فقير يبحت عن فرصه جيدا للعمل او حب حياته وهذا احزنني لانني اعتقد انه ممثل اكبر من ذلك

حتي خيب حلمي امالي وفجر في وجهي مفاجاة كده رضا

عبقريه الاداء المتميز لكل شخصيه

الاختلاف التام والواضح لكل شخصيه التي لا تجعل مجال للشك في ان حلمي هو فنان عبقري قادر علي تجسيد وتقمص العديد من الشخصيات سواء كانت كوميديه او تراجديا

استطاع حلمي ان يتفوق علي جميع اقرانه وزملاء جيله في

التمثيل والمحافظه علي النجاح والتقدم الي الامام وان كان هذا التقدم بطئ

وهذه نقطه في صالحه وليست ضده

ولا ننسي ان حلمي هو الممثل الوحيد حتي الان الذي لم يتعرض احد افلامه الي الخساره

علي عكس هنيدي وسعد وعلاء ولي الدين وينضم اليه احمد السقا بالتاكيد

اسعدني حلمي طوال ساعتين بفيلم اكثر من رائع استطاع ان يضحكني ويحزنني ويدهشني ويبكيني

اتمني ان يحافظ احمد حلمي علي هذا النجاح ولا يقع في ما وقع فيه الاخرون

احترسوا ايها النائمون فجوكر السينما المصريه قادم اليكم..........ا

الإنكشارية

حد سمع عن الناس الي فوق دول

الناس العاديه هيقولوا لا

الي تعبوا شويه في تاريخ ثانويه عامه هيقولك انا سمعت اسماء الناس ديه قبل كده

العباقره الي زي و جايبين 49 من خمسين في التاريخ هيقولولك الاتي

الانكشارية

هي فرقه عسكريه تم تدريبها من الصغر علي حمل السلاح والفروسيه والمبارزه وحجات تانيه كتير

وكانت السبب الرئيسي في قوة الدوله العثمانيه

تحول الانكشاريين الي قوة غاشمه يسرقون القروي والنجوع ويقتلون الافراد ويفرضون الاتاوات

محمد علي لما دخل مصر امر جنوده انهم ميقربوش منهم عشان السلطان العثماني ميزعلش منه

بعد فتره من الظلم محمد علي حب ياخد بنط عند الشعب المصري

فقال لجنوده انهم يمنعوا الانكشاريه من تنفيذ هذه الاعمال حتي لو وصل الامر لاستخدام القوه

انتهي الحال بالانكشاريه بمذبحه كبيره في استنابول سميت بالمذبحه الخيريه

تاريخ الانكشاريه

.

.

الشرطه المصريه بتفكرني اليومين دول بالقوات ديه

بلاش نقول كل الظباط

جزء كبير منهم

بيفرضوا اتأوات واسالوا سواقين الميكروباص

بيعذبوا ناس وادخلو علي يو تيوب واكتبوا ظابط مصري وانتوا تشوفوا

بيقتلوا ناس سواء من كتر التعذيب او بالقصد

هي مصر لسه بلد الامان ولا خلاص بقت ملايانه انكشاريه

الداخلية: قتيل العمرانية سقط من شرفة منزله اثناء هروبه من رجال الشرطة

.

النائب العام يتابع التحقيقات فى واقعة حرق مواطن بقسم شرطة سيوة

.

معلومات حول تعذيب أحد الطلاب الثلاثة المختطفين في الإسكندرية حتى الموت

.

النيابة العامة تبدأ تحقيقا حول وفاة مواطن علي يد الشرطة في المنصورة